पाकिस्तान संघात गटबाजी

लाहोरः टी-२० वर्ल्ड कपमधील न्यूझीलंडविरुद्धच्या पराभवानंतर पाकिस्तान संघाच्या सुमार कामगिरीला गटबाजी आणि अंतर्गत राजकारण जबाबदार असल्याचे पाकिस्तानमधील मंत्र्याने म्हटले आहे.

पंतप्रधान नवाझ शरीफ यांचे नातेवाईक असलेले मंत्री अबिद शेर अली यांनी ही टीका केली आहे. त्यांनी म्हटले की, संघातील काही जणांनी एकत्र येऊन कर्णधार आफ्रिदीविरुद्ध कारस्थान केले. हे न्यूझीलंडविरुद्धच्या सामन्यातून दिसत आहे. काही जण निर्लज्जपणे घाणेरडे राजकारण करत आहेत. यात सामील असणाऱ्यांना घरचा रस्ता दाखविला पाहिजे. त्यांच्यावर आजन्म बंदी घालायला हवी. दरम्यान, आशिया कपमधील सुमार कामगिरीमागची कारणे शोधणासाठी पीसीबीने नेमलेल्या फॅक्ट-फाइन्डिंग कमिटीकडे आता वर्ल्ड कपमध्ये सहभागी झालेल्या

पाकिस्तान संघात गटबाजी सुरू आहे का, याबाबत चौकशी करण्याचेही काम सोपविण्यात आले आहे. ही कमिटी संघांतील संघातील सर्व खेळाडूंसह प्रशिक्षक, व्यवस्थापक आणि सपोर्ट स्टाफशीही बोलणार आहे.