वृत्तसंस्था, सरनस्क
एखाद्या संघाचे पाठिराखे आपल्या संघासाठी काय करू शकतात, याचे जीवंत उदाहरण सध्या रशियात सुरू असलेल्या फुटबॉल वर्ल्डकपमध्ये बघायला मिळते आहे. इराणचा पुढील सामना ख्रिस्तियानो रोनाल्डोच्या पोर्तुगालविरुद्ध आहे. ही लढत जिंकली तरच इराणला स्पर्धेच्या पुढील फेरीत आगेकूच करता येईल. यामुळे शंभरच्या आसपास इराणचे पाठिराखे रोज रात्री पोर्तुगाल संघाचा मुक्काम असलेल्या हॉटेलबाहेर जाऊन आरडा-ओरडा करत आहेत. जेणेकरून रोनाल्डो आणि कंपनीची झोप मोड होईल अन् ज्याचा परिणाम त्यांच्या खेळावर जाणवेल.
हा सगळा माहोल पोर्तुगीज टीव्हीने कॅमेऱ्यात टिपला आहे. एका दृष्यात तर रोनाल्डो हॉटेलच्या खिडकीत येऊन इराणच्या पाठिराख्यांना आवाज बंद करण्यास सांगत असल्याचे दिसते आहे. हे फक्त रात्रीच होत नाही, तर दिवसाही हे इराणी चाहते हॉटेलबाहेर मोठ्या आवाजात कल्ला करताना दिसतात. यासाठी इराणी पाठिराख्यांनी शक्कलही लढवली आहे. सरनस्क सिटी सेंटर येथे असलेल्या हॉटेलमध्ये पोर्तुगाल संघ मुक्कामाला आहे. तिथे दिवसाच्यावेळीदेखील हे इराणी पाठिराखे मोठ्या आवाजात संगीत वाजवतात, बेसूर गाणी गाताना दिसतात.
एकीकडे 'बी ग्रुप'च्या पुढील लढतीत इराणला विजय आवश्यक आहे, तर पोर्तुगालला पुढील फेरीत प्रवेश करण्यासाठी बरोबरीदेखील चालणार आहे. मात्र गटातील अंतिम लढत जिंकून गटविजेते होण्याचा पोर्तुगालचा मानस आहे. जेणे करून स्पेन संघ दुसऱ्या क्रमांकावर घसरेल.
पोलिस म्हणतात...
सरनस्क पोलिसांनी दिलेल्या माहितीनुसार, 'रविवारी रात्री ११ वाजता इराणचे पाठिराखे हॉटेलबाहेर गोंधळ घालत असल्याबाबत पहिला फोन आला. त्यावेळी इराणचे पाठिराखे मोठ्या आवाजात गाणी गात होते. यामुळे रोनाल्डोलाही त्या पाठिराख्यांना शांत राहण्याची विनंती करावी लागली होती. हे पाठिराखे शांतही झाले; पण पाठिराख्यांचा दुसरा गट काही वेळाने आला अन् त्यांनीही गोंगाटाला सुरुवात केली. पोलिसांनी हॉटेलकडे जाणारा एक रस्ता बंदही केला; पण मुख्य रस्ता सुरू असल्याने इराणी पाठिराखे तिथून हॉटेल परिसरात गेले. त्यावेळी चाहत्यांची संख्या शंभरपेक्षा कमी होती'.
मोबाइल मॅसेजचा उपयोग
रशियात आलेल्या आणि इथेच स्थायीक असलेल्या इराणी पाठिराख्यांना मोबाईल मॅसेजद्वारे एकत्र केले जात असल्याची माहिती इराणचा पाठिराखा मेहदी फायेझने दिली. 'आपल्याला पोर्तुगालला त्रास द्यायचा आहे, असा मॅसेज माझ्या मोबाईलवर आला. त्यानुसार हॉटेलच्या खाली जमायचे ठरले. खरे सांगू का? मी रोनाल्डोचा भक्त आणि पोर्तुगाल फुटबॉल संघाचा चाहता आहे; पण इराणसाठी पोर्तुगालविरुद्धचा सामना अत्यंत महत्त्वाचा आहे. तेव्हा आम्हा सगळ्या इराणींना एकत्र येऊन असे पाऊल उचलावे लागचे आहे'.
महिलांचा विरोध
माँत्रेह फायॉन्ड ही इराणी महिलादेखील इतर इराणी महिलांप्रमाणे प्रथमच फुटबॉल वर्ल्डकप बघण्यासाठी रशियात आली आहे. तिला मात्र हा प्रकार पटला नाही. 'मी रविवारी रात्री डिनर करून परतत होते, तर इराणींचा जथ्था मला आराडाओरडा करताना दिसला. त्यानंतर मला त्या गोंगाटाचे कारण कळले. हा सगळा प्रकार न पटल्याने मी तिथून काढता पाय घेतला', असे माँत्रेह म्हणाली.
शिरस्ता मोडला?
प्रत्येक झुंजीच्या आदल्यादिवशी हॉटेल आणि आजूबाजूच्या परिसरात एकत्र फेरफटका मारायचा शिरस्ता पोर्तुगाल संघाने पहिल्या दोन गटलढतींदरम्यान पाळला होता; पण इराणविरुद्धच्या लढतीआधी त्यांना हा शिरस्ता मोडावा लागणार असे दिसते आहे; कारण इराणी चाहते त्यांना तिथेही गाठून त्रास देण्याची संधी सोडणार नाहीत.
