वृत्तसंस्था, सिडनी
दक्षिण आफ्रिकेविरुद्धच्या तिसऱ्या कसोटी सामन्यादरम्यान चेंडूचा पृष्ठभाग अनधिकृत पद्धतीने घासून गैरफायदा उठविण्याचा प्रयत्न ऑस्ट्रेलियन कर्णधार स्टीव्ह स्मिथ आणि उपकर्णधार डेव्हिड वॉर्नर यांच्या अंगलट आला असला तरी दोन वर्षांपूर्वी त्यांच्या असेच कृत्य सामनाधिकाऱ्यांनी निदर्शनास आणल्याचे एका बातमीतून समोर येते आहे. २०१६च्या ऑस्ट्रेलियातील राष्ट्रीय स्पर्धा असलेल्या शेफिल्ड शिल्डमध्ये असा प्रकार घडल्याचे तत्कालिन ऑस्ट्रेलियन पंच डॅरील हार्पर यांच्या एका पत्रव्यवहारातून स्पष्ट होते.
स्मिथ आणि वॉर्नर यांच्यावर कारवाई आणि नंतर त्यांच्या प्रतिक्रिया जगासमोर आल्यानंतर प्रसारमाध्यमांत हार्पर यांच्याबद्दलची ही बातमी सिडनी मॉर्निंग हेराल्ड या दैनिकात प्रसिद्ध झाली आहे. पंच डॅरील हार्पर यांनी क्रिकेट ऑस्ट्रेलियाचे सामनाधिकारी व पंच निवड समितीचे व्यवस्थापक सायमन टॉफेल यांना पाठवलेल्या मेलमध्ये स्मिथ आणि वॉर्नर हे खिलाडुवृत्तीचा दर्शन घडविताना दिसत नाहीत, असा आक्षेप घेतल्याचे या वृत्तात म्हटले आहे. या मेलमध्ये म्हटले आहे की, २०१६च्या नोव्हेंबरमधील शेफिल्ड शिल्ड सामन्यात व्हिक्टोरियाविरुद्ध खेळताना न्यू साऊथ वेल्सचे स्मिथ आणि वॉर्नर खिलाडुवृत्तीने खेळत नसल्याचे दिसले. वॉर्नर त्यावेळी आपल्या संघाचा यष्टिरक्षक पीटर नेविल याच्याकडे चेंडू देताना तो मैदानावर आपटून देत असल्याचे दिसत होते. सामन्याच्या पहिल्याच दिवशी हा प्रकार होत होता. त्यावेळी मी स्मिथला हा प्रकार निदर्शनास आणून दिला आणि खिलाडुवृत्ती दाखविण्यास सांगितले. पण त्यांच्याकडून कोणताही उचित प्रतिसाद मिळाला नाही. म्हणून दुसऱ्या दिवशी सकाळी मी मैदानावरील पंचांच्या सहकाऱ्याने न्यू साऊथ वेल्सचे प्रशिक्षक ट्रेन्ट जॉन्स्टन यांच्याशी संपर्क साधून त्यांना याची जाणीव करून दिली. शिवाय, असा इशाराही दिला की, चेंडूशी छेडछाड केल्याचा मुद्दा राष्ट्रीय कर्णधाराविरुद्ध (स्मिथ) उपस्थित होऊ नये, याची काळजी क्रिकेट ऑस्ट्रेलियाने घ्यावी, अशी अपेक्षा आहे. हार्पर म्हणतात की, त्यावेळी स्मिथच्या संघाला पराभव पत्करावा लागल्यामुळे सिडनी क्रिकेट मैदानातील खेळपट्टीविषयी तक्रार केली होती. शेफिल्ड शिल्ड खेळण्याची आपली इच्छा नाही, असेही त्याच्या तक्रारीतून दिसून येत होते.
हार्पर यांनी असेही नमूद केले आहे की, जेव्हा या गोष्टीची मी दखल घेतली त्यानंतर मात्र पुढील तीन दिवस दोन्ही संघांकडून असे प्रकार घडले नाहीत. पण सामन्यानंतरच्या भेटीत स्टिव्ह स्मिथ राष्ट्रीय संघाच्या कर्णधाराप्रमाणे वागताना दिसत नव्हता.
