मुंबई: टोटल वेंगसरकर क्रिकेट अकादमीच्या वतीने आयोजित २२व्या टोटल कप १४ वर्षाखालील खेळाडूंच्या निवड चाचणी क्रिकेट स्पर्धेतील पहिल्या साखळी लढतीत राज देशमुखच्या शानदार शतकी (१२३) खेळीमुळे वेंगसरकर संघाने तेंडूलकर संघाविरुद्ध पहिल्या डावातील आघाडीच्या जोरावर विजय मिळविला. ओव्हल येथील टोटल वेंगसरकर अकादमीच्या मैदानावरील लढतीत पाहुण्या विदर्भ संघाने आज गावस्कर संघाच्या १३१ धावांच्या लक्ष्याचा पाठलाग करताना १९२ धावा करून पहिल्या डावातील आघाडीसह विजय संपादन केला.
दरम्यान ओव्हल येथील लढतीत पाहुण्या विदर्भ संघाने शर्जील शेख (४०) आणि कालचा नाबाद फलंदाज ओम गायकवाड (७०) यांच्या उपयुक्त फलंदाजीमुळे ८६.४ षटकात १९२ धावा करून संघाला विजयी केले. गावस्कर संघातर्फे जीनीत शाह (२७/३) आणि धवल माटे (३८/३) व अथर्व राऊत (४२/३) यांनी प्रत्येकी तीन बळी मिळविले. खेळ संपला तेव्हा गावस्कर संघाने दुसऱ्या डावात ६ बाद १३४ धावा केल्या होत्या.
सामन्यांचे निकालः गावस्कर संघ ५१ षटकात १३१ (आयुष वर्तक २७,प्रतिक यादव नाबाद ४१; गौरव फर्डे १४/३, चैतन्य पोडल्लीवार २३/३) आणि ६ बाद १३४ (अभिनव सिंग २३, प्रतिक यादव ३९, गौरव फर्डे २१/३) पराभूत वि. विदर्भ ८६.४ षटकात १९२ (शर्जील शेख ४०, ओम गायकवाड ७०,सुयोग भागवत २३; जीनीत शाह २७/३, धवल माटे ३८/३, अथर्व राऊत ४२/३).
तेंडूलकर संघ ६५.३ षटकात १०२ (प्रतिक वारंग २६; निशांत यादव १२/२, अनुराग सिंघ १०/२, उमर खान ३८/३, आर्यन फडतरे २०/२) आणि ३६ षटकात ७ बाद ८९ (आदित्य रावत ४९; उमर खान १८/४, अनुराग सिंघ ३६/३) पराभूत वि. वेंगसरकर संघ ७१ षटकात ४ बाद २४५ (राज देशमुख १२३, रोनित ठाकूर ५२, ओवेस शेख नाबाद २५; अनुज गिरी ४५/२, खुश यादव ५९/२).