वृत्तसंस्था, चेन्नई
इंग्लंडमधील कौंटी क्रिकेटमध्ये एसेक्स संघाकडून खेळताना माझ्या फलंदाजीच्या तंत्रात कोणताही बदल केला नसल्याचे स्पष्टीकरण सध्या भारतीय संघाबाहेर असलेला कसोटीपटू मुरली विजयने दिले आहे. एसेक्सकडून फलंदाजी करताना विजयला फॉर्म गवसला असला, तरी भारतीय संघात पुन्हा स्थान मिळवण्यासाठी कौंटी क्रिकेटमध्ये खेळलो नसल्याचेही त्याने स्पष्ट केले आहे.
या वर्षी भारतीय संघाच्या इंग्लंड दौऱ्यामधील कसोटी मालिकेदरम्यान विजयला पहिल्या दोन सामन्यांमध्ये चार डावांत मिळून अवघ्या २६ धावा करता आल्या होत्या. त्यामुळे उर्वरित मालिकेसाठी त्याला डच्चू मिळाला व त्यानंतरच्या भारत-वेस्ट इंडिज मालिकेसाठीही त्याचा संघात समावेश करण्यात आला नाही. यादरम्यान, त्याला कौंटीतील एसेक्स संघाने करारबद्ध केले व एसेक्सकडून खेळताना विजयने एक शतक व तीन अर्धशतके झळकावली. एसेक्सकडून खेळण्याचा अनुभव खूप चांगला असला, तरी तो सोपा नव्हता. मला संधी दिल्याबद्दल मी एसेक्स संघाचा ऋणी आहे. मी भारतीय संघात परतण्यासाठी या संधीचा विचार केला नव्हता. मला फॉर्म पुन्हा मिळवण्यासाठी काही धावा जमवायच्या होत्या आणि त्यासाठी चांगले क्रिकेट खेळणे आवश्यक होते. माझ्या क्षमतांवर मी कधीच शंका घेतली नाही. कौंटी क्रिकेटमध्येही मी फलंदाजीचे तंत्र न बदलता खेळलो, असे विजय म्हणाला. विजयचा समावेश सध्या भारत अ संघामध्ये करण्यात आला असून हा संघ या आठवड्यामध्ये न्यूझीलंड दौऱ्यावर जाणार आहे. त्यानंतर, ऑस्ट्रेलिया दौऱ्यावर जाणाऱ्या भारतीय कसोटी संघातही त्याचा समावेश आहे.
इंग्लंडमधील कौंटी क्रिकेटमध्ये एसेक्स संघाकडून खेळताना माझ्या फलंदाजीच्या तंत्रात कोणताही बदल केला नसल्याचे स्पष्टीकरण सध्या भारतीय संघाबाहेर असलेला कसोटीपटू मुरली विजयने दिले आहे. एसेक्सकडून फलंदाजी करताना विजयला फॉर्म गवसला असला, तरी भारतीय संघात पुन्हा स्थान मिळवण्यासाठी कौंटी क्रिकेटमध्ये खेळलो नसल्याचेही त्याने स्पष्ट केले आहे.
या वर्षी भारतीय संघाच्या इंग्लंड दौऱ्यामधील कसोटी मालिकेदरम्यान विजयला पहिल्या दोन सामन्यांमध्ये चार डावांत मिळून अवघ्या २६ धावा करता आल्या होत्या. त्यामुळे उर्वरित मालिकेसाठी त्याला डच्चू मिळाला व त्यानंतरच्या भारत-वेस्ट इंडिज मालिकेसाठीही त्याचा संघात समावेश करण्यात आला नाही. यादरम्यान, त्याला कौंटीतील एसेक्स संघाने करारबद्ध केले व एसेक्सकडून खेळताना विजयने एक शतक व तीन अर्धशतके झळकावली. एसेक्सकडून खेळण्याचा अनुभव खूप चांगला असला, तरी तो सोपा नव्हता. मला संधी दिल्याबद्दल मी एसेक्स संघाचा ऋणी आहे. मी भारतीय संघात परतण्यासाठी या संधीचा विचार केला नव्हता. मला फॉर्म पुन्हा मिळवण्यासाठी काही धावा जमवायच्या होत्या आणि त्यासाठी चांगले क्रिकेट खेळणे आवश्यक होते. माझ्या क्षमतांवर मी कधीच शंका घेतली नाही. कौंटी क्रिकेटमध्येही मी फलंदाजीचे तंत्र न बदलता खेळलो, असे विजय म्हणाला. विजयचा समावेश सध्या भारत अ संघामध्ये करण्यात आला असून हा संघ या आठवड्यामध्ये न्यूझीलंड दौऱ्यावर जाणार आहे. त्यानंतर, ऑस्ट्रेलिया दौऱ्यावर जाणाऱ्या भारतीय कसोटी संघातही त्याचा समावेश आहे.