भारताच्या युवा संघाचा विजय

ब्रिजटोन : भारताच्या १९ वर्षांखालील संघाने तिसऱ्या वन-डे क्रिकेट सामन्यात इंग्लंडच्या युवा संघावर १६९ धावांनी दणदणीत विजय मिळवला. प्रथम फलंदाजी करताना भारतीय संघाने ५० षटकांत ७ बाद ३२७ धावा केल्या.

शुभमन गिलने १२७ चेंडूंत १४७ धावा ठोकत भारताला मोठी धावसंख्या गाठून दिली. प्रत्युत्तरादाखल खेळताना इंग्लंडचा संघ ४०.५ षटकांत १५८ धावांतच बाद झाला. भारताकडून कमलेश नागरकोटीने २० धावांत ३ बळी घेतले. भारताने पाच सामन्यांच्या मालिकेत ३-० अशी विजयी आघाडी घेतली. संक्षिप्त धावफलक : भारत - ५० षटकांत ७ बाद ३२७ (शुभमन गिल १४७, हेत पटेल ३८, मॅथ्यु पॉट्स ६१-४) वि. वि. इंग्लंड - ४०.५ षटकांत १५८ धावा (टॉम बँटॉन ५९, थॉमस लॅमोनबॉय २४, कमलेश नागरकोटीने २०-३, शुभमन गिल ९-२) सामनावीर- शुभमन गिल.