इंग्लंडचा विजय
बर्मिंगहॅम : इंग्लंडने एकमेव टी-२० क्रिकेट सामन्यात ऑस्ट्रेलियावर २८ धावांनी मात केली. इंग्लंडने दिलेल्या २२२ धावांच्या लक्ष्याचा पाठलाग करताना ऑस्ट्रेलियाचा डाव १९.४ षटकांत १९३ धावांत संपुष्टात आला. संक्षिप्त धावफलक : इंग्लंड - २० षटकांत ५ बाद २२१ (जोस बटलर ६१, अॅलेक्स हेल्स ४९, जेसन रॉय ४४, स्वेपसन २-३७, स्टॉइनिस १-९) वि. वि. ऑस्ट्रेलिया - १९.४ षटकांत सर्वबाद १९३ (अॅरन फिंच ८४, एगर २९, जॉर्डन ३-४२, रशीद ३-२७).
...
भारत फेव्हरिट
दुबई : गतविजेता भारतीय संघ आणि उपविजेता इराण संघ यांच्यात कबड्डी मास्टर्स स्पर्धेची अंतिम लढत होण्याची शक्यता आहे. आज (शुक्रवार) उपांत्य फेरीत इराणची पाकिस्तानविरुद्ध, तर भारताची कोरियाविरुद्ध लढत होणार आहे. भारताने गटात पाकिस्तान आणि केनियावर सहज विजय मिळवले आहेत. आशिया अजिंक्यपद स्पर्धेत भारताने कोरियावर ४५-२९ असा विजय मिळवला होता. भारताने कोरियाला पाच पैकी चार वेळा पराभूत केले आहे.