मैदानावर पुन्हा एकदा थरारक घटना; चाहत्यांच्या राड्यानंतर पोलिसांनी केला गोळीबार

नवी दिल्ली: इंडोनिशियात फुटबॉल सामन्यात झालेल्या चेंगराचेंगरीची घटना ताजी असताना आणखी एका सामन्यात फुटबॉल सामन्यात राडा झाल्याचे समोर आले आहे. यावेळी घटना झाली आहे ती अर्जेंटिना येथे, दोन संघाच्या चाहत्यांमध्ये झालेल्या हणामारीत एकाचा मृत्यू झाल्याचे वृत्त आहे.

अर्जेंटिना फुटबॉल स्टेडियममध्ये गुरुवारी रात्री जिम्नासिया आणि बोका ज्यूनिअर्स यांच्यात अर्जेंटिना लीग स्पर्धेत सामने सुरू होते. या सामन्याच्या दरम्यान दोन्ही संघांच्या चाहत्यांमध्ये जोरदार राडा झाला.

वाचा-WWE स्टार सारा लीचे निधन; वयाच्या ३०व्या वर्षी घेतला जगाचा निरोप, मृत्यूचे कारण...

चाहत्यांना रोखण्यासाठी पोलिसांना आधी लाठीचार्ज करावा लागला, पण जमाव ऐकत नसल्याने त्यांना गोळी आणि अश्रू गॅस सोडावे लागले. या कारवाईत एकाचा मृत्यू झालाय.

वाचा- फुटबॉल स्टार लिओनेल मेस्सीने केली निवृत्तीची घोषणा; या स्पर्धेत खेळणार अखेरची मॅच

पाच दिवसांपूर्वी इंडोनेशियामधील कंजुरुहान स्टेडियममध्ये एका फुटबॉल मॅच दरम्यान १७४ जणांचा मृत्यू झाला. तर १८० जण जखमी झाले. बीआरआय लीग -१ मध्ये दोन संघात सुरू असलेल्या सामन्यात मॅच झाल्यानंतर चाहत्यांमध्ये राडा झाला. दोन्ही संघाचे चाहते थेट मैदानात घुसले त्यानंतर पोलिसांना कारवाई करावी लागली.