इंदूरः मुंबईने सोमवारी मुश्ताक अली ट्रॉफी 'क' गट लढतीत गोव्यावर सहा विकेटनी मात करत स्पर्धेतील सलग चौथ्या विजयाची नोंद केली. मुंबईच्या विजयाचा शिल्पकार ठरला तो पृथ्वी शॉला. त्याला सूर गवसला ही शूभवार्ता म्हणावी लागेल. पृथ्वीने ४७ चेंडूंत सात षटकार आणि पाच चौकारांसह ७१ धावांची खेळी केली.
याआधीच्या लढतींमध्ये मुंबईने सिक्कीम, पंजाब आणि मध्य प्रदेश यांच्यावर मात केली आहे. या तीनही लढतींमध्ये पृथ्वीला साजेशी कामगिरी करता आली नव्हती. इंदूरच्या एमराल्ड हाइट्स आंतरराष्ट्रीय शाळेच्या मैदानावर पार पडलेल्या गोव्याविरुद्धच्या लढतीत पृथ्वीला सूर गवसला. त्याला अजिंक्य रहाणेची (३१) साथ लाभल्याने मुंबईने ९५ धावांची सलामी दिली. मात्र या चांगल्या सुरुवातीनंतर मुंबईचा डाव ४ बाद ११७ असा घसरला होता. अनुभवी सूर्यकुमार यादवने नाबाद २४ धावांची खेळी करत मुंबईला विजयी लक्ष्य पार करून दिले. त्याआधी गोलंदाजांनी सरस कामगिरी केल्याने मुंबईने गोव्याला ४ बाद १४० धावांवर रोखले.
स्कोअरबोर्डः गोवा २० षटकांत ४ बाद १४० (सगून कामत २७, अमोघ देसाई ३८, अमित वर्मा २७, कीनन २६; मुलानी ३-०-२०-१, धवल कुलकर्णी ४-०-३१-१, शार्दूल ४-०-२५-१, शुभम रांजणे ३-०-१९-१) पराभूत वि. मुंबई १८.२ षटकांत ४ बाद १४१ (पृथ्वी शॉ ७१, अजिंक्य रहाणे ३१, सूर्या नाबाद २४; दर्शन मिसाळ ४-०-१९-१, अमुल्य पांडरेकर ४-०-२०-१, विजेश प्रभूदेसाई १-०-११-१, अमोघ देसाई २-०-१५-१).
विदर्भ ११७ (जेएम शर्मा ४९; अहमद १८/५) विजयी वि. राजस्थान ७३ (अक्षय कर्णेवार ७/४).
याआधीच्या लढतींमध्ये मुंबईने सिक्कीम, पंजाब आणि मध्य प्रदेश यांच्यावर मात केली आहे. या तीनही लढतींमध्ये पृथ्वीला साजेशी कामगिरी करता आली नव्हती. इंदूरच्या एमराल्ड हाइट्स आंतरराष्ट्रीय शाळेच्या मैदानावर पार पडलेल्या गोव्याविरुद्धच्या लढतीत पृथ्वीला सूर गवसला. त्याला अजिंक्य रहाणेची (३१) साथ लाभल्याने मुंबईने ९५ धावांची सलामी दिली. मात्र या चांगल्या सुरुवातीनंतर मुंबईचा डाव ४ बाद ११७ असा घसरला होता. अनुभवी सूर्यकुमार यादवने नाबाद २४ धावांची खेळी करत मुंबईला विजयी लक्ष्य पार करून दिले. त्याआधी गोलंदाजांनी सरस कामगिरी केल्याने मुंबईने गोव्याला ४ बाद १४० धावांवर रोखले.
स्कोअरबोर्डः गोवा २० षटकांत ४ बाद १४० (सगून कामत २७, अमोघ देसाई ३८, अमित वर्मा २७, कीनन २६; मुलानी ३-०-२०-१, धवल कुलकर्णी ४-०-३१-१, शार्दूल ४-०-२५-१, शुभम रांजणे ३-०-१९-१) पराभूत वि. मुंबई १८.२ षटकांत ४ बाद १४१ (पृथ्वी शॉ ७१, अजिंक्य रहाणे ३१, सूर्या नाबाद २४; दर्शन मिसाळ ४-०-१९-१, अमुल्य पांडरेकर ४-०-२०-१, विजेश प्रभूदेसाई १-०-११-१, अमोघ देसाई २-०-१५-१).
विदर्भ ११७ (जेएम शर्मा ४९; अहमद १८/५) विजयी वि. राजस्थान ७३ (अक्षय कर्णेवार ७/४).