T-20 वर्ल्ड कपनंतर हा धाकड खेळाडू कॅप्टन्सी सोडण्याची शक्यता, क्रिकेट चाहत्यांना धक्का...

T-20 World Cut 2022: T20 विश्वचषक २०२२ च्या दरम्यान क्रिकेट चाहत्यांसाठी एक वाईट बातमी समोर येत आहे. या स्पर्धेच्या उपांत्य फेरीत पोहोचलेल्या संघाचा कर्णधार लवकरच कर्णधारपद सोडू शकतो, अशी धक्कादायक घोषणा एका माजी दिग्गज खेळाडूने केली आहे. हा खेळाडू आतापर्यंत या स्पर्धेत फलंदाज म्हणून पूर्णपणे फ्लॉप ठरला आहे.

T20 विश्वचषक २०२२ च्या पहिल्या उपांत्य फेरीत पाकिस्तान (Pakistan) आणि न्यूझीलंड ९ नोव्हेंबर रोजी सिडनी येथे आमनेसामने येतील. त्याचबरोबर दुसरा उपांत्य सामना भारत आणि इंग्लंड यांच्यात होणार आहे. या मोठ्या सामन्यापूर्वी पाकिस्तानचा कर्णधार बाबर आझमशी (Babar Azam) संबंधित एक मोठी बातमी समोर येत आहे. पाकिस्तान सुपर लीगच्या पुढील हंगामापूर्वी तो कराची किंग्जच्या कर्णधारपदावरुन पायउतार होऊ शकतो.

या दिग्गज खेळाडूने दिली माहिती

पाकिस्तानच्या वृत्तानुसार, कराची किंग्ज संघाचे संचालक वसीम अक्रम यांनी हा मोठा खुलासा केला आहे. बाबर आझमला आता संघासोबत राहायचे नाहीये. फ्रँचायझी लवकरच नवीन कर्णधाराची घोषणा करू शकते. बाबर आझमच्या नेतृत्वाखाली गेल्या मोसमात या संघाची कामगिरी अत्यंत खराब होती. त्याचवेळी बाबर आझम दुसऱ्या सत्रापासून या संघाशी जोडला गेला आहे.

T20 विश्वचषक २०२२ मध्ये पूर्णपणे फ्लॉप

२०२२ च्या टी-२० विश्वचषक स्पर्धेत बाबर आझम आतापर्यंत पूर्णपणे फ्लॉप ठरला आहे. बाबर आझमने या स्पर्धेत आतापर्यंत ५ सामन्यात ७.८० च्या सरासरीने केवळ ३९ धावा केल्या आहेत. या ५ डावांमध्ये बाबर आझमने केवळ एकदाच २० धावांचा टप्पा ओलांडला आहे.