मॉस्को :
लिओनेल मेसी आणि ख्रिस्तियानो रोनाल्डो बाद फेरीच्या लढाईसाठी सज्ज झाले आहेत. बाद फेरीतील पहिली लढत अर्जेंटिना विरुद्ध फ्रान्स तर दुसरी लढत पोर्तुगाल विरुद्ध उरुग्वे यांच्यात आज होत असून या सामन्यांचे निकाल अर्जेंटिना आणि पोर्तुगाल यांच्याबाजूने लागल्यास फिफा वर्ल्डकपच्या मैदानात मेसी विरुद्ध रोनाल्डो अशी 'हायटेन्शन' टक्कर अनुभवण्याचा योग फुटबॉलप्रेमींना चालून येणार आहे.
बाद फेरीतील पहिला सामना आज सायंकाळी ७.३० वाजता कझान अरेनामध्ये सुरु होत आहे. बाद फेरीत मेसीच्या जादुई खेळामुळे प्रवेश मिळवू शकलेल्या अर्जेंटिनापुढे फ्रान्सचे आव्हान असणार आहे. हे आव्हान मेसी आणि त्याचा संघ पार करणार का, याचा फैसला या लढतीच्या निर्णयाबरोबरच होणार आहे. या लढतीत फ्रान्सचा स्टार खेळाडू अँटोइन ग्रीझमनवरही सर्वांच्या नजरा असणार आहेत.
दुसरी लढत रात्री ११.३० वाजता सोचीतील फिश्ट स्टेडियमवर पोर्तुगाल विरुद्ध उरुग्वे यांच्यात होत असून अनेक अर्थांनी ही लढतही तुल्यबळ असणार आहे. लुईस सुआरेझ आणि एडिन्सन कवानी अशा स्टार खेळाडूंचा भरणा असलेला उरुग्वे संघ साखळीत सगळ्या आघाड्यांवर इतर संघांपेक्षा सरस ठरला आहे. त्यामुळे रोनाल्डोच्या कामगिरीवर बराचसा विसंबून असलेला पोर्तुगाल संघ उरुग्वेचा 'डीफेन्स' भेदू शकेल का, हे पाहणे औत्सुक्याचे ठरणार आहे. एकूणच मेसी आणि रोनाल्डोचा संघ बाद फेरीतील पहिली परीक्षा पार करून वर्ल्डकप जिंकण्याच्या दिशेने कूच करणार की हे दोन्ही स्टार्स आणि त्यांच्या संघांचे वर्ल्डकपमधील आव्हान आजच संपुष्टात येणार, याचा फैसला आजच्या लढती करणार आहेत.
लिओनेल मेसी आणि ख्रिस्तियानो रोनाल्डो बाद फेरीच्या लढाईसाठी सज्ज झाले आहेत. बाद फेरीतील पहिली लढत अर्जेंटिना विरुद्ध फ्रान्स तर दुसरी लढत पोर्तुगाल विरुद्ध उरुग्वे यांच्यात आज होत असून या सामन्यांचे निकाल अर्जेंटिना आणि पोर्तुगाल यांच्याबाजूने लागल्यास फिफा वर्ल्डकपच्या मैदानात मेसी विरुद्ध रोनाल्डो अशी 'हायटेन्शन' टक्कर अनुभवण्याचा योग फुटबॉलप्रेमींना चालून येणार आहे.
बाद फेरीतील पहिला सामना आज सायंकाळी ७.३० वाजता कझान अरेनामध्ये सुरु होत आहे. बाद फेरीत मेसीच्या जादुई खेळामुळे प्रवेश मिळवू शकलेल्या अर्जेंटिनापुढे फ्रान्सचे आव्हान असणार आहे. हे आव्हान मेसी आणि त्याचा संघ पार करणार का, याचा फैसला या लढतीच्या निर्णयाबरोबरच होणार आहे. या लढतीत फ्रान्सचा स्टार खेळाडू अँटोइन ग्रीझमनवरही सर्वांच्या नजरा असणार आहेत.
दुसरी लढत रात्री ११.३० वाजता सोचीतील फिश्ट स्टेडियमवर पोर्तुगाल विरुद्ध उरुग्वे यांच्यात होत असून अनेक अर्थांनी ही लढतही तुल्यबळ असणार आहे. लुईस सुआरेझ आणि एडिन्सन कवानी अशा स्टार खेळाडूंचा भरणा असलेला उरुग्वे संघ साखळीत सगळ्या आघाड्यांवर इतर संघांपेक्षा सरस ठरला आहे. त्यामुळे रोनाल्डोच्या कामगिरीवर बराचसा विसंबून असलेला पोर्तुगाल संघ उरुग्वेचा 'डीफेन्स' भेदू शकेल का, हे पाहणे औत्सुक्याचे ठरणार आहे. एकूणच मेसी आणि रोनाल्डोचा संघ बाद फेरीतील पहिली परीक्षा पार करून वर्ल्डकप जिंकण्याच्या दिशेने कूच करणार की हे दोन्ही स्टार्स आणि त्यांच्या संघांचे वर्ल्डकपमधील आव्हान आजच संपुष्टात येणार, याचा फैसला आजच्या लढती करणार आहेत.