मुंबईः भारतीय फुटबॉल संघाचा कर्णधार सुनील छेत्रीसाठी सोमवार खऱ्या अर्थाने संस्मरणीय ठरला. अंधेरीतील मुंबई फुटबॉल अरिना येथे पार पडलेल्या इंटरकाँटिनेंटल फुटबॉल स्पर्धेत भारताने त्याच्या दोन गोलमुळे केनयावर ३-० अशी मात केली. हा त्याचा भारतासाठी शतकी सामना होता.
६८ आणि ज्यादावेळेत गोल करणाऱ्या छेत्रीने आदल्यादिवशी सोशल मीडियावरून फुटबॉलप्रेमींना मोठ्या संख्येने सामना बघण्यास येण्याचे आवाहन केले होते. याला दाद देत प्रेक्षकांनी सामन्याला 'हाऊसफूल' गर्दी केली होती. भारताकडून तिसरा गोल केला तो लापेखलॉने.
