रवींद्र जाडेजानं स्मिथला 'असं' बनवलं 'मामा'

मटा ऑनलाइन वृत्त । रांची

भारत - ऑस्ट्रेलिया यांच्यातील तिसऱ्या कसोटीच्या अखेरच्या दिवशी सकाळच्या सत्रात टीम इंडियाला थरारक विजयाची संधी असताना, रवींद्र जाडेजानं ऑस्ट्रेलियाचा कर्णधार स्टीव्ह स्मिथला अक्षरशः 'मामा' बनवून क्रिकेटप्रेमींना खुश करून टाकलं. लेग स्टम्पच्या बाहेर पडलेला त्याचा चेंडू बॅटऐवजी पॅडने अडवण्याचा स्मिथचा प्रयत्न चुकला आणि त्यांची दांडीच उडाली.

रांची कसोटीच्या कालच्या चौथ्या दिवसाचा शेवट रवींद्र जाडेजानं गोड केला होता. डेव्हीड वॉर्नर आणि नॅथन लायन यांना 'क्लीन बोल्ड' करून त्यांनी टीम इंडियाच्या विजयाच्या आशा पल्लवित केल्या होत्या. परंतु, स्टीव्ह स्मिथ हा या वाटेतील मोठा अडथळा ठरू शकत होता. त्यानं मॅट रेनशॉसोबत आज डावाची सुरुवात केली आणि २० ओव्हर टिच्चून खेळून काढल्या. पण २९व्या ओव्हरमध्ये ईशांत शर्मानं रेनशॉला पायचीत पकडलं आणि कांगारूंची अवस्था ३ बाद ५९ अशी झाली. स्वाभाविकच, स्मिथवरचा दबाव वाढला. त्याचाच फायदा उचलत रवींद्र जाडेजानं पुढच्या ओव्हरच्या पहिल्याच चेंडूवर त्याला असं काही चकवलं, की नेमकं काय झालं, हेही त्याला कळलं नाही.

स्मिथची ही विकेट प्रत्यक्ष बघण्याची मजाच काही और आहे. त्यासाठीच हा व्हिडिओ...