आईला जन्म द्यायचा नव्हता, वडील मद्यपी होते; आज रोनाल्डो जगातील श्रीमंत फुटबॉलपटूंपैकी एक

मुंबई: ख्रिस्तियानो रोनाल्डो हे फुटबॉल जगतातील मोठे नाव आहे. करोडो फुटबॉल चाहत्यांचा मनात आपलं स्थान निर्माण केलेला ख्रिस्तियानो रोनाल्डो आज म्हणजेच ५ फेब्रुवारी रोजी आपला ३८ वा वाढदिवस साजरा करत आहे. रोनाल्डोचे संपूर्ण आयुष्य हे किती ही अडचणी किती हि वाद विवाद मध्ये आले तरी त्याला फुटबॉलपासून आणि फुटबॉलला त्याच्यापासून कोणीही वेगळे करू शकले नाही. रोनाल्डोची जीवनकहाणी तशी ऍक्शन, ड्रामा आणि भाविनकतेने भरलेली आहे. रोनाल्डोला जन्म न देण्याचा त्याच्या पालकांचा निर्णय होता पण डॉक्टरांनी थांबवल्याने त्यामुळे तो या जगात आला, चार भावंडे आणि मद्यपी वडिलांसोबत त्याने एका खोलीत आयुष्य घालवले. अशी पार्श्वभूमी असतानाही आज एक यशस्वी खेळाडू म्हणून नावारूपाला येणं रोनाल्डोसाठी अजिबातच सोपं नव्हतं. पण त्याने ते करून दाखवलं.

रोनाल्डोचे वडील एक माळी होते, आई इतरांच्या घरी जाऊन स्वयंपाक करत असे. चार भावंडांपैकी सर्वात लहान असलेला रोनाल्डो आणि त्याचे कुटुंब टिनचे छत असलेल्या घरात राहत होते. रोनाल्डो जेव्हा गर्भात होता तेव्हा त्याच्या आईला गरिबीमुळे आणखी मुले नको होती. पण डॉक्टरांनी गर्भपात करण्यास नकार दिला आणि त्यानंतर रोनाल्डो या जगात आला. रोनाल्डोचा जन्म एका गरीब कुटुंबातीलच. जेव्हा तो अकॅडेमीमध्ये ट्रेनिंग घेत असे तेव्हा आपल्याला खाण्यासाठी साधा बर्गर घेईल इतके पैसेही नसतं.

वाचा: 'शिखर धवनबद्दल कुठेही बदनामीकारक वक्तव्य करू नये...' क्रिकेटपटूच्या पत्नीला कोर्टाचे आदेश

रोनाल्डोने स्वतः एका मुलाखतीत सांगितले होते की, तो रोज रात्री मॅकडोनाल्डमध्ये जायचा, तिथे काम करणाऱ्या मुली त्याला दिवसभराचे उरलेले बर्गर खायला देत असत. रोनाल्डो खूप वेगाने धावत असे त्यामुळे त्याने फुटबॉल खेळायला सुरुवात केली. रोनाल्डोला अभ्यासापेक्षा फुटबॉल खेळण्यात जास्त रस होता. वयाच्या अवघ्या आठव्या वर्षी त्याने स्थानिक संघासाठी फुटबॉल खेळायला सुरुवात केली. त्याच्या उत्कृष्ट कामगिरीमुळे त्याची जागतिक अंडर-17 संघात निवड झाली.

रोनाल्डोला पाच मुले आहेत, मात्र त्याने अद्याप कोणाशीही लग्न केलेले नाही. रोनाल्डोला तीन मैत्रिणींपासून चार मुलं आहेत. त्याची सध्याची गर्लफ्रेंड स्पॅनिश मॉडेल जॉर्जियाना रॉड्रिग्ज आहे. तिला एक मुलगीही झाली आहे. रोनाल्डोही रशियन मॉडेल इरिनासोबत सुमारे ४ वर्ष रिलेशनशिपमध्ये होता. पहिल्या मुलाचा जन्म झाला तेव्हा रोनाल्डो २५ वर्षांचा होता. मात्र, या मुलाच्या आईचे नाव त्यांने कधीच सार्वजनिक केले नाही. याशिवाय रोनाल्डोला जुळी मुलगी आणि मुलगाही आहे.

हेही वाचा: भारतीय क्रिकेटपटूच्या विरोधात पत्नीची तक्रार, दारूच्या नशेत कुकिंग पॅनने मारहाण

रोनाल्डोवरही बलात्काराचा आरोप होता. गेल्या वर्षी एका अमेरिकन मॉडेलने म्हटले की, रोनाल्डोने १३ वर्षांपूर्वी तिच्यावर बलात्कार केला होता. पण आरोप मात्र सिद्ध न झाल्याने रोनाल्डोला शिक्षा झाली नाही.

मागून एकवेळेचं अन्न मिळवणारा रोनाल्डो आज जगातील सर्वात श्रीमंत खेळाडूंपैकी एक आहे. तो अलीकडेच अल नसरशी जोडला गेला आहे जिथे त्याला दरवर्षी १७ अब्ज रुपये मिळतात. तो आंतरराष्ट्रीय फुटबॉलमध्ये सर्वाधिक गोल करणारा खेळाडू आहे, तर व्यावसायिक फुटबॉलमध्येही त्याच्या नावावर अनेक विक्रम आहेत.