म. टा. क्रीडा प्रतिनिधी, नागपूर
विदर्भ क्रिकेटकरता यंदाच्या घरगुती क्रिकेटचा हंगाम खऱ्या अर्थाने ऐतिहासिक ठरला आहे. विदर्भ क्रिकेट संघाने सीनिअर, ज्युनिअर अशा वेगळ्या गटांत चार विजेतेपद पटकावण्याची कामगिरी केली आहे. सीनिअर संघाने यंदाच्या हंगामात रणजी व इराणी करंडकाचे विजेतेपद राखण्यात यश मिळवले, तर १९ वर्षांखालील संघाने एकदिवसीय क्रिकेट स्पर्धेचे विजेतेपद पटकावले. विजेतेपदांच्या या मालिकेत शुक्रवारी आणखी भर पडली, २३ वर्षांखालील विदर्भाच्या संघाने एकदिवसीय क्रिकेट स्पर्धेच्या अंतिम फेरीत दिल्लीवर चार गड्यांनी मात करत पहिल्यांदाच या स्पर्धेचे विजेतेपद पटकावले.
पवन परनातेने काढलेल्या नाबाद ८८ धावांच्या जोरावर विदर्भाने यंदाच्या वर्षातील चौथे विजेतेपद पटकावण्यात यश मिळवले.
हैदराबाद येथे झालेल्या लढतीत विदर्भाचा कर्णधार मोहित काळेने नाणेफेक जिंकत प्रथम गोलंदाजीचा निर्णय घेतला व दिल्ली संघाचा डाव २११ धावांवर रोखण्यात यश मिळवले. प्रत्युत्तरात विदर्भ संघाची सुरुवात निराशाजनक झाली. विदर्भाच्या सीनिअर संघाचे कर्तव्य बजावून थेट दाखल झालेल्या सलामीवीर अथर्व तायडे व अक्षय दुल्लरवार जोडीला चांगली सुरुवात करून देता आली नाही. अथर्व (५), तर अक्षय (१२) धावांवर तंबूत परतले. त्यामुळे विदर्भाची २ बाद २५ अशी अवस्था झाली. दोन गडी झटपट बाद केल्यावर दिल्लीचे गोलंदाज विदर्भाच्या फलंदाजांवर वर्चस्व ठेवतात का, असे वाटत होते. मात्र, त्यानंतर संघाचा यष्टीरक्षक पवन परताने आणि नयन चव्हाण यांनी संयमी फलंदाजी करत एक भागीदारी रचली. दोघांनीही दिल्लीच्या गोलंदाजांना समर्थपणे तोंड दिले. तर खराब चेंडूवर फटकेबाजी करत संघाचा धावफलकही हलता ठेवला. याच दरम्यान परनातेने अर्धशतकही पूर्ण केले. तर अर्धशतकाकडे वाटचाल करीत असताना नयन चव्हाण (४८) धावांवर योगेश शर्माचा बळी ठरला. त्यावेळी विदर्भाची ३ बाद १२८ अशी अवस्था होती. परनाते व चव्हाण यांनी तिसऱ्या गड्यासाठी १०३ धावांची महत्त्वपूर्ण भागीदारी केली होती. त्यानंतर फलंदाजीस आलेल्या मोहित काळेने संयमी फंलदाजी करत विजयी लक्ष्याच्या समीप नेले. मात्र, संघाच्या १७१ धावा झाल्या असताना मोहित (२९) धावांवर तंबूत परतला.
एकीकडे विदर्भ संघ विजयी लक्ष्याचा सहज पाठलाग करेल, असे वाटत होते. मात्र, पार्थ रेखडे (२) आणि मोहित राऊत (०) धावांवर झटपट बाद झाल्याने विदर्भाची ६ बाद १७८ अशी अवस्था करत दिल्लीने सामन्यात परतण्याचा प्रयत्न केला. मात्र, परनाते एका बाजूने संघाचा डाव सांभाळत होता, तर दुसऱ्या बाजूने दर्शन नळकांदेनेही १५ चेंडूंत दोन चौकार व दोन षटकारांच्या सहाय्याने २४ धावा करत ४८.२ षटकांतच संघाला लक्ष्य गाठून दिले. पवन परनाने १३२ चेंडूत ८८ धावांवर नाबाद होता. अत्यंत संयमी खेळीत सहा चौकारांचा समावेश होता. दिल्ली संघाकडून कुलदीप यादवने सर्वाधिक ३७ धावात ४ गडी बाद केले. तर अभिषेक वत्स आणि योगेश शर्मा यांनी प्रत्येकी एक गडी बाद केला.
