गावस्करांनी टीम इंडियाच्या थेट वर्मावर बोट ठेवलं; एका शब्दात सांगितलं चुकलं तरी काय

नवी दिल्ली: टी-२० वर्ल्डकप २०२२च्या सेमीफायनलमध्ये भारताचा पराभव झाल्यानंतर भारतीय संघातील कमतरतेवर जोरदार चर्चा सुरू झ झाली आहे. इंग्लंडविरुद्धच्या लढतीत भारताचा १० विकेटनी पराभव झाला. भारतीय संघाच्या या कामगिरीवर माजी कर्णधार आणि दिग्गज फलंदाज सुनील गावस्कर यांनी एक मोठे वक्तव्य केले आहे.

टीम इंडियाला सेमीफायनलमध्ये विजय मिळवता आला नाही. सुनील गावस्कर यांनी संघातील कमकूवत बाजू समोर आणल्या आहेत. याआधी संघातील खेळाडूंबद्दल बोलणाऱ्या गावस्कर यांनी सपोर्ट स्टाफवरच प्रश्न चिन्ह उपस्थित केले आहेत.

वाचा- वर्ल्डकप फायनल खेळणाऱ्या पाकिस्तानचा गेम; ICCच्या सर्वोत्तम संघात टीम इंडियाची...

जेव्हा तुमच्याकडे ऑल टाइम फेव्हरेट फलंदाज राहुल द्रविड असताना तुम्हाला फलंदाजीच्या प्रशिक्षकाची गरज नाही. जेव्हा राहुल द्रविड काही तरी सांगतात तेव्हा विक्रम राठोड अजून काही तरी सांगतात, अशा वेळी फलंदाज गोंधळतो. तुम्हाला ही गोष्ट समजली पाहिजे की अधिक सपोर्ट स्टाफची गरज नाही आणि त्यांना संघासोबत पाठवण्याची गरज नाही. फक्त त्यांनाच पाठवा ज्यांची गरज आहे.

वाचा- जो भारताशी नडला त्याला कधीच...; टी-२० वर्ल्डकप फायनलमध्ये पाकिस्तानचा...

सुनील गावस्करांनी भारताच्या सध्याच्या सपोर्ट स्टाफची तुलना १९८३च्या संघाशी केली. तेव्हा आमच्यासोबत फक्त एक मॅनेजर होता. १९८५ साली देखील हीच परिस्थिती होती. २०११ साली जेव्हा भारताने वर्ल्डकप जिंकला होता तेव्हा संघासोबत अधिक सपोर्ट स्टाफ नव्हता.

वाचा- FIFA World Cup 2022: ग्रुप-अ, नेदरलँड्सचे गटात एकतर्फी वर्चस्व अपेक्षित

या गोष्टीमुळे मला धक्काच बसला की संघातील सदस्यांपेक्षा सपोर्ट स्टाफची संख्या अधिक आहे. यामुळे खेळाडू अधिक गोंधळून जातात, त्यांना कळत नाही की नेमक कोणाचे ऐकायचे आणि कोणाचे नाही, असे गावस्कर म्हणाले.