वृत्तसंस्था, सिडनी
कर्णधार स्टीव्हन स्मिथचे विक्रमी शतक आणि दोन नेत्रदीपक झेलमुळे ऑस्ट्रेलियाने चॅपेल-हेडली मालिकेतील पहिल्या वनडेत न्यूझीलंडवर ६८ धावांनी विजय मिळवला. या विजयासह ऑस्ट्रेलियाने तीन सामन्यांच्या मालिकेत १-० अशी विजयी आघाडी घेतली.
सिडनी क्रिकेट ग्राउंडवर रविवारी पार पडलेल्या या लढतीत ऑस्ट्रेलियाने प्रथम फलंदाजी करताना ८ बाद ३२४ धावा केल्या. या मैदानावरील या सर्वोच्च धावा ठरल्या. सामनावीर स्मिथने १४ चौकार आणि चार षटकांरांसह कारकिर्दीतील सातवे वनडे शतके साजरे केले. वॉर्नर (२४), अॅरॉन फिंच (०), जॉर्ज बेली (१७), मिचेल मार्श (१) झटपट माघारी परतल्याने २०.१ षटकांत ऑस्ट्रेलियाची अवस्था ४ बाद ९२ अशी झाली होती. कर्णधार स्मिथने ट्रॅव्हिस हेडसह चौथ्या विकेटसाठी १२७, तर मॅथ्यू वेडसह पाचव्या विकेटसाठी ८३ धावा जोडल्या. स्मिथने १५७ चेंडूंत १४ चौकार व ४ षटकारांसह १६४ धावा केल्या. वनडेतील ही त्याची सर्वोच्च खेळी ठरली. हेडने ६० चेंडूंत ५ चौकारांसह ५२, तर वेडने ३८ धावांची खेळी केली.
लक्ष्याचा पाठलाग करताना न्यूझीलंडचा डाव ४४.२ षटकांत २५६ धावांत आटोपला. न्यूझीलंडकडून मार्टिन गप्टील, जेम्स नीशम, कॉलिन मन्रो आणि मॅट हेन्री व्यतिरिक्त एकालाही दुहेरी धावसंख्या उभारता आली नाही. सलामीवीर गप्टीलने १०२ चेंडूंत १० चौकार व ६ षटकारांसह ११४ धावांची खेळी केली. मात्र, त्याची शतकी खेळी न्यूझीलंडला विजय मिळवून देऊ शकली नाही. स्मिथने या लढतीत दोन सुरेख झेलही घेतले. त्याने केन विल्यम्सचा कठीण झेल टिपून ऑस्ट्रेलियाला ब्रेकथ्रू मिळवून देण्यात महत्त्वाची भूमिका पार पाडली. त्याने न्यूझीलंडच्या वॉटलिंगचा सूर मारून घेतलेला झेलही डोळ्याचे पारणे फेडणारा होता.
स्कोअरबोर्ड: ऑस्ट्रेलिया ५० षटकांत ८ बाद ३२४ (स्टीव्हन स्मिथ १६४, ट्रॅव्हिस हेड ५२, मॅथ्यू वेड ३८, डेव्हिड वॉर्नर २४, मॅट हेन्री १०-०-७४-२, ट्रेंट बोल्ट १०-१-५१-२, नीशम ६-०-५८-२) विजयी वि. न्यूझीलंड ४४.२ षटकांत २५६ (मार्टिन गप्टील ११४, मन्रो ४९, नीशम ३४, हेन्री २७, हॅझलवूड १०-०-४९-३, मार्श ८.२-१-३८-२, कमिन्स ९-०-६२-२, झाम्पा १०-०-६६-२).
ठळक वैशिष्ट्ये
१६४: स्मिथने १६४ धावांची खेळी केली. यासह स्मिथने ऑस्ट्रेलियाच्या कर्णधाराने केलेल्या सर्वोच्च वनडे खेळीशी बरोबरी केली. रिकी पाँटिंगने दक्षिण आफ्रिकेविरुद्ध २००६मध्ये १६४ धावा केल्या होत्या. त्याचबरोबर सिडनी क्रिकेट ग्राउंडवरील ही वनडेतील सर्वोच्च खेळी ठरली.
१ : स्मिथपेक्षा न्यूझीलंडविरुद्ध केवळ एकाच कर्णधाराला सर्वोच्च खेळी करता आली आहे. सचिन तेंडुलकरने १९९९-२०००मध्ये हैदराबाद वनडेत नाबाद १८६ धावांची खेळी केली होती.
मला नशिबाचीही साथ मिळाली. तुम्हाला मिळालेल्या जीवदानांचा फायदा घेता यायला हवा. सर्वोच्च खेळी घरच्या मैदानावर करता आल्याचा आनंदही मोठाच आहे. या मैदानावर फलंदाजी करायला मला नेहमीच आवडते. माझ्या कुटुंबीयांसमोर खेळण्याचा आनंदच काही निराळा आहे.
-स्टीव्हन स्मिथ, सामनावीर.