त्यापूर्वी पार्थ रेखडेच्या उत्कृष्ट फिरकी गोलंदाजीपुढे दिल्ली संघाचा डाव ५० षटकात २११ धावांवर संपुष्टात आला. दिल्लीकडून कर्णधार ललित यादव (६५), सुमीत माथुर (५२) आणि वैभव कंडपाल (३९) धावा वगळता इतर फलंदाजांना फारसा प्रभाव पाडता आला नाही. विदर्भाकडून पार्थ रेखडेने ३३ धावा चार गडी बाद केले. तर नचिकेत परांडेने दोन आणि ए. देशपांडेने एक गडी बाद केला.
धावफलक
दिल्ली- आयुष बदोनी झे. काळे. गो. परांडे १५, कुणवर बिधुरी झे.व.गो. नळकांदे ४, वैभव कंडपाल झे. काळे. गो. रेखडे ३९, विकास दीक्षित झे. राऊत. गो. देशपांडे २, ललित यादव झे. काळे. गो. रेखडे ६५, लक्षय त्रिफळाचित. गो.चौधरी १०, सुमीत माथूर झे.नळकांदे. गो. परांडे ५२, प्रिन्स मेहरा पायचित. गो. रेखडे २, अभिषेक वत्स झे. चव्हाण. गो. रेखडे ५, योगेश शर्मा (धावबाद काळे)६, कुलदीप यादव नाबाद ०
एकूण ५० षटकांत सर्वबाद २११
गोलंदाजी- परांडे १०-०-३८-२, दर्शन नळकांदे ६-०-४६-१, आर. के. चौधरी ७-०-२७-१, ए. एम. देशपांडे १०-०-३६-१, पार्थ रेखडे १०-०-३३-४, मोहित राऊत ७-०-२७-०
विदर्भ- अथर्व तायडे झे. दीक्षित. गो. कुलदीप यादव ५, अक्षय दुल्लरवार झे. लक्षय.गो. वत्स १२, पवन परनाते नाबाद ८८, नयन चव्हाण झे. लक्षय. गो. शर्मा ४८, मोहित काळे झे. लक्षय. गो. कुलदीप यादव २९, पार्थ रेखडे झे. वत्स. गो. कुलदीप यादव २, मोहित राऊत झे. शोकीन. गो. कुलदीप यादव ०, दर्शन नळकांदे नाबाद २४
गोलंदाजी-अभिषेक वत्स ६.२-१-२७-१, कुलदीप यादव १०-०-३७-४, कुणवर बिधुरी १-०-५-०, ललित यादव ३-०-१८-०, योगेश शर्मा १०-२-२९-१, विकास दीक्षित ७-०-३२-०, आयुष बदोनी ८-०-४८-०, सुमीत माथूर ३-०-१९-०
...........
विदर्भ क्रिकेटकरता यंदाच्या घरगुती क्रिकेटचा हंगाम खऱ्या अर्थाने ऐतिहासिक ठरला आहे. विदर्भ क्रिकेट संघाने सीनिअर, ज्युनिअर अशा वेगळ्या गटांत चार विजेतेपद पटकावण्याची कामगिरी केली आहे. सीनिअर संघाने यंदाच्या हंगामात रणजी व इराणी करंडकाचे विजेतेपद राखण्यात यश मिळवले, तर १९ वर्षांखालील संघाने एकदिवसीय क्रिकेट स्पर्धेचे विजेतेपद पटकावले. विजेतेपदांच्या या मालिकेत शुक्रवारी आणखी भर पडली, २३ वर्षांखालील विदर्भाच्या संघाने एकदिवसीय क्रिकेट स्पर्धेच्या अंतिम फेरीत दिल्लीवर चार गड्यांनी मात करत पहिल्यांदाच या स्पर्धेचे विजेतेपद पटकावले.
पवन परनातेने काढलेल्या नाबाद ८८ धावांच्या जोरावर विदर्भाने यंदाच्या वर्षातील चौथे विजेतेपद पटकावण्यात यश मिळवले.
हैदराबाद येथे झालेल्या लढतीत विदर्भाचा कर्णधार मोहित काळेने नाणेफेक जिंकत प्रथम गोलंदाजीचा निर्णय घेतला व दिल्ली संघाचा डाव २११ धावांवर रोखण्यात यश मिळवले. प्रत्युत्तरात विदर्भ संघाची सुरुवात निराशाजनक झाली. विदर्भाच्या सीनिअर संघाचे कर्तव्य बजावून थेट दाखल झालेल्या सलामीवीर अथर्व तायडे व अक्षय दुल्लरवार जोडीला चांगली सुरुवात करून देता आली नाही. अथर्व (५), तर अक्षय (१२) धावांवर तंबूत परतले. त्यामुळे विदर्भाची २ बाद २५ अशी अवस्था झाली. दोन गडी झटपट बाद केल्यावर दिल्लीचे गोलंदाज विदर्भाच्या फलंदाजांवर वर्चस्व ठेवतात का, असे वाटत होते. मात्र, त्यानंतर संघाचा यष्टीरक्षक पवन परताने आणि नयन चव्हाण यांनी संयमी फलंदाजी करत एक भागीदारी रचली. दोघांनीही दिल्लीच्या गोलंदाजांना समर्थपणे तोंड दिले. तर खराब चेंडूवर फटकेबाजी करत संघाचा धावफलकही हलता ठेवला. याच दरम्यान परनातेने अर्धशतकही पूर्ण केले. तर अर्धशतकाकडे वाटचाल करीत असताना नयन चव्हाण (४८) धावांवर योगेश शर्माचा बळी ठरला. त्यावेळी विदर्भाची ३ बाद १२८ अशी अवस्था होती. परनाते व चव्हाण यांनी तिसऱ्या गड्यासाठी १०३ धावांची महत्त्वपूर्ण भागीदारी केली होती. त्यानंतर फलंदाजीस आलेल्या मोहित काळेने संयमी फंलदाजी करत विजयी लक्ष्याच्या समीप नेले. मात्र, संघाच्या १७१ धावा झाल्या असताना मोहित (२९) धावांवर तंबूत परतला.
