हार्दिक पंड्याच्या त्या एकाच वाक्याने साकारला भारताचा विजय, विराटने सांगितले रहस्य

मेलबर्न : विराट कोहली आणि हार्दिक पंड्या यांच्यामुळे भारताला हा विजय साकारता आला. पण या दोघांची भागीदारी सुरु असताना हार्दिक पंड्या एकच वाक्य विराट कोहलीला म्हणाला होता आणि त्या एकाच वाक्याने भारताला हा विजय मिळवता आला, हे रहस्य आता विराट कोहलीने सर्वांना सामना संपल्यावर सांगितले.

भारताची सुरुवात चांगली झाली नव्हती. भारताचे चार फलंदाज झटपट बाद झाले आणि त्यानंतर विराट व हार्दिक यांची जोडी जमली. या दोघांनी पाचव्या विकेटसाठी ११३ धावांची भागीदाकी रचली. पण ही भागीदारी रचत असताना हार्दिकने एकच गोष्ट विराटला सांगतली आणि त्यामुळेच भारताला यावेळी विजय मिळवता आला.

विराट कोहली सामन्यानंतर सांगितले की, " खरंतर मला आता काय बोलायचं हे समजत नाही. कारण माझ्याकडे या विजयासाठी काहीच शब्द नाहीत. पण मला एक हार्दिक पंड्याचे वाक्य अजूनही आठवते. आमची जेव्हा भागीदारी सुरु होती. त्यामुळे तो मला म्हणाला की, माझ्यावर विश्वास ठेव, हा सामना आपण अखेरपर्यंत घेऊन जाऊ आणि तरच आपल्याला विजय मिळवता येईल. हार्दिकने जे काही सांगितले ते मी ऐकले आणि त्यानुसार आम्ही खेळत गेलो. त्यानंतर कोणत्या गोलंदाजाचीी कशी धुलाई करायची, हे आम्ही ठरवले. पण माझ्यामते हार्दिकने जे मला सांगितले, त्याचा यावेळी मोठा परीणाम माझ्यावर झाला. त्यानुसार आम्ही रणनिती आखली आणि अखेरच्या षटकापर्यंत आम्ही दोघे एकत्र राहू शकलो. माझ्यासाठी त्याचे हे वाक्य महत्वाचे होते."

विराटने या सामन्यात अर्धशतक झळकावले आणि अखेरपर्यंत तो सामन्यात टिकून राहीला. पण हार्दिक अखेरच्या षटकाच्या पहिल्याच ेचंडूवर बाद झाला. पण या दोघांनी अखेरच्या षटकापर्यंत सामना नेला आणि विजयाची आशा कायम ठेवली. त्यामुळे हा विजय भारतासाठी महत्वाचा असेल. त्याचबरोबर हार्दिकने जे विराटला सांगितले तेदेखील सर्वात महत्वाचे होते. कारण अशा सामन्यांंमध्ये आपली काय रणनिती आहे, हे अशा वाक्यांतून पुढे येत असते.