मेलबर्न: मेलबर्नवर सुरू असलेला ऑस्ट्रेलियाविरुद्धचा तिसरा एकदिवसीय सामना आज भारताचा फिरकीपटू युजवेंद्र चहल यानं गाजवला. चहलनं या सामन्यात अवघ्या ४२ धावांत सहा बळी टिपले. त्याच्या भेदक गोलंदाजीमुळं ५० षटकांत ऑस्ट्रेलियाला अवघ्या २३० धावापर्यंत मजल मारता आली. आजच्या कामगिरीमुळं चहल हा ऑस्ट्रेलियाच्या भूमीवर एकाच सामन्यात सहा गडी बाद करणारा पहिला फिरकी गोलंदाज ठरला आहे.
ऑस्ट्रेलियाविरुद्धच्या एकदिवसीय मालिकेतील चहलचा हा पहिलाच सामना होता. या आधीच्या दोन्ही सामन्यात त्याला संधी मिळाली नव्हती. मात्र, आजच्या संधीचं त्यानं सोनं केलं. पहिल्याच षटकात दोन गडी तंबूत धाडून त्यानं कांगारूंना धक्का दिला. ऑस्ट्रेलियाचा भरवशाचा फलंदाज शॉन मार्श चहलच्या गोलंदाजीवर यष्टीचीत झाला तर, उस्मान ख्वाजा याचा स्वत:च्या गोलंदाजीवर झेल टिपून त्याला माघारी धाडले. एकामागोमाग एक बसलेल्या या धक्क्यातून ऑस्ट्रेलियाचा संघ सावरू शकला नाही. मार्श आणि ख्वाजानंतर चहलनं स्टॉइनिस (१०), रिचर्डसन (१६), हेंड्सकॉम्ब (५८) आणि जम्पा (८) यांना थोड्या-थोड्या अंतरानं माघारी धाडलं. मोहम्मद शामी आणि भुवनेश्वर कुमार यांनी प्रत्येकी दोन गडी बाद करून चहलला उत्तम साथ दिली.
भारत-ऑस्ट्रेलिया एकदिवसीय मालिकेतील हा शेवटचा व निर्णायक सामना आहे. याआधी दोन्ही संघांनी प्रत्येकी एक-एक सामना जिंकला आहे. मालिका विजयासाठी दोन्ही संघाला आजचा सामना जिंकावा लागणार आहे.
ऑस्ट्रेलियाविरुद्धच्या एकदिवसीय मालिकेतील चहलचा हा पहिलाच सामना होता. या आधीच्या दोन्ही सामन्यात त्याला संधी मिळाली नव्हती. मात्र, आजच्या संधीचं त्यानं सोनं केलं. पहिल्याच षटकात दोन गडी तंबूत धाडून त्यानं कांगारूंना धक्का दिला. ऑस्ट्रेलियाचा भरवशाचा फलंदाज शॉन मार्श चहलच्या गोलंदाजीवर यष्टीचीत झाला तर, उस्मान ख्वाजा याचा स्वत:च्या गोलंदाजीवर झेल टिपून त्याला माघारी धाडले. एकामागोमाग एक बसलेल्या या धक्क्यातून ऑस्ट्रेलियाचा संघ सावरू शकला नाही. मार्श आणि ख्वाजानंतर चहलनं स्टॉइनिस (१०), रिचर्डसन (१६), हेंड्सकॉम्ब (५८) आणि जम्पा (८) यांना थोड्या-थोड्या अंतरानं माघारी धाडलं. मोहम्मद शामी आणि भुवनेश्वर कुमार यांनी प्रत्येकी दोन गडी बाद करून चहलला उत्तम साथ दिली.
भारत-ऑस्ट्रेलिया एकदिवसीय मालिकेतील हा शेवटचा व निर्णायक सामना आहे. याआधी दोन्ही संघांनी प्रत्येकी एक-एक सामना जिंकला आहे. मालिका विजयासाठी दोन्ही संघाला आजचा सामना जिंकावा लागणार आहे.