वृत्तसंस्था, नवी दिल्ली
भारताची अनुभवी महिला क्रिकेटपटू झुलन गोस्वामीने गुरुवारी आंतरराष्ट्रीय टी-२० क्रिकेटमधून निवृत्त होत असल्याची घोषणा केली. त्यामुळे या वर्षी नोव्हेंबरमध्ये वेस्ट इंडिज येथे होणाऱ्या टी-२० वर्ल्ड कपमध्ये झुलन खेळणार नसल्याचे स्पष्ट झाले आहे. ३५ वर्षीय झुलनने ६८ आंतरराष्ट्रीय टी-२० सामनन्यांमध्ये ५६ विकेट घेतल्या आहेत.
झुलनने यापुढे भारताकडून केवळ वन-डे क्रिकेटमध्ये खेळण्याचा निर्णय घेतला आहे. आंतरराष्ट्रीय वन-डे क्रिकेटमध्ये झुलनच्या नावावर १६९ सामन्यांत २०० विकेट जमा आहेत. मागील काही टी-२० सामन्यांमध्ये झुलनला विकेट घेण्यात अपयश आल्यामुळे तिच्या कामगिरीवर टीका करण्यात येत होती. नुकत्याच झालेल्या आशिया कप स्पर्धेमध्ये भारताला दोनवेळा बांगलादेशकडून पराभव पत्करावा लागला. या स्पर्धेतही झुलनची कामगिरी निराशाजनक झाली होती. स्पर्धेतील चार सामन्यांमध्ये तिला केवळ एक विकेट घेतला आली होती. तिच्या गोलंदाजीचा वेग कमी झाला असून तिच्या मैदानातील हालचालींवरही मर्यादा आल्याचे जाणवत होते. या पार्श्वभूमीवर झुलनने टी-२० कारकिर्दीला पूर्णविराम देण्याचा निर्णय घेतला आहे. बीसीसीआयने यासंबंधी जाहीर केलेल्या पत्रकामध्ये झुलनने संघातील सर्व खेळाडूंचे आभार मानले असून त्यांना पुढील वाटचालीसाठी शुभेच्छा दिल्या आहेत.
झुलनची टी-२० कारकीर्द
सामने विकेट सर्वोत्तम धावा सर्वोच्च झेल
६८ ५६ ५-११ ४०५ ३७* २३
भारताची अनुभवी महिला क्रिकेटपटू झुलन गोस्वामीने गुरुवारी आंतरराष्ट्रीय टी-२० क्रिकेटमधून निवृत्त होत असल्याची घोषणा केली. त्यामुळे या वर्षी नोव्हेंबरमध्ये वेस्ट इंडिज येथे होणाऱ्या टी-२० वर्ल्ड कपमध्ये झुलन खेळणार नसल्याचे स्पष्ट झाले आहे. ३५ वर्षीय झुलनने ६८ आंतरराष्ट्रीय टी-२० सामनन्यांमध्ये ५६ विकेट घेतल्या आहेत.
झुलनने यापुढे भारताकडून केवळ वन-डे क्रिकेटमध्ये खेळण्याचा निर्णय घेतला आहे. आंतरराष्ट्रीय वन-डे क्रिकेटमध्ये झुलनच्या नावावर १६९ सामन्यांत २०० विकेट जमा आहेत. मागील काही टी-२० सामन्यांमध्ये झुलनला विकेट घेण्यात अपयश आल्यामुळे तिच्या कामगिरीवर टीका करण्यात येत होती. नुकत्याच झालेल्या आशिया कप स्पर्धेमध्ये भारताला दोनवेळा बांगलादेशकडून पराभव पत्करावा लागला. या स्पर्धेतही झुलनची कामगिरी निराशाजनक झाली होती. स्पर्धेतील चार सामन्यांमध्ये तिला केवळ एक विकेट घेतला आली होती. तिच्या गोलंदाजीचा वेग कमी झाला असून तिच्या मैदानातील हालचालींवरही मर्यादा आल्याचे जाणवत होते. या पार्श्वभूमीवर झुलनने टी-२० कारकिर्दीला पूर्णविराम देण्याचा निर्णय घेतला आहे. बीसीसीआयने यासंबंधी जाहीर केलेल्या पत्रकामध्ये झुलनने संघातील सर्व खेळाडूंचे आभार मानले असून त्यांना पुढील वाटचालीसाठी शुभेच्छा दिल्या आहेत.
झुलनची टी-२० कारकीर्द
सामने विकेट सर्वोत्तम धावा सर्वोच्च झेल
६८ ५६ ५-११ ४०५ ३७* २३