म. टा. प्रतिनिधी, औरंगाबाद
जिल्हा क्रीडा कार्यालय व महापालिकेतर्फे आयोजित आंतरशालेय सुब्रतो करंडक फुटबॉल स्पर्धेत पोदार सीबीएसई स्कूल, युनिर्व्हसल हायस्कूल, स्कॉलर्स व्हॅली स्कूल, बुऱ्हाणी नॅशनल उर्दु हायस्कूल, मौलाना आझाद कॉलेज या संघांनी विजयी आगेकूच केली आहे.
आमखास मैदानावर ही स्पर्धा होत आहे. युनिर्व्हसल हायस्कूल संघाने टायब्रेकमध्ये पिरॅमिड स्कूल संघावर ४-३ असा विजय नोंदवला. पोदार सीआयई स्कूल संघाने सेंट झेव्हियर्स हायस्कूल संघाचा १-० ने पराभव केला. जुनेद शेखने एकमेव गोल केला. पोदार सीआयई स्कूल संघाने टायब्रेकमध्ये २-१ ने विजय साकारला. पोदार सीबीएसई स्कूल संघाने पोदार आयसीएसई स्कूल संघावर टायब्रेकमध्ये ४-० ने मात केली.
बुऱ्हाणी नॅशनल उर्दु हायस्कूल संघाने बीएफसीआय स्कूल संघाचा टायब्रेकमध्ये २-१ ने पराभव केला. मौलाना आझाद ज्युनिअर कॉलेज संघाने होलिक्रॉस इंग्लिश हायस्कूल संघावर ४-० ने विजय संपादन केला. उमर खान, झैद खान, शेख माहेद, रमीज यांनी एकेक गोल नोंदवले. मोईन उल उलुम हायस्कूल संघाने द जैन इंटरनॅशनल हायस्कूल संघाचा १-० ने पराभव केला. शेख फरहानने निर्णायक गोल नोंदवला. मोईन उल उलुम संघाने सेंट जॉन्स हायस्कूलवर २-० ने मात केली. रिझवान पठाणने दोन गोल केले. अल इरफान हायस्कूल संघाने माऊंट व्हॅली हायस्कूल संघाचा ७-० असा धुव्वा उडवला. अक्रम खान, शेख खालीदने दोन तर सय्यद अफान, अब्दुल मोईन यांनी एकेक गोल केले.