एकीकडे विदर्भ संघ विजयी लक्ष्याचा सहज पाठलाग करेल, असे वाटत होते. मात्र, पार्थ रेखडे (२) आणि मोहित राऊत (०) धावांवर झटपट बाद झाल्याने विदर्भाची ६ बाद १७८ अशी अवस्था करत दिल्लीने सामन्यात परतण्याचा प्रयत्न केला. मात्र, परनाते एका बाजूने संघाचा डाव सांभाळत होता, तर दुसऱ्या बाजूने दर्शन नळकांदेनेही १५ चेंडूंत दोन चौकार व दोन षटकारांच्या सहाय्याने २४ धावा करत ४८.२ षटकांतच संघाला लक्ष्य गाठून दिले. पवन परनाने १३२ चेंडूत ८८ धावांवर नाबाद होता. अत्यंत संयमी खेळीत सहा चौकारांचा समावेश होता. दिल्ली संघाकडून कुलदीप यादवने सर्वाधिक ३७ धावात ४ गडी बाद केले. तर अभिषेक वत्स आणि योगेश शर्मा यांनी प्रत्येकी एक गडी बाद केला.
त्यापूर्वी पार्थ रेखडेच्या उत्कृष्ट फिरकी गोलंदाजीपुढे दिल्ली संघाचा डाव ५० षटकात २११ धावांवर संपुष्टात आला. दिल्लीकडून कर्णधार ललित यादव (६५), सुमीत माथुर (५२) आणि वैभव कंडपाल (३९) धावा वगळता इतर फलंदाजांना फारसा प्रभाव पाडता आला नाही. विदर्भाकडून पार्थ रेखडेने ३३ धावा चार गडी बाद केले. तर नचिकेत परांडेने दोन आणि ए. देशपांडेने एक गडी बाद केला.
धावफलक
दिल्ली- आयुष बदोनी झे. काळे. गो. परांडे १५, कुणवर बिधुरी झे.व.गो. नळकांदे ४, वैभव कंडपाल झे. काळे. गो. रेखडे ३९, विकास दीक्षित झे. राऊत. गो. देशपांडे २, ललित यादव झे. काळे. गो. रेखडे ६५, लक्षय त्रिफळाचित. गो.चौधरी १०, सुमीत माथूर झे.नळकांदे. गो. परांडे ५२, प्रिन्स मेहरा पायचित. गो. रेखडे २, अभिषेक वत्स झे. चव्हाण. गो. रेखडे ५, योगेश शर्मा (धावबाद काळे)६, कुलदीप यादव नाबाद ०
एकूण ५० षटकांत सर्वबाद २११
गोलंदाजी- परांडे १०-०-३८-२, दर्शन नळकांदे ६-०-४६-१, आर. के. चौधरी ७-०-२७-१, ए. एम. देशपांडे १०-०-३६-१, पार्थ रेखडे १०-०-३३-४, मोहित राऊत ७-०-२७-०
विदर्भ- अथर्व तायडे झे. दीक्षित. गो. कुलदीप यादव ५, अक्षय दुल्लरवार झे. लक्षय.गो. वत्स १२, पवन परनाते नाबाद ८८, नयन चव्हाण झे. लक्षय. गो. शर्मा ४८, मोहित काळे झे. लक्षय. गो. कुलदीप यादव २९, पार्थ रेखडे झे. वत्स. गो. कुलदीप यादव २, मोहित राऊत झे. शोकीन. गो. कुलदीप यादव ०, दर्शन नळकांदे नाबाद २४
गोलंदाजी-अभिषेक वत्स ६.२-१-२७-१, कुलदीप यादव १०-०-३७-४, कुणवर बिधुरी १-०-५-०, ललित यादव ३-०-१८-०, योगेश शर्मा १०-२-२९-१, विकास दीक्षित ७-०-३२-०, आयुष बदोनी ८-०-४८-०, सुमीत माथूर ३-०-१९-०
...........