वृत्तसंस्था, पल्लकल
रंगना हेरथ आणि लक्षण संदाकनच्या अचूक फिरकीच्या जोरावर श्रीलंकेने मालिकेतील पहिल्या कसोटीत ऑस्ट्रेलियाला पहिल्या डावात २०३ धावांत रोखण्यात यश मिळवले. श्रीलंकेला पहिल्या डावात ११७ धावांत गुंडाळल्याने ऑस्ट्रेलियाला ८६ धावांची आघाडी मिळाली. दुसऱ्या दिवसाचा खेळ थांबला तेव्हा श्रीलंकेने दुसऱ्या डावात १ बाद ६ धावा केल्या होत्या.
पल्लकल आंतरराष्ट्रीय क्रिकेट स्टेडियममध्ये ही लढत सुरू आहे. लढतीच्या दुसऱ्या दिवशीही गोलंदाजांचे वर्चस्व दिसून आले. ऑस्ट्रेलियाने पहिल्या दिवसअखेर २ बाद ६६ धावा केल्या होत्या. बुधवारी सकाळच्या सत्रात हेरथने उस्मान ख्वाजा आणि कर्णधार स्टीव स्मिथला माघारी पाठवले. यानंतर मिचेल मार्श-अॅडम व्होग्ज जोडीने पाचव्या विकेटसाठी ६० धावांची भागीदारी रचून ऑस्ट्रेलियाला आघाडी मिळवून दिली. मार्श, पीटर नेव्हील बाद झाले तेव्हा ऑस्ट्रेलियाच्या ६ बाद १३७ धावा झाल्या होत्या. त्या वेळी ऑस्ट्रेलियाकडे २० धावांची आघाडी होती. व्होग्जसह तळाच्या फलंदाजांनी ऑस्ट्रेलियाला ८६ धावांची आघाडी मिळवून दिली. व्होग्जने सर्वाधिक ४७ धावांची खेळी केली. हेरथ, संदाकन यांनी प्रत्येकी ४ विकेट घेतल्या. यानंतर मिचेल स्टार्कने डावाच्या तिसऱ्याच षटकात कुसल परेराला बाद करून श्रीलंकेला धक्का दिला. यानंतर लढत थांबविण्यात आली. दुसऱ्या दिवशी पावसाच्या व्यत्ययामुळे केवळ ६१.४ षटकांचाच खेळ होऊ शकला.
स्कोअरबोर्ड : श्रीलंका ११७ आणि २.२ षटकांत १ बाद ६ वि. ऑस्ट्रेलिया ७९.२ षटकांत २०३ (अॅडम व्होग्ज ४७, मिचेल मार्श ३१, स्टीव स्मिथ ३०, उस्मान ख्वाजा २६, स्टीव ओकीफ २३, रंगना हेरथ २५-८-४९-४, लक्षण संदाकन २१.२-३-५८-४, नुवान प्रदीप १६-६-३६-२).
रंगना हेरथ आणि लक्षण संदाकनच्या अचूक फिरकीच्या जोरावर श्रीलंकेने मालिकेतील पहिल्या कसोटीत ऑस्ट्रेलियाला पहिल्या डावात २०३ धावांत रोखण्यात यश मिळवले. श्रीलंकेला पहिल्या डावात ११७ धावांत गुंडाळल्याने ऑस्ट्रेलियाला ८६ धावांची आघाडी मिळाली. दुसऱ्या दिवसाचा खेळ थांबला तेव्हा श्रीलंकेने दुसऱ्या डावात १ बाद ६ धावा केल्या होत्या.
पल्लकल आंतरराष्ट्रीय क्रिकेट स्टेडियममध्ये ही लढत सुरू आहे. लढतीच्या दुसऱ्या दिवशीही गोलंदाजांचे वर्चस्व दिसून आले. ऑस्ट्रेलियाने पहिल्या दिवसअखेर २ बाद ६६ धावा केल्या होत्या. बुधवारी सकाळच्या सत्रात हेरथने उस्मान ख्वाजा आणि कर्णधार स्टीव स्मिथला माघारी पाठवले. यानंतर मिचेल मार्श-अॅडम व्होग्ज जोडीने पाचव्या विकेटसाठी ६० धावांची भागीदारी रचून ऑस्ट्रेलियाला आघाडी मिळवून दिली. मार्श, पीटर नेव्हील बाद झाले तेव्हा ऑस्ट्रेलियाच्या ६ बाद १३७ धावा झाल्या होत्या. त्या वेळी ऑस्ट्रेलियाकडे २० धावांची आघाडी होती. व्होग्जसह तळाच्या फलंदाजांनी ऑस्ट्रेलियाला ८६ धावांची आघाडी मिळवून दिली. व्होग्जने सर्वाधिक ४७ धावांची खेळी केली. हेरथ, संदाकन यांनी प्रत्येकी ४ विकेट घेतल्या. यानंतर मिचेल स्टार्कने डावाच्या तिसऱ्याच षटकात कुसल परेराला बाद करून श्रीलंकेला धक्का दिला. यानंतर लढत थांबविण्यात आली. दुसऱ्या दिवशी पावसाच्या व्यत्ययामुळे केवळ ६१.४ षटकांचाच खेळ होऊ शकला.
स्कोअरबोर्ड : श्रीलंका ११७ आणि २.२ षटकांत १ बाद ६ वि. ऑस्ट्रेलिया ७९.२ षटकांत २०३ (अॅडम व्होग्ज ४७, मिचेल मार्श ३१, स्टीव स्मिथ ३०, उस्मान ख्वाजा २६, स्टीव ओकीफ २३, रंगना हेरथ २५-८-४९-४, लक्षण संदाकन २१.२-३-५८-४, नुवान प्रदीप १६-६-३६-२).