एखाद्या संघाचे पाठिराखे आपल्या संघासाठी काय करू शकतात, याचे जीवंत उदाहरण सध्या रशियात सुरू असलेल्या फुटबॉल वर्ल्डकपमध्ये बघायला मिळते आहे. इराणचा पुढील सामना ख्रिस्तियानो रोनाल्डोच्या पोर्तुगालविरुद्ध आहे. ही लढत जिंकली तरच इराणला स्पर्धेच्या पुढील फेरीत आगेकूच करता येईल. यामुळे शंभरच्या आसपास इराणचे पाठिराखे रोज रात्री पोर्तुगाल संघाचा मुक्काम असलेल्या हॉटेलबाहेर जाऊन आरडा-ओरडा करत आहेत. जेणेकरून रोनाल्डो आणि कंपनीची झोप मोड होईल अन् ज्याचा परिणाम त्यांच्या खेळावर जाणवेल.
हा सगळा माहोल पोर्तुगीज टीव्हीने कॅमेऱ्यात टिपला आहे. एका दृष्यात तर रोनाल्डो हॉटेलच्या खिडकीत येऊन इराणच्या पाठिराख्यांना आवाज बंद करण्यास सांगत असल्याचे दिसते आहे. हे फक्त रात्रीच होत नाही, तर दिवसाही हे इराणी चाहते हॉटेलबाहेर मोठ्या आवाजात कल्ला करताना दिसतात. यासाठी इराणी पाठिराख्यांनी शक्कलही लढवली आहे. सरनस्क सिटी सेंटर येथे असलेल्या हॉटेलमध्ये पोर्तुगाल संघ मुक्कामाला आहे. तिथे दिवसाच्यावेळीदेखील हे इराणी पाठिराखे मोठ्या आवाजात संगीत वाजवतात, बेसूर गाणी गाताना दिसतात.
एकीकडे 'बी ग्रुप'च्या पुढील लढतीत इराणला विजय आवश्यक आहे, तर पोर्तुगालला पुढील फेरीत प्रवेश करण्यासाठी बरोबरीदेखील चालणार आहे. मात्र गटातील अंतिम लढत जिंकून गटविजेते होण्याचा पोर्तुगालचा मानस आहे. जेणे करून स्पेन संघ दुसऱ्या क्रमांकावर घसरेल.
पोलिस म्हणतात...
सरनस्क पोलिसांनी दिलेल्या माहितीनुसार, 'रविवारी रात्री ११ वाजता इराणचे पाठिराखे हॉटेलबाहेर गोंधळ घालत असल्याबाबत पहिला फोन आला. त्यावेळी इराणचे पाठिराखे मोठ्या आवाजात गाणी गात होते. यामुळे रोनाल्डोलाही त्या पाठिराख्यांना शांत राहण्याची विनंती करावी लागली होती. हे पाठिराखे शांतही झाले; पण पाठिराख्यांचा दुसरा गट काही वेळाने आला अन् त्यांनीही गोंगाटाला सुरुवात केली. पोलिसांनी हॉटेलकडे जाणारा एक रस्ता बंदही केला; पण मुख्य रस्ता सुरू असल्याने इराणी पाठिराखे तिथून हॉटेल परिसरात गेले. त्यावेळी चाहत्यांची संख्या शंभरपेक्षा कमी होती'.
मोबाइल मॅसेजचा उपयोग
रशियात आलेल्या आणि इथेच स्थायीक असलेल्या इराणी पाठिराख्यांना मोबाईल मॅसेजद्वारे एकत्र केले जात असल्याची माहिती इराणचा पाठिराखा मेहदी फायेझने दिली. 'आपल्याला पोर्तुगालला त्रास द्यायचा आहे, असा मॅसेज माझ्या मोबाईलवर आला. त्यानुसार हॉटेलच्या खाली जमायचे ठरले. खरे सांगू का? मी रोनाल्डोचा भक्त आणि पोर्तुगाल फुटबॉल संघाचा चाहता आहे; पण इराणसाठी पोर्तुगालविरुद्धचा सामना अत्यंत महत्त्वाचा आहे. तेव्हा आम्हा सगळ्या इराणींना एकत्र येऊन असे पाऊल उचलावे लागचे आहे'.
महिलांचा विरोध
माँत्रेह फायॉन्ड ही इराणी महिलादेखील इतर इराणी महिलांप्रमाणे प्रथमच फुटबॉल वर्ल्डकप बघण्यासाठी रशियात आली आहे. तिला मात्र हा प्रकार पटला नाही. 'मी रविवारी रात्री डिनर करून परतत होते, तर इराणींचा जथ्था मला आराडाओरडा करताना दिसला. त्यानंतर मला त्या गोंगाटाचे कारण कळले. हा सगळा प्रकार न पटल्याने मी तिथून काढता पाय घेतला', असे माँत्रेह म्हणाली.
शिरस्ता मोडला?
प्रत्येक झुंजीच्या आदल्यादिवशी हॉटेल आणि आजूबाजूच्या परिसरात एकत्र फेरफटका मारायचा शिरस्ता पोर्तुगाल संघाने पहिल्या दोन गटलढतींदरम्यान पाळला होता; पण इराणविरुद्धच्या लढतीआधी त्यांना हा शिरस्ता मोडावा लागणार असे दिसते आहे; कारण इराणी चाहते त्यांना तिथेही गाठून त्रास देण्याची संधी सोडणार नाहीत.