IPL 2019 Auction: युवराजसिंगची होणार का खरेदी

वृत्तसंस्था, जयपूर

पुढील वर्षीच्या इंडियन प्रीमिअर लीग (आयपीएल) क्रिकेट लीगसाठीचा या वर्षीचा दुसरा लिलाव आज (मंगळवार) होत आहे. बेंगळुरू ऐवजी जयपूरमध्ये होणाऱ्या या लिलावात डावखुरा फलंदाज युवराजसिंगला खरेदीदार मिळणार का, याबाबत चर्चा आहे.

गेल्या वर्षीच्या लिलावात युवराजसिंगची आधारभूत किंमत २ कोटी रुपये होती. त्याच्यावर किंग्ज इलेव्हन पंजाब संघाने १६ कोटी रुपये बोली लावून संघात सामावून घेतले होते. मात्र, युवराजला आपल्या किमतीला साजेशी कामगिरी करता आली नाही. त्याला आठ लढतींत केवळ ६५ धावाच करता आल्या. त्यामुळे पंजाब संघाने त्याला करारमुक्त केले. ३७ वर्षीय युवराजसिंग भारताकडून शेवटचा सामना जून २०१७मध्ये खेळले होता. या वेळी युवराजने आपली आधारभूत किंमत १ कोटी रुपये ठेवली आहे. त्याच्यासह वृद्धिमान सहा, महंमद शमी, अक्षर पटेल यांचीही तेवढीच किंमत आहे. एकूण नऊ खेळाडूंनी आपली आधारभूत किंमत २ कोटी रुपये ठेवली आहे. मात्र, यात एकाही भारतीय खेळाडूचा समावेश नाही. या यादीत ब्रेंडन मॅकलम, ख्रिस वोक्स, लसिथ मलिंगा, शॉन मार्श, सॅम करन, कॉलिन इंग्राम, कोरी अँडरसन, अँजेलो मॅथ्यूज आणि डी. शॉर्ट या परदेशी खेळाडूंचा समावेश आहे. चेतेश्वर पुजाराची किंमत ५० लाख रुपये, तर इशांत शर्माची आधारभूत किंमत ७५ लाख रुपये आहे.

...

३४६

लिलावात सहभागी खेळाडू

...

७०

या लिलावात एवढ्या खेळाडूंची खरेदी होण्याची शक्यता

...

९

किमान आधारभूत किंमत २ कोटी रुपये असलेले नऊ खेळाडू आहेत. यात एकही भारतीय नाही.

...

१०

किमान आधारभूत किंमत १.५ कोटी रुपये असलेले एकूण १० खेळाडू असून, यात केवळ एकच भारतीय आहे.

...

१९

किमान आधारभूत किंमत १ कोटी रुपये असलेले एकूण १९ खेळाडू आहेत. यात चार भारतीय आहेत.

...