लंडनः विराट कोहलीने मानेच्या दुखापतीमुळे काउंटी क्रिकेटमध्ये सरेकडून खेळण्याचा निर्णय रद्द करून विश्रांती घेणे हे योग्य होते की अयोग्य, ते भारत-इंग्लंड यांच्यातील आगामी कसोटी क्रिकेट मालिकेनंतरच कळेल, असे मत इंग्लंडचे माजी कर्णधार आणि काउंटी क्रिकेटचे संचालक अॅलेक स्टुअर्ट यांनी व्यक्त केले.
कोहलीला काउंटी क्रिकेटमध्ये खेळण्यासाठी तयार करण्यात स्टुअर्ट यांनी महत्त्वाची भूमिका बजावली होती. पूर्वनियोजनानुसार तो भारत-इंग्लंड मालिकेपूर्वी सरे संघातर्फे तीन ते चार काउंटी सामन्यांमध्ये खेळणार होता. तथापि, आयपीएलदरम्यान झालेल्या मानेच्या दुखापतीमुळे त्याने काउंटी क्रिकेटमधून माघार घेऊन विश्रांती घेण्याचा निर्णय घेतला. विराटने आतापर्यंत इंग्लंडमध्ये केवळ मोजकेच कसोटी सामने खेळले असून त्याची इंग्लंडमधील कसोटीतील कामगिरी सुमार आहे. त्यामुळे काउंटी क्रिकेट खेळल्याचा फायदा त्याला आगामी मालिकेत झाला असता का, या प्रश्नाचे उत्तर ही मालिका संपेपर्यंत त्याच्या कामगिरीमधून मिळेलच, असे स्टुअर्ट म्हणाले.
'कुलदीपच्या मदतीला क्षेत्ररक्षण नाही'
भारताचा डावखुरा फिरकीपटू कुलदीप यादवने नुकत्याच झालेल्या इंग्लंडविरुद्धच्या वन-डे क्रिकेट मालिकेमध्ये प्रभावी कामगिरी केली असली, तरी वन-डे क्रिकेटमध्ये क्षेत्ररक्षणाच्या नियमांमुळे कुलदीपला होणारी मदत आगामी कसोटी मालिकेमध्ये होणार नाही, असे मतही स्टुअर्ट यांनी मांडले. मी रवीचंद्रन अश्विनच्या गोलंदाजीचा खूप मोठा चाहता असून रवींद्र जडेजानेही इंग्लंडविरुद्ध चांगली कामगिरी केली आहे. तथापि, 'वन-डे'तील कुलदीपची कामगिरी पाहून भारताचा कर्णधार विराट कोहली त्याची अंतिम संघात निवड करण्याची शक्यता अधिक आहे. इंग्लंडचा कसोटी कर्णधार जो रूटने कुलदीपच्या फिरकीचे कोडे सोडवल्याचे वन-डे मालिकेत दिसले, असेही स्टुअर्ट यांनी सांगितले.
कोहलीला काउंटी क्रिकेटमध्ये खेळण्यासाठी तयार करण्यात स्टुअर्ट यांनी महत्त्वाची भूमिका बजावली होती. पूर्वनियोजनानुसार तो भारत-इंग्लंड मालिकेपूर्वी सरे संघातर्फे तीन ते चार काउंटी सामन्यांमध्ये खेळणार होता. तथापि, आयपीएलदरम्यान झालेल्या मानेच्या दुखापतीमुळे त्याने काउंटी क्रिकेटमधून माघार घेऊन विश्रांती घेण्याचा निर्णय घेतला. विराटने आतापर्यंत इंग्लंडमध्ये केवळ मोजकेच कसोटी सामने खेळले असून त्याची इंग्लंडमधील कसोटीतील कामगिरी सुमार आहे. त्यामुळे काउंटी क्रिकेट खेळल्याचा फायदा त्याला आगामी मालिकेत झाला असता का, या प्रश्नाचे उत्तर ही मालिका संपेपर्यंत त्याच्या कामगिरीमधून मिळेलच, असे स्टुअर्ट म्हणाले.
'कुलदीपच्या मदतीला क्षेत्ररक्षण नाही'
भारताचा डावखुरा फिरकीपटू कुलदीप यादवने नुकत्याच झालेल्या इंग्लंडविरुद्धच्या वन-डे क्रिकेट मालिकेमध्ये प्रभावी कामगिरी केली असली, तरी वन-डे क्रिकेटमध्ये क्षेत्ररक्षणाच्या नियमांमुळे कुलदीपला होणारी मदत आगामी कसोटी मालिकेमध्ये होणार नाही, असे मतही स्टुअर्ट यांनी मांडले. मी रवीचंद्रन अश्विनच्या गोलंदाजीचा खूप मोठा चाहता असून रवींद्र जडेजानेही इंग्लंडविरुद्ध चांगली कामगिरी केली आहे. तथापि, 'वन-डे'तील कुलदीपची कामगिरी पाहून भारताचा कर्णधार विराट कोहली त्याची अंतिम संघात निवड करण्याची शक्यता अधिक आहे. इंग्लंडचा कसोटी कर्णधार जो रूटने कुलदीपच्या फिरकीचे कोडे सोडवल्याचे वन-डे मालिकेत दिसले, असेही स्टुअर्ट यांनी सांगितले.