खेळ आकड्यांचा

वेगवान २५ कसोटी शतके

६८ डाव - डॉन ब्रॅडमन (ऑस्ट्रेलिया)

१२७ डाव - विराट कोहली (भारत)

१३० डाव - सचिन तेंडुलकर (भारत)

...

२५ - विराट कोहलीने १२७ डावांत २५वे कसोटी शतक पूर्ण केले. त्या आधी सर डॉन ब्रॅडमन यांनी हा टप्पा केवळ ६८ डावांत पूर्ण केला आहे.

४ - कोहली हा कसोटी २५ शतके पूर्ण करणारा भारताचा चौथा फलंदाज आहे. त्या आधी ही कामगिरी सचिन तेंडुलकर (५१), द्रविड (३६), गावसकर (३४) यांनी केली आहे. २५ कसोटी शतके पूर्ण करणारा तो जगातला २१वा फलंदाज ठरला आहे.

६ - कोहलीने (१९ डावांत) ऑस्ट्रेलियात सहा कसोटी शतके ठोकली आहेत. यासह त्याने सचिन तेंडुलकरच्या ऑस्ट्रेलियातील सहा शतकांशी बरोबरी साधली.

११५२ - कोहलीने ऑस्ट्रेलियात १९ डावांत ११५२ धावा केल्या असून, यात सहा शतकांसह दोन अर्धशतकांचा समावेश आहे. त्याची सरासरी ६०.६३ आहे.

१० - ऑस्ट्रेलिया, दक्षिण आफ्रिका आणि इंग्लंडमध्ये मिळून कोहलीची दहा कसोटी शतके आहेत. ही कामगिरी त्याने ४९ डावांत केली आहे. एशियन फलंदाजांमध्ये त्या व्यतिरिक्त अशी कामगिरी सचिन तेंडुलकरने (९६ डावांत १५ शतके) केली आहे.

३४ - कर्णधारपदावर असताना कोहलीचे हे आंतरराष्ट्रीय क्रिकेटमधील सर्व प्रकारातील ३४वे शतक ठरले. त्याने या बाबतीत ग्रॅमी स्मिथला (३३) मागे टाकले. आता केवळ त्याच्या आधी पाँटिंग (४१) आहे.

४ - कोहलीने ऑस्ट्रेलियातील चार मैदानांवर शतके ठोकली आहेत. यात त्याने अॅडलेडवर तीन, तर मेलबर्न, सिडनी आणि पर्थवर प्रत्येकी एक शतक ठोकले आहे. ब्रिस्बेनला त्याला शतक ठोकता आलेले नाही.

११ - एका कॅलेंडर वर्षात परदेशात एक हजार कसोटी धावा पूर्ण करणारा कोहली हा अकरावा फलंदाज ठरला. अशी कामगिरी करणारा तो द्रविड, मोहिंदर अमरनाथ यांच्यानंतरचा तिसरा भारतीय फलंदाज ठरला.

...