दुसऱ्या कसोटीत श्रीलंकेवर ५७ धावांनी मात
वृत्तसंस्था, कँडी
इंग्लंडने मालिकेतील दुसऱ्या कसोटी क्रिकेट सामन्यात श्रीलंकेवर ५७ धावांनी मात केली आणि तीन सामन्यांच्या मालिकेत २-० अशी विजयी आघाडी घेतली. मागील १७ वर्षांत इंग्लंडचा हा श्रीलंकेतील पहिला कसोटी मालिका विजय ठरला. इंग्लंडने मालिकेतील पहिली कसोटी २११ धावांनी जिंकली होती.
दुसऱ्या कसोटीत इंग्लंडने पहिल्या डावात २९० धावा केल्या होत्या. यानंतर श्रीलंकेने पहिल्या डावात ४६ धावांची आघाडी मिळवली होती. दुसऱ्या डावात इंग्लंडने ३४६ धावांपर्यंत मजल मारून श्रीलंकेसमोर ३०१ धावांचे लक्ष्य ठेवले होते. लक्ष्याचा पाठलाग करताना श्रीलंकेने चौथ्या दिवसअखेर ७ बाद २२६ धावा केल्या होत्या. त्यामुळे कसोटी रोमहर्षक स्थितीत पोहोचली होती. श्रीलंकेला विजयासाठी ७५ धावांची, तर इंग्लंडला तीन विकेटची गरज होती. रविवारी सकाळच्या सत्रात इंग्लंडच्या गोलंदाजांनी श्रीलंकेच्या उर्वरित तीन फलंदाजांना बाद करून अवघ्या ३२ मिनिटांत विजय मिळवला. मागील धावसंख्येत श्रीलंकेचे फलंदाज अवघ्या १७ धावांची भर घालू शकले. मोइन अलीने एकाच षटकात निरोशन डिकवेल आणि सुरंगा लकमल यांना बाद केले. जॅक लिचने मलिंदा पुष्पकुमारला स्वत:च्या गोलंदाजीवर झेलबाद करून इंग्लंडच्या विजयावर शिक्कामोर्तब केले. लिचने ८३ धावांत श्रीलंकेच्या पाच फलंदाजांना बाद केले. चार विकेट घेऊन अलीने त्याला चांगली साथ दिली. दुसऱ्या डावात १२४ धावांची खेळी करणार कर्णधार जो रूट सामनावीर ठरला. इंग्लंड-श्रीलंकादरम्यानची तिसरी कसोटी शुक्रवारी होणार आहे.
संक्षिप्त धावफलक : इंग्लंड : पहिला डाव - २९० आणि दुसरा डाव - ३४६ वि. वि. श्रीलंका : पहिला डाव - ३३६ आणि दुसरा डाव - ७४ षटकांत सर्वबाद २४३ (मॅथ्यूज ८८, करुणरत्ने ५७, डिकवेला ३५, लिच ५-८३, मोइन अली ४-७२, आदिल रशीद १-५२).
एका कसोटीत फिरकी गोलंदाजांनी घेतल्या सर्वाधिक विकेट
३८ - श्रीलंका वि. इंग्लंड, पल्लिकल, २०१८
३७ - भारत वि. न्यूझीलंड, नागपूर, १९६९
३५ - भारत वि. ऑस्ट्रेलिया, कोलकाता १९५६
३५ - भारत वि. पाकिस्तान, बेंगळुरू १९८७
३४ - भारत वि. द. आफ्रिका, मोहाली, २०१५
वृत्तसंस्था, कँडी
इंग्लंडने मालिकेतील दुसऱ्या कसोटी क्रिकेट सामन्यात श्रीलंकेवर ५७ धावांनी मात केली आणि तीन सामन्यांच्या मालिकेत २-० अशी विजयी आघाडी घेतली. मागील १७ वर्षांत इंग्लंडचा हा श्रीलंकेतील पहिला कसोटी मालिका विजय ठरला. इंग्लंडने मालिकेतील पहिली कसोटी २११ धावांनी जिंकली होती.
दुसऱ्या कसोटीत इंग्लंडने पहिल्या डावात २९० धावा केल्या होत्या. यानंतर श्रीलंकेने पहिल्या डावात ४६ धावांची आघाडी मिळवली होती. दुसऱ्या डावात इंग्लंडने ३४६ धावांपर्यंत मजल मारून श्रीलंकेसमोर ३०१ धावांचे लक्ष्य ठेवले होते. लक्ष्याचा पाठलाग करताना श्रीलंकेने चौथ्या दिवसअखेर ७ बाद २२६ धावा केल्या होत्या. त्यामुळे कसोटी रोमहर्षक स्थितीत पोहोचली होती. श्रीलंकेला विजयासाठी ७५ धावांची, तर इंग्लंडला तीन विकेटची गरज होती. रविवारी सकाळच्या सत्रात इंग्लंडच्या गोलंदाजांनी श्रीलंकेच्या उर्वरित तीन फलंदाजांना बाद करून अवघ्या ३२ मिनिटांत विजय मिळवला. मागील धावसंख्येत श्रीलंकेचे फलंदाज अवघ्या १७ धावांची भर घालू शकले. मोइन अलीने एकाच षटकात निरोशन डिकवेल आणि सुरंगा लकमल यांना बाद केले. जॅक लिचने मलिंदा पुष्पकुमारला स्वत:च्या गोलंदाजीवर झेलबाद करून इंग्लंडच्या विजयावर शिक्कामोर्तब केले. लिचने ८३ धावांत श्रीलंकेच्या पाच फलंदाजांना बाद केले. चार विकेट घेऊन अलीने त्याला चांगली साथ दिली. दुसऱ्या डावात १२४ धावांची खेळी करणार कर्णधार जो रूट सामनावीर ठरला. इंग्लंड-श्रीलंकादरम्यानची तिसरी कसोटी शुक्रवारी होणार आहे.
संक्षिप्त धावफलक : इंग्लंड : पहिला डाव - २९० आणि दुसरा डाव - ३४६ वि. वि. श्रीलंका : पहिला डाव - ३३६ आणि दुसरा डाव - ७४ षटकांत सर्वबाद २४३ (मॅथ्यूज ८८, करुणरत्ने ५७, डिकवेला ३५, लिच ५-८३, मोइन अली ४-७२, आदिल रशीद १-५२).
एका कसोटीत फिरकी गोलंदाजांनी घेतल्या सर्वाधिक विकेट
३८ - श्रीलंका वि. इंग्लंड, पल्लिकल, २०१८
३७ - भारत वि. न्यूझीलंड, नागपूर, १९६९
३५ - भारत वि. ऑस्ट्रेलिया, कोलकाता १९५६
३५ - भारत वि. पाकिस्तान, बेंगळुरू १९८७
३४ - भारत वि. द. आफ्रिका, मोहाली, २०१५