तुला काय वाटते मी...; फोन चेक केल्यानंतर खेळाडूची गर्लफ्रेंड संतापली, बीचवरच झाला राडा

नवी दिल्ली: इंग्लंडचा युवा फुटबॉलपटू फिल फोडेन (phil foden) गेल्या काही दिवसांपासून चर्चेत आहे. २२ वर्षीय फोडेन मॅनचेस्टर सिटीकडून खेळतो. सध्या तो गर्लफ्रेंडसह सुट्ट्यांवर गेला आहे. पण यातच त्यांच्या दोघांत जोरदार भांडण झाले आणि त्याचा व्हिडिओ सोशल मीडियावर चर्चेत आला. दोघांच्यात नेमक काय झालं जाणून घ्या...

फिल फोडेन सध्या रेबेका कोकी (rebecca cooke ) सोबत रिलेशनशिपमध्ये आहे. फिल आणि रेबेका मोठ्या कालावधीपासून एकत्र असून त्यांना दोन मुल देखील आहेत. रेबेकाने फिलवर फसवणुकीचा आरोप केलाय. रिपोर्टनुसार शनिवारी या दोघांच्यात मोठा वाद झाला. फिल आणि रेबेका एका बीचवर फिरण्यासाठी गेले होते. फिल समुद्रात पोहोचण्यासाठी गेला असता गर्लफ्रेंड रेबेकाने त्याचा फोन चेक केला आणि त्यावरून तिला कळाले की, फिलने फसवणूक केलीय.

वाचा- तीन वर्षाच्या समायराने दिले रोहित शर्माचे हेल्थ अपडेट; पाहा व्हिडिओ

फिलच्या फोनमधून रेबेकाला नेमके काय वाचले हे समोर आले नाही. पण बीचवर दोघांच्यात वाद सुरू झाला. मी तुला मुर्ख वाटते का? असा प्रश्न रेबेकाने त्याला विचारला. दोघांच्या या भांडणाचा व्हिडिओ सोशल मीडियावर व्हायरल होत आहे. वाद इतका वाढला की आधी रेबेकाने बीच सोडले त्याच्या पाठोपाठ फिल देखील तिच्या मागे गेला. रेबेका लहान बाळाला घेऊन निघाली तिच्या सोबत सुरक्षा रक्षक देखील होते.

वाचा- भारताची ऐतिहासिक लढत; इंग्लंडचे हे कसोटीवीर हिसकावतील टीम इंडियाच्या विजयाची संधी


वाचा- टीम इंडियासमोर प्रश्नांचा डोंगर; रोहित नसल्यास कर्णधार कोण, गिल सोबत सलामीला कोण उतरणार?

फुटबॉलपटू फिल फोडेनवर अशा प्रकारे फसवणुकीचा आरोप होण्याची ही पहिली वेळ नाही. याआधी देखील त्याच्यावर अन्य महिलांसोबत संबंध असल्याचे समोर आले होते. फिल इंग्लंडचा स्टार युवा फुटबॉलपटू म्हणून समोर येत आहे. या वर्षाच्या अखेरीस होणाऱ्या कतार येथील फुटबॉल वर्ल्डकपमध्ये त्याला इंग्लंडच्या राष्ट्रीय संघात संधी मिळण्याची शक्यता आहे. वयाच्या १७व्या वर्षी मॅनचेस्टर सिटीकडून खेळण्यास सुरूवात केलेल्या फिलला २०२० मध्ये इंग्लंडकडून पदार्पणाची संधी मिळाली होती.