दक्षिण आफ्रिकेविरुद्धच्या तिसऱ्या कसोटी सामन्यादरम्यान चेंडूचा पृष्ठभाग अनधिकृत पद्धतीने घासून गैरफायदा उठविण्याचा प्रयत्न ऑस्ट्रेलियन कर्णधार स्टीव्ह स्मिथ आणि उपकर्णधार डेव्हिड वॉर्नर यांच्या अंगलट आला असला तरी दोन वर्षांपूर्वी त्यांच्या असेच कृत्य सामनाधिकाऱ्यांनी निदर्शनास आणल्याचे एका बातमीतून समोर येते आहे. २०१६च्या ऑस्ट्रेलियातील राष्ट्रीय स्पर्धा असलेल्या शेफिल्ड शिल्डमध्ये असा प्रकार घडल्याचे तत्कालिन ऑस्ट्रेलियन पंच डॅरील हार्पर यांच्या एका पत्रव्यवहारातून स्पष्ट होते.
स्मिथ आणि वॉर्नर यांच्यावर कारवाई आणि नंतर त्यांच्या प्रतिक्रिया जगासमोर आल्यानंतर प्रसारमाध्यमांत हार्पर यांच्याबद्दलची ही बातमी सिडनी मॉर्निंग हेराल्ड या दैनिकात प्रसिद्ध झाली आहे. पंच डॅरील हार्पर यांनी क्रिकेट ऑस्ट्रेलियाचे सामनाधिकारी व पंच निवड समितीचे व्यवस्थापक सायमन टॉफेल यांना पाठवलेल्या मेलमध्ये स्मिथ आणि वॉर्नर हे खिलाडुवृत्तीचा दर्शन घडविताना दिसत नाहीत, असा आक्षेप घेतल्याचे या वृत्तात म्हटले आहे. या मेलमध्ये म्हटले आहे की, २०१६च्या नोव्हेंबरमधील शेफिल्ड शिल्ड सामन्यात व्हिक्टोरियाविरुद्ध खेळताना न्यू साऊथ वेल्सचे स्मिथ आणि वॉर्नर खिलाडुवृत्तीने खेळत नसल्याचे दिसले. वॉर्नर त्यावेळी आपल्या संघाचा यष्टिरक्षक पीटर नेविल याच्याकडे चेंडू देताना तो मैदानावर आपटून देत असल्याचे दिसत होते. सामन्याच्या पहिल्याच दिवशी हा प्रकार होत होता. त्यावेळी मी स्मिथला हा प्रकार निदर्शनास आणून दिला आणि खिलाडुवृत्ती दाखविण्यास सांगितले. पण त्यांच्याकडून कोणताही उचित प्रतिसाद मिळाला नाही. म्हणून दुसऱ्या दिवशी सकाळी मी मैदानावरील पंचांच्या सहकाऱ्याने न्यू साऊथ वेल्सचे प्रशिक्षक ट्रेन्ट जॉन्स्टन यांच्याशी संपर्क साधून त्यांना याची जाणीव करून दिली. शिवाय, असा इशाराही दिला की, चेंडूशी छेडछाड केल्याचा मुद्दा राष्ट्रीय कर्णधाराविरुद्ध (स्मिथ) उपस्थित होऊ नये, याची काळजी क्रिकेट ऑस्ट्रेलियाने घ्यावी, अशी अपेक्षा आहे. हार्पर म्हणतात की, त्यावेळी स्मिथच्या संघाला पराभव पत्करावा लागल्यामुळे सिडनी क्रिकेट मैदानातील खेळपट्टीविषयी तक्रार केली होती. शेफिल्ड शिल्ड खेळण्याची आपली इच्छा नाही, असेही त्याच्या तक्रारीतून दिसून येत होते.
हार्पर यांनी असेही नमूद केले आहे की, जेव्हा या गोष्टीची मी दखल घेतली त्यानंतर मात्र पुढील तीन दिवस दोन्ही संघांकडून असे प्रकार घडले नाहीत. पण सामन्यानंतरच्या भेटीत स्टिव्ह स्मिथ राष्ट्रीय संघाच्या कर्णधाराप्रमाणे वागताना दिसत नव्हता.