T20 World Cup - आयर्लंडच्या लिटिलची मोठी कामगिरी,न्यूझीलंडविरुद्ध तुफानी गोलंदाजी करत केली हॅट्रिक

ॲडलेड: टी-२० विश्वचषक २०२२ मध्ये अनेक विविध रेकॉर्ड्स आणि अनपेक्षित अशी सामन्यांमधील चुरस, चढाओढ पाहायला मिळत आहे. आतापर्यंत कागदावर दुबळ्या वाटणाऱ्या अशा संघाने विश्वविजेत्या संघांना धूळ चारली आणि विश्वचाह्स्कतील सुपर १२ च्या गटात आपले स्थान मिळवले आहे आणि तिथेही मोठ्या संघांना एका मागोमाग एक धक्के देत आहेत. त्याचबरोबर क्रिकेटमधील नवीन उत्कृष्ट खेळाडू देखील आपल्याला पाहायला मिळाले आज सुरु असलेला न्यूझीलंड आयर्लंड सामन्यातही आयर्लंडच्या खेळाडूची उत्कृष्ट कामगिरी पाहायला मिळाली.

Scorecard

आयर्लंडच्या जोशुआ लिटलने शुक्रवारी न्यूझीलंडविरुद्ध ऐतिहासिक हॅट्रिक केली. टी-२० विश्वचषकात एखाद्या गोलंदाजाने हॅट्रिक करण्याची ही दुसरी वेळ आहे. यापूर्वी पात्रता फेरीत यूएईच्या कार्तिक मयप्पनने ही कामगिरी केली होती. विश्वचषकात आयर्लंडकडून ही दुसरी हॅट्रिक आहे. याआधी गेल्या विश्वचषकात (टी-२० विश्वचषक २०२१) कर्टिस कॅम्फरने हॅट्रिक केली होती.

वाचा: कोण आहे सेहर शिनवारी? आधी जिमी नीशम, हार्दिक पांड्या आणि आता पूर्ण झिम्बाब्वे टीमला दिली ऑफर

जोशुआ लिटलने न्यूझीलंडविरुद्धच्या सुपर १२ च्या शेवटच्या सामन्यात ४ षटकात २२ धावा देऊन तीन विकेट घेतले आणि शानदार गोलंदाजी केली. १७४ धावांच्या स्कोअरवर किवी संघाला लागोपाठ तीन धक्के देत त्याने आपले नाव इतिहासाच्या पानांवर नोंदवले. आता तो टी-२० विश्वचषकात हॅट्रिक घेणारा सहावा गोलंदाज ठरला आहे. आपल्या हॅट्रिकमध्ये त्याने किवीचा कर्णधार केन विल्यमसनला प्रथम बाद केले. यानंतर जिमी नीशम आणि मिचेल सँटनर पहिल्याच चेंडूवर एलबीडब्ल्यू आऊट झाले.

हेही वाचा: बुमराहसारखा अजून एक यॉर्कर स्पेशालिस्ट भारताकडे, पण संघात स्थान मिळणं झालंय कठीण

ट्वेन्टी-२० विश्वचषकात आयर्लंडसाठी विशेष कामगिरी

लिटलच्या या हॅट्रिकसह आयर्लंडच्या नावावर मोठी कामगिरी नोंदवली गेली आहे. आयर्लंड हा एकमेव संघ ठरला आहे, ज्याच्या दोन गोलंदाजांनी टी-२० विश्वचषकात हॅट्रिक घेतली आहे. टी-२० विश्वचषक २०२१ मध्ये, फक्त आयर्लंडच्या कर्टिस कॅम्पफरने नेदरलँड्सविरुद्ध हॅट्रिक घेतली. चार चेंडूत चार विकेट घेतल्याने ती हॅट्रिक आणखी खास होती. त्यानंतर आज न्यूझीलंडविरुद्ध लिटिलने ही कामगिरी करत आंतरराष्ट्रीय स्तरावर आपल्या संघाचे नाव उंचावले आहे.


वाचा: तेव्हाच मला झोप लागेल; भारतीय खेळाडू झाला भावनिक, पाहा झालं तरी काय...

टी-२० विश्वचषकात हॅट्रिक घेणारे गोलंदाज

ब्रेट ली विरुद्ध बांगलादेश, केप टाउन - २००७
कर्टिस केम्पफर विरुद्ध नेदरलँड, अबू धाबी - २०२१
वानिंदू हसरंगा विरुद्ध दक्षिण आफ्रिका, शारजाह - २०२१
कागिसो रबाडा विरुद्ध इंग्लंड, शारजाह - २०२१
कार्तिक मयप्पन विरुद्ध श्रीलंका, जिलॉन्ग - २०२२
जोशुआ लिटल विरुद्ध न्यूझीलंड, ॲडलेड - २०२२