FIFA Awards 2021 : 'हा' दिग्गज खेळाडू बनला सर्वोत्कृष्ट फुटबॉलपटू; मेस्सीला टाकले मागे

झुरिच : पोलंडचा दिग्गज खेळाडू आणि जर्मनीच्या बायर्न म्युनिक या फुटबॉल क्लबकडून खेळणारा फॉरवर्ड रॉबर्ट लेवांडोवस्कीने अर्जेंटिनाचा दिग्गज फुटबॉलपटू लिओनेल मेस्सी आणि इजिप्तचा मोहम्मद सालाह यांना मागे टाकत पुन्हा एकदा जगातील सर्वोत्तम पुरुष फुटबॉलपटूचा पुरस्कार पटकावला आहे. गेल्या महिन्यात मेस्सीने बाजी मारून बॅलोन डी'ओर पुरस्कार जिंकला होता. फिफा (FIFA) च्या सर्वोत्कृष्ट फुटबॉलपटूच्या शर्यतीत अर्जेंटिनाला २०२१ कोपा अमेरिकाचे विजेतेपद जिंकून देणाऱ्या मेस्सीने दुसरे आणि लिव्हरपूलच्या सालाहने तिसरे स्थान पटकावले.

वाचा- राजीनाम्यानंतर BCCIची मोठी ऑफर विराटने नाकारली; म्हणाला, काही फरक पडत नाही

२०० हून अधिक देशांतील राष्ट्रीय संघाचे कर्णधार आणि प्रशिक्षकांसह निवडक माध्यमांनी लेवांडोवस्कीला पहिली पसंती दिली. पोलंडच्या कर्णधारापेक्षा मेस्सीला जगभरातील चाहत्यांकडून दुप्पट मते मिळाली. "हा पुरस्कार जिंकल्याचा मला अभिमान वाटतो," अशी भावना लेवांडोवस्कीने व्यक्त केली.

वाचा- भारताला सापडला 'मिस्ट्री स्पिनर'; चेंडू असा काही वळवला की ICC देखील हैराण झाले


मेस्सी दुसऱ्या स्थानी
तिन्ही उमेदवारांनी आपापल्या संघाचे कर्णधार म्हणून मतदान केले. लेवांडोवस्कीने मेस्सीला दुसरे स्थान दिले, तर सालाहने दोघांनाही पहिल्या तीनमध्ये स्थान दिले. मेस्सीने पहिल्या तीनमध्ये सध्या पॅरिस सेंट-जर्मेनमध्ये त्याच्यासोबत खेळणाऱ्या नेमार आणि कायलान एम्बाप्पेला स्थान दिले आहे.

वाचा- मद्यधुंद अवस्थत पोलिसांनी क्रिकेटपटूंना हॉटेलबाहेर काढले; कारवाईचा व्हिडिओ व्हायरल


महिला गटात पुतालेस ठरली विजेती

महिला गटात बॅलोन डी'ओर विजेती अॅलेक्सिया पुतालेस हिची या पुरस्कारासाठी निवड करण्यात आली. पहिली महिला चॅम्पियन्स लीग जिंकणारी ती बार्सिलोनाची कर्णधार होती. चेल्सीच्या सॅम केरने दुसरे, तर बार्सिलोनाच्या जेनिफर हर्मोसोने तिसरे स्थान पटकावले. कोचिंगचे दोन्ही पुरस्कार चेल्सीला गेले. थॉमस टचेलला सर्वोत्कृष्ट पुरुष प्रशिक्षक आणि एम्मा हायेसला सर्वोत्कृष्ट महिला प्रशिक्षक म्हणून निवडण्यात आले. टचेलने मँचेस्टर सिटीच्या पेप गार्डिओला मागे टाकले.

वाचा- लवकरच गांगुली-शहा जोडीची BCCIमधून सुट्टी होणार; जाणून घ्या काय झाले


रोनाल्डोला विशेष पुरस्कार
सालाहला फिफा वर्ल्ड इलेव्हनमध्ये स्थान मिळाले नाही, कारण मेस्सी, लेवांडोवस्की, एर्लिंग ओलांद आणि क्रिस्तियानो रोनाल्डो यांची फॉरवर्डसाठी निवड करण्यात आली होती. रोनाल्डो देखील समारंभाचा प्रमुख पाहुणा म्हणून स्वतः उपस्थित होता आणि पुरुषांच्या राष्ट्रीय फुटबॉल संघासाठी सर्वाधिक गोल करण्याचा सर्वकालीन विक्रम मोडल्याबद्दल त्याला विशेष पुरस्कार देण्यात आला.