कर्णधार स्टीव्हन स्मिथचे विक्रमी शतक आणि दोन नेत्रदीपक झेलमुळे ऑस्ट्रेलियाने चॅपेल-हेडली मालिकेतील पहिल्या वनडेत न्यूझीलंडवर ६८ धावांनी विजय मिळवला. या विजयासह ऑस्ट्रेलियाने तीन सामन्यांच्या मालिकेत १-० अशी विजयी आघाडी घेतली.
सिडनी क्रिकेट ग्राउंडवर रविवारी पार पडलेल्या या लढतीत ऑस्ट्रेलियाने प्रथम फलंदाजी करताना ८ बाद ३२४ धावा केल्या. या मैदानावरील या सर्वोच्च धावा ठरल्या. सामनावीर स्मिथने १४ चौकार आणि चार षटकांरांसह कारकिर्दीतील सातवे वनडे शतके साजरे केले. वॉर्नर (२४), अॅरॉन फिंच (०), जॉर्ज बेली (१७), मिचेल मार्श (१) झटपट माघारी परतल्याने २०.१ षटकांत ऑस्ट्रेलियाची अवस्था ४ बाद ९२ अशी झाली होती. कर्णधार स्मिथने ट्रॅव्हिस हेडसह चौथ्या विकेटसाठी १२७, तर मॅथ्यू वेडसह पाचव्या विकेटसाठी ८३ धावा जोडल्या. स्मिथने १५७ चेंडूंत १४ चौकार व ४ षटकारांसह १६४ धावा केल्या. वनडेतील ही त्याची सर्वोच्च खेळी ठरली. हेडने ६० चेंडूंत ५ चौकारांसह ५२, तर वेडने ३८ धावांची खेळी केली.
लक्ष्याचा पाठलाग करताना न्यूझीलंडचा डाव ४४.२ षटकांत २५६ धावांत आटोपला. न्यूझीलंडकडून मार्टिन गप्टील, जेम्स नीशम, कॉलिन मन्रो आणि मॅट हेन्री व्यतिरिक्त एकालाही दुहेरी धावसंख्या उभारता आली नाही. सलामीवीर गप्टीलने १०२ चेंडूंत १० चौकार व ६ षटकारांसह ११४ धावांची खेळी केली. मात्र, त्याची शतकी खेळी न्यूझीलंडला विजय मिळवून देऊ शकली नाही. स्मिथने या लढतीत दोन सुरेख झेलही घेतले. त्याने केन विल्यम्सचा कठीण झेल टिपून ऑस्ट्रेलियाला ब्रेकथ्रू मिळवून देण्यात महत्त्वाची भूमिका पार पाडली. त्याने न्यूझीलंडच्या वॉटलिंगचा सूर मारून घेतलेला झेलही डोळ्याचे पारणे फेडणारा होता.
स्कोअरबोर्ड: ऑस्ट्रेलिया ५० षटकांत ८ बाद ३२४ (स्टीव्हन स्मिथ १६४, ट्रॅव्हिस हेड ५२, मॅथ्यू वेड ३८, डेव्हिड वॉर्नर २४, मॅट हेन्री १०-०-७४-२, ट्रेंट बोल्ट १०-१-५१-२, नीशम ६-०-५८-२) विजयी वि. न्यूझीलंड ४४.२ षटकांत २५६ (मार्टिन गप्टील ११४, मन्रो ४९, नीशम ३४, हेन्री २७, हॅझलवूड १०-०-४९-३, मार्श ८.२-१-३८-२, कमिन्स ९-०-६२-२, झाम्पा १०-०-६६-२).
ठळक वैशिष्ट्ये
१६४: स्मिथने १६४ धावांची खेळी केली. यासह स्मिथने ऑस्ट्रेलियाच्या कर्णधाराने केलेल्या सर्वोच्च वनडे खेळीशी बरोबरी केली. रिकी पाँटिंगने दक्षिण आफ्रिकेविरुद्ध २००६मध्ये १६४ धावा केल्या होत्या. त्याचबरोबर सिडनी क्रिकेट ग्राउंडवरील ही वनडेतील सर्वोच्च खेळी ठरली.
१ : स्मिथपेक्षा न्यूझीलंडविरुद्ध केवळ एकाच कर्णधाराला सर्वोच्च खेळी करता आली आहे. सचिन तेंडुलकरने १९९९-२०००मध्ये हैदराबाद वनडेत नाबाद १८६ धावांची खेळी केली होती.
मला नशिबाचीही साथ मिळाली. तुम्हाला मिळालेल्या जीवदानांचा फायदा घेता यायला हवा. सर्वोच्च खेळी घरच्या मैदानावर करता आल्याचा आनंदही मोठाच आहे. या मैदानावर फलंदाजी करायला मला नेहमीच आवडते. माझ्या कुटुंबीयांसमोर खेळण्याचा आनंदच काही निराळा आहे.
-स्टीव्हन स्मिथ, सामनावीर.