फिफा विश्वचषकादरम्यान मोठी दु:खद बातमी, सराव करत असताना २२ वर्षीय फुटबॉलपटूचे निधन

मुंबई: कतारमध्ये सुरु असलेल्या फिफा विश्वचषकाची सर्वत्र रंगत आहे. पण या विश्वचषकादरम्यान एक धक्कादायक बातमी आता समोर आली आहे. या बातमीने सर्वच स्तरावरून हळहळ व्यक्त केली जात आहे.अर्जेंटिनाच्या फर्स्ट डिव्हिजन क्लब ॲ टलेटिको टुकुमनचा मिडफिल्डर आंद्रेस बालांटा यांचे निधन झाले आहे. या फुटबॉल पटूचे वय फक्त २२ वर्ष होते.

बहुतेक खेळाडू वयाच्या २२ व्या वर्षी त्यांच्या कारकिर्दीला सुरुवात करतात, परंतु आंद्रेस बालांटासोबत ही दुःखद घटना घडली आणि त्याने जगाचा निरोप घेतला. आंद्रेस बालांटा अर्जेंटिनाच्या फर्स्ट डिव्हिजन क्लब ऍटलेटिको टुकुमनकडून खेळत होता.

वाचा: सामना जिंकूनही वर्ल्ड चॅम्पियन जर्मनी स्पर्धेबाहेर, फिफा विश्वचषकात मोठा उलटफेर

ॲटलेटिको टुकुमन क्लबसाठी प्रशिक्षण घेत असताना मंगळवारी (२९ नोव्हेंबर) आंद्रेस बालांटाला अपघात झाला. आंद्रेस प्रशिक्षणादरम्यान खाली पडला होता. यामध्ये त्याला गंभीर दुखापत झाली.त्याला तातडीने रुग्णालयात दाखल करण्यात आले. जिथे त्याने अखेरचा श्वास घेतला. रुग्णालयातील डॉक्टरांनी आंद्रेस बालांटाचे प्राण वाचवण्याचा प्रयत्न केला, मात्र त्यांना यश आले नाही. रुग्णालयात पोहोचताच डॉक्टरांनी आंद्रेस बालांटावर तातडीने उपचार केले. पण जीव वाचवू शकले नाही. क्लबच्या वैद्यकीय कर्मचार्‍यांनी आंद्रेस बालांटाला रुग्णालयात नेण्यापूर्वी त्याचे प्राण वाचवण्याचा प्रयत्न केला.

हेही वाचा: फिफा विश्वचषकात यजमान कतारने हे काय केले, नावावर झाला लाजीरवाणा विक्रम

अंडर-२० विश्वचषक २०१९ मध्ये खेळला

ॲ टलेटिको टुकुमन क्लबने नुकतीच सुट्टी साजरी केली होती, असे मीडिया रिपोर्ट्समध्ये म्हटले आहे. या विश्रांतीनंतर संघाचे हे पहिले सराव सत्र होते. या घटनेनंतर ॲ टलेटिको क्लबचे अधिकारी इग्नासियो गोलोबिस्की म्हणाले, 'आम्ही आंद्रेस बालांटाच्या निधनाबद्दल अत्यंत दुःखात आहोत. क्लबचे सर्व चाहते खूप निराश झाले आहेत आणि त्यांना धक्का बसला आहे. अर्थातच, आम्ही त्याचे कुटुंबीय, सहकारी आणि मित्रमंडळींसोबत आहोत.'

वाचा: रमीझ राजा म्हणाले, 'कोणी माई का लाल शॉट मारू शकत नाही..'; विराटने सिक्स मारत पाकची इज्जतच काढली

आंद्रेस बालांटा जुलै २०२१ मध्ये ॲ टलेटिको क्लबमध्ये सामील झाला. यापूर्वी तो कोलंबियन क्लब डेपोर्टिवो कालीशी संबंधित होता. आंद्रेस बालांटाने २०१९ मध्ये या कोलंबियन क्लबमधून आपल्या कारकिर्दीला सुरुवात केली. तो कोलंबिया संघासाठी इंडोनेशियामध्ये अंडर-२० विश्वचषक २०१९ देखील खेळला होता.