आयसीसीच्या क्रमवारीत विराट अव्वल स्थानी
टीम इंडियाचा कर्णधार विराट कोहलीने एकदिवसीय सामन्यांच्या फलंदाजांच्या क्रमवारीत अव्वल स्थान पटकावले आहे. आंतरराष्ट्रीय क्रिकेट परिषदेने नुकतीच नवी जागतिक क्रमवारी जाहीर केली आहे.
Maharashtra Times 13 Jun 2017, 7:49 pm
मटा ऑनलाइन वृत्त । नवी दिल्ली
टीम इंडियाचा कर्णधार विराट कोहलीने एकदिवसीय सामन्यांच्या फलंदाजांच्या क्रमवारीत अव्वल स्थान पटकावले आहे. आंतरराष्ट्रीय क्रिकेट परिषदेने नुकतीच नवी जागतिक क्रमवारी जाहीर केली आहे. या क्रमवारीनुसार विराट अव्वल स्थानी असून दुसऱ्या स्थानी ऑस्ट्रेलियाचा डेव्हिड वॉर्नर आहे.
आयसीसीच्या नव्या क्रमवारीत विराट कोहली ८६२ गुणांसह प्रथम स्थानी असून ८६१ गुणांसह म्हणजे अवघ्या एका गुणाच्या फरकाने डेव्हिड वॉर्नर दुसऱ्या स्थानावर आहे. दक्षिण आफ्रिकेचा कर्णधार आणि धडाकेबाज फलंदाज एबी डिव्हीलियर्सला ८४७ गुणांसह तिसऱ्या क्रमांकावर आहे इंग्लंड संघाचा फलंदाज रुट ७९८ गुणांसह चौथ्या तर न्यूझीलंडचा कर्णधार केन विल्यमसन ७७९ गुणांसह पाचव्या क्रमांकावर आहेत. सध्या जबरदस्त फॉर्मात असणारा टीम इंडियाचा सलामीचा फलंदाज शिखर धवनने पाच स्थान भरारी घेतली असून तो दहाव्या स्थानी आहे. तर, रोहित शर्मा १३ व्या स्थानी असून १४ व्या स्थानी महेंद्र सिंग धोनी आहे.
टीम इंडियाचा कर्णधार विराट कोहलीने एकदिवसीय सामन्यांच्या फलंदाजांच्या क्रमवारीत अव्वल स्थान पटकावले आहे. आंतरराष्ट्रीय क्रिकेट परिषदेने नुकतीच नवी जागतिक क्रमवारी जाहीर केली आहे. या क्रमवारीनुसार विराट अव्वल स्थानी असून दुसऱ्या स्थानी ऑस्ट्रेलियाचा डेव्हिड वॉर्नर आहे.
आयसीसीच्या नव्या क्रमवारीत विराट कोहली ८६२ गुणांसह प्रथम स्थानी असून ८६१ गुणांसह म्हणजे अवघ्या एका गुणाच्या फरकाने डेव्हिड वॉर्नर दुसऱ्या स्थानावर आहे. दक्षिण आफ्रिकेचा कर्णधार आणि धडाकेबाज फलंदाज एबी डिव्हीलियर्सला ८४७ गुणांसह तिसऱ्या क्रमांकावर आहे इंग्लंड संघाचा फलंदाज रुट ७९८ गुणांसह चौथ्या तर न्यूझीलंडचा कर्णधार केन विल्यमसन ७७९ गुणांसह पाचव्या क्रमांकावर आहेत. सध्या जबरदस्त फॉर्मात असणारा टीम इंडियाचा सलामीचा फलंदाज शिखर धवनने पाच स्थान भरारी घेतली असून तो दहाव्या स्थानी आहे. तर, रोहित शर्मा १३ व्या स्थानी असून १४ व्या स्थानी महेंद्र सिंग धोनी आहे.