नवी दिल्ली
एखादा झपाटलेला माणूस कसा असतो, हे टीम इंडियाचा कर्णधार विराट कोहलीनं आज पुन्हा दाखवून दिलंय. श्रीलंकेविरुद्धच्या नागपूर कसोटीपाठोपाठ दिल्ली कसोटीतही त्यानं दणदणीत द्विशतक झळकावलंय. विशेष म्हणजे, कसोटी कारकीर्दीतील ही सहाही द्विशतकं विराटनं अवघ्या १८ महिन्यांत केलीय. तसंच, कर्णधारपदाची धुरा सांभाळत असताना द्विशतकांचा 'षटकार' ठोकणारा तो एकमेव वीर ठरला आहे. त्यामुळे 'किंग कोहली'ला द्विशतकानं झपाटल्याचीच चर्चा क्रिकेटप्रेमींमध्ये रंगलीय.
भारत वि. श्रीलंका कसोटीचं संपूर्ण स्कोअरकार्ड
वेस्ट इंडीजच्या ब्रायन लारानं कर्णधार असताना पाच द्विशतकं झळकावली होती. हा विक्रम विराटनं आज मोडला. त्याशिवाय, कसोटीतील सहावं द्विशतक साकारून विराटनं मास्टर ब्लास्टर सचिन तेंडुलकर आणि वीरेंद्र सेहवाग यांच्याशी बरोबरी केली आहे. सचिन आणि वीरूच्या नावावरही सहा कसोटी द्विशतकं आहेत. विराटचा वेग आणि धडाका बघता, त्यांना तो सहज मागे टाकू शकतो.
त्याशिवाय, लागोपाठ दोन द्विशतकं ठोकणारा विराट हा दुसरा भारतीय फलंदाज ठरलाय. याआधी असा पराक्रम विनोद कांबळीनं केला होता.
दिल्ली कसोटीच्या पहिल्या दिवशी विराट कोहलीनं खणखणीत शतक साजरं करून कसोटी क्रिकेटमध्ये पाच हजार धावांचा टप्पा ओलांडला होता. कालचा खेळ संपला तेव्हा विराट कोहली १५६ धावांवर होता. आणखी ४४ धावा झटपट करून द्विशतक ठोकण्याच्या निर्धारानंच तो आज मैदानावर उतरला आणि त्यानं ते प्रत्यक्षात करूनही दाखवलं.
Back to back double 💯 for King Kohli #INDvSL pic.twitter.com/NDMmtzbs4W — BCCI (@BCCI) December 3, 2017
एखादा झपाटलेला माणूस कसा असतो, हे टीम इंडियाचा कर्णधार विराट कोहलीनं आज पुन्हा दाखवून दिलंय. श्रीलंकेविरुद्धच्या नागपूर कसोटीपाठोपाठ दिल्ली कसोटीतही त्यानं दणदणीत द्विशतक झळकावलंय. विशेष म्हणजे, कसोटी कारकीर्दीतील ही सहाही द्विशतकं विराटनं अवघ्या १८ महिन्यांत केलीय. तसंच, कर्णधारपदाची धुरा सांभाळत असताना द्विशतकांचा 'षटकार' ठोकणारा तो एकमेव वीर ठरला आहे. त्यामुळे 'किंग कोहली'ला द्विशतकानं झपाटल्याचीच चर्चा क्रिकेटप्रेमींमध्ये रंगलीय.
भारत वि. श्रीलंका कसोटीचं संपूर्ण स्कोअरकार्ड
वेस्ट इंडीजच्या ब्रायन लारानं कर्णधार असताना पाच द्विशतकं झळकावली होती. हा विक्रम विराटनं आज मोडला. त्याशिवाय, कसोटीतील सहावं द्विशतक साकारून विराटनं मास्टर ब्लास्टर सचिन तेंडुलकर आणि वीरेंद्र सेहवाग यांच्याशी बरोबरी केली आहे. सचिन आणि वीरूच्या नावावरही सहा कसोटी द्विशतकं आहेत. विराटचा वेग आणि धडाका बघता, त्यांना तो सहज मागे टाकू शकतो.
त्याशिवाय, लागोपाठ दोन द्विशतकं ठोकणारा विराट हा दुसरा भारतीय फलंदाज ठरलाय. याआधी असा पराक्रम विनोद कांबळीनं केला होता.
दिल्ली कसोटीच्या पहिल्या दिवशी विराट कोहलीनं खणखणीत शतक साजरं करून कसोटी क्रिकेटमध्ये पाच हजार धावांचा टप्पा ओलांडला होता. कालचा खेळ संपला तेव्हा विराट कोहली १५६ धावांवर होता. आणखी ४४ धावा झटपट करून द्विशतक ठोकण्याच्या निर्धारानंच तो आज मैदानावर उतरला आणि त्यानं ते प्रत्यक्षात करूनही दाखवलं.
Back to back double 💯 for King Kohli #INDvSL pic.twitter.com/NDMmtzbs4W — BCCI (@BCCI) December 3, 2017