दुबई :
भारताचा कर्णधार विराट कोहलीने आयसीसी कसोटी फलंदाजांच्या क्रमवारीतील अव्वल स्थान कायम राखले आहे. कोहलीने चौथ्या कसोटीत ४६ आणि ५८ धावांची खेळी केली. या मालिकेतील आठ डावांत कोहलीने ५४४ धावा केल्या आहेत. त्याच्या खात्यात आता कारकिर्दीतील सर्वोत्तम ९३७ गुण जमा आहेत. सर्वकालीन सर्वोत्तम क्रमवारीत कोहली अकराव्या स्थानावर आहे. या क्रमवारीत डॉन ब्रॅडमन (९६१), स्टीव्ह स्मिथ (९४७), लेन हटन (९४५), जॅक हॉब्ज (९४२), रिकी पाँटिंग (९४२), पीटर मे (९४१) हे पहिल्या सहा स्थानांवर आहेत. कोहली आता सातव्या ते दहाव्या क्रमांकावर असणाऱ्या गॅरी सोबर्स, क्लाइड वॉलकॉट, व्हिवियन रिचर्ड्स, कुमार संगकारा (प्रत्येकी ९३८) यांना मागे टाकण्याची संधी आहे. कसोटी फलंदाजांच्या क्रमवारीत पुजारा सहाव्या स्थानावर कायम आहे. अजिंक्य रहाणे अठराव्या स्थानावर आहे. गोलंदाजांच्या क्रमवारीत आर. अश्विनची आठव्या स्थानावर घसरण झाली आहे. महंमद शमी १९व्या, तर इशांत शर्मा २५व्या स्थानावर पोहोचला आहे. जसप्रीत बुमराह ३७व्या स्थानावर असून, पहिल्या तीन क्रमांकावर जेम्स अँडरसन, कॅगिसो रबाडा आणि रवींद्र जडेजा आहेत.
भारताचा कर्णधार विराट कोहलीने आयसीसी कसोटी फलंदाजांच्या क्रमवारीतील अव्वल स्थान कायम राखले आहे. कोहलीने चौथ्या कसोटीत ४६ आणि ५८ धावांची खेळी केली. या मालिकेतील आठ डावांत कोहलीने ५४४ धावा केल्या आहेत. त्याच्या खात्यात आता कारकिर्दीतील सर्वोत्तम ९३७ गुण जमा आहेत. सर्वकालीन सर्वोत्तम क्रमवारीत कोहली अकराव्या स्थानावर आहे. या क्रमवारीत डॉन ब्रॅडमन (९६१), स्टीव्ह स्मिथ (९४७), लेन हटन (९४५), जॅक हॉब्ज (९४२), रिकी पाँटिंग (९४२), पीटर मे (९४१) हे पहिल्या सहा स्थानांवर आहेत. कोहली आता सातव्या ते दहाव्या क्रमांकावर असणाऱ्या गॅरी सोबर्स, क्लाइड वॉलकॉट, व्हिवियन रिचर्ड्स, कुमार संगकारा (प्रत्येकी ९३८) यांना मागे टाकण्याची संधी आहे. कसोटी फलंदाजांच्या क्रमवारीत पुजारा सहाव्या स्थानावर कायम आहे. अजिंक्य रहाणे अठराव्या स्थानावर आहे. गोलंदाजांच्या क्रमवारीत आर. अश्विनची आठव्या स्थानावर घसरण झाली आहे. महंमद शमी १९व्या, तर इशांत शर्मा २५व्या स्थानावर पोहोचला आहे. जसप्रीत बुमराह ३७व्या स्थानावर असून, पहिल्या तीन क्रमांकावर जेम्स अँडरसन, कॅगिसो रबाडा आणि रवींद्र जडेजा आहेत.