८ सेकंदात ८ शॉट्स, अनेकांचे कान सुन्न, विराटचा व्हिडिओ पाहून इंग्लंडच्या खेळाडूंना धडकी

T-20 World Cup: T20 विश्वचषक २०२२ मध्ये आतापर्यंत टीम इंडियाची कामगिरी अत्यंत कमाल राहिली आहे. ग्रुप स्टेजमध्ये भारताला फक्त दक्षिण आफ्रिकेकडून पराभव पत्करावा लागला. याशिवाय, चार महत्त्वाचे सामने भारताने जिंकले आहेत. त्याच्या जोरावर आता भारताने थेट सेमीफायनलमध्ये धडक मारली आहे. आता गट-२ मधील या अव्वल संघाचा उपांत्य फेरीत इंग्लंडशी सामना होणार आहे. गुरुवारी अॅडलेडमध्ये हा सामना होणार आहे. हा सामना जिंकल्यानंतरच टीम इंडियाला अंतिम फेरीचं तिकीट मिळणार आहे. त्यामुळे भारतीय खेळाडूंनी सध्या जोरदार सरावाला सुरुवात केली आहे. विशेषत: विराट कोहलीच्या फलंदाजीच्या सरावाचा एक व्हिडिओ सध्या सुसाट व्हायरल झाला आहे.

विराट कोहलीने मंगळवारी अॅडलेडमध्ये फलंदाजीचा जोरदार सराव केला आणि त्याचा व्हिडिओही त्याने सोशल मीडियावर पोस्ट केला आहे. हा ८ सेकंदाचा व्हिडिओ पाहून इंग्लंडच्या खेळाडूंना धडकी नक्की भरेल. ८ सेकंदाच्या या व्हिडिओमध्ये विराटचे एकापेक्षा एक शॉट दिसत आहेत. ८ सेकंदाच्या व्हिडिओमध्ये विराट ८ शॉट्स खेळताना दिसत आहे. हे सर्व शॉट्स इतके धमाकेदार होते की सराव सत्रात त्यांच्या प्रतिध्वनीने तिथे उभ्या असलेल्या लोकांचे कान सुन्न झाले.

हेही वाचा -T-20 वर्ल्ड कपनंतर हा धाकड खेळाडू कॅप्टन्सी सोडण्याची शक्यता, क्रिकेट चाहत्यांना धक्का...

विराट कोहली जबरदस्त फॉर्ममध्ये

अॅडलेडमध्ये सराव करताना विराटने तो किती चांगल्या फॉर्ममध्ये आहे हे दाखवून दिले. चेंडू त्याच्या बॅटच्या मध्यभागी लागला आणि प्रत्येक वेळी त्याने उत्कृष्ट टायमिंग साधलं. हा व्हिडिओ इंग्लंडच्या गोलंदाजांची झोप उडवणारा नक्कीच ठरणार. कारण, विराट फॉर्ममध्ये असणं म्हणजे उपांत्य फेरीत इंग्लंडला मोठ्या अडचणींचा सामना करावा लागू शकतो.

पाहा व्हिडिओ -


विराट कोहलीची टी-२० विश्वचषक २०२२ मधील कामगिरी

विराट कोहली सध्या T20 विश्वचषक २०२२ मध्ये सर्वाधिक धावा करणारा फलंदाज आहे. कोहलीच्या बॅटने ५ सामन्यात २४६ धावा केल्या आहेत. त्याची फलंदाजीची सरासरी १२३ आहे आणि स्ट्राईक रेटही १४० च्या जवळ आहे. विराट कोहलीच्या बॅटने ३ अर्धशतके झळकावली आहेत आणि आश्चर्यकारक गोष्ट म्हणजे अॅडलेडमध्ये विराट सर्वात जास्त धावा करतो.

हेही वाचा -IND Vs BAN: अर्शदीपच्या दिशेने कॅच गेला अन् रोहितला सारे देव आठवले... पाहा VIDEO

अॅडलेडमध्ये विराटचा विक्रम

अॅडलेडमध्ये विराट कोहलीने तिन्ही फॉरमॅटमध्ये धावा केल्या आहेत. अॅडलेडच्या मैदानावर कसोटीत विराटची सरासरी ६३ पेक्षा जास्त आहे आणि त्याने येथे ३ शतकं आणि अर्धशतकांच्या मदतीने ५०९ धावा केल्या आहेत. अॅडलेडमध्ये विराटने ४ एकदिवसीय सामन्यांमध्ये ६१ च्या सरासरीने २ शतकांच्या मदतीने २४४ धावा केल्या आहेत. टी-२० मध्येही त्याने अॅडलेडमध्ये २ सामन्यात २ अर्धशतकं झळकावली आहेत. या मैदानावर त्याने १५४ टी-२० धावा केल्या आहेत. अॅडलेडमध्ये विराटने आपल्या बॅटने ५ शतके आणि २ अर्धशतके झळकावली आहेत.