'वेल डन कुंगफू पंड्या'... सेहवागचं भन्नाट ट्विट

मटा ऑनलाइन वृत्त । नवी दिल्ली

श्रीलंकेविरुद्धच्या कसोटीत हार्दिक पंड्यानं झळकावलेल्या पहिल्यावहिल्या तडाखेबंद कसोटी शतकानंतर त्याच्यावर कौतुकाचा वर्षाव होत आहे. आपल्या 'हटके' व मार्मिक ट्विटसाठी ओळखला जाणारा भारताचा माजी क्रिकेटपटू वीरेंद्र सेहवाग यानं पंड्याच्या वादळी खेळीचं गुणगान करताना तितकंच 'तुफानी' ट्विट केलं आहे. 'वेलडन मेरे कुंगफू पांड्या'... अशा शब्दांत वीरूनं पंड्याचं अभिनंदन केलं आहे.

क्रिकेटमधून निवृत्ती घेतल्यानंतर वीरू सध्या समालोचक म्हणून नशीब आजमावत आहे. चॅम्पियन्स ट्रॉफीच्या एका सामन्यात समालोचन करताना वीरूनं अनेकदा हार्दिक पंड्याला कुंगफू पांड्या असा उल्लेख केला होता. एखाद्या अॅथलिटसारखी चपळ व काटक शरीरयष्टी असलेला पंड्या कठीण झेलही सहज टिपतो आणि क्षेत्ररक्षणही उत्तम करतो. यामुळंच वीरूनं त्याला हे नावं दिलं आहे.
Wow ! What an incredible century by @hardikpandya7 . Well done mere KungFu Pandya. Mazaa aa gaya.#INDvSL — Virender Sehwag (@virendersehwag) August 13, 2017 श्रीलंकेविरुद्धच्या तिसऱ्या कसोटीत रविवारी पंड्यानं शतक झळकावल्यानंतर वीरूनं त्याला पुन्हा तेच बिरूद लावत शाबासकी दिली. ''व्वा! काय जबरदस्त शतक ठोकलंय हार्दिक पंड्यानं... शाब्बास माझ्या कुंगफू पांड्या... मजा आली...'' सेहवागचं हे ट्विट हजारो लोकांनी रिट्विट केलं आहे.