वृत्तसंस्था, लंडन
चलाख प्रतिस्पर्धी अमेरिकेला बरोबरीत रोखून भारताने महिला वर्ल्ड कप हॉकी स्पर्धेतील आव्हान जीवंत ठेवले आहे. आता प्ले-ऑफमध्ये भारताचा सामना होईल तो इटलीशी. आज (मंगळवार) रंगणाऱ्या या लढतीचे पारडे भारतीय संघाकडे झुकले आहे. कारण जागतिक क्रमवारीत भारतीय महिला संघ १०व्या, तर इटली संघ १७व्या क्रमांकावर आहे. भारताने ही लढत जिंकली, तर उपांत्यपूर्व फेरीत भारताला आयर्लंडविरुद्ध लढावे लागेल.
भारताला गटात आयर्लंडकडून पराभव पत्करावा लागला आहे. या पराभवाची परतफेड करण्यासाठी भारतीय महिला उत्सुक आहेत. गटातील इतर दोन सामन्यांत म्हणजेच इंग्लंड आणि अमेरिकेविरुद्ध भारताला बरोबरीत समाधान मानावे लागले. भारताचा मंगळवारचा प्रतिस्पर्धी इटलीने गटात चीनवर ३-०, तर कोरियाविरुद्ध १-० अशी मात केली; पण आव्हानात्मक नेदरलँडने इटलीचा १२-१ असा धुव्वा उडवला. या पराभवामुळे इटली संघ खचला आहे. अशा खांदे पाडलेल्या संघावर मात करणे राणी रामपालच्या भारतीय संघाला फार जड जाणार नाही. राणीच्या गोलमुळे भारताला अमेरिकेविरुद्ध बरोबरी साधता आली. ती म्हणाली, 'संघाचे सरस गुण हेरून त्यानुसार खेळ करायला हवा. इटलीविरुद्ध आम्हाला सकारात्मक दृष्टिकोनातून खेळायचे आहे. उपांत्यपूर्व फेरीतील प्रवेश निश्चित करायचा असेल, तर आम्हाला हा सामना जिंकावाच लागेल.'
जागतिक क्रमवारीत भारतीय महिला दहाव्या, तर अमेरिका सातव्या स्थानावर आहे. अमेरिकेविरुद्धची लढत भारतासाठी 'करा अथवा मरा' स्वरुपाची होती. या स्पर्धेत अमेरिकेला पहिल्याच लढतीत आयर्लंडकडून पराभवाचा धक्का बसला होता, तर अमेरिकेने इंग्लंडला बरोबरीत रोखले होते. त्यामुळे आव्हान राखण्यासाठी अमेरिकेलाही भारतावर विजय आवश्यक होता. लढतीच्या सातव्याच मिनिटाला भारताला पेनल्टी कॉर्नर मिळाला. पण, त्यावर भारताला संधी साधता आली नाही. यानंतर अकराव्या मिनिटाला मार्गक्स पाओलिनो हिने गोल करून अमेरिकेला आघाडी मिळवून दिली. पहिल्या सत्रातील अखेरच्या मिनिटाला भारताला दोन पेनल्टी कॉर्नर मिळाले. मात्र, हे पेनल्टी कॉर्नरही गुरजित कौरने वाया घालविले. दुसऱ्या सत्राच्या तिसऱ्याच मिनिटाला अमेरिकेला पेनल्टी कॉर्नर मिळाला. त्यावर भारताने उत्कृष्ट बचाव केला. याच्या पुढच्याच मिनिटाला भारताला पुन्हा पेनल्टी कॉर्नर मिळाला. यावर पुन्हा एकदा भारतीय महिलांकडून चूक झाली. यानंतर अमेरिकेने आक्रमक खेळ केला. त्याचा परिणाम म्हणजे त्यांना एकापाठोपाठ दोन पेनल्टी कॉर्नर मिळाले. यावर भारताची गोलकीपर सविताने उत्कृष्ट बचाव करून अमेरिकेचे आक्रमण परतवून लावले. तिसऱ्या सत्राच्या सुरुवातीलाच कॅप्टन राणी रामपालने (३१ मि.) पेनल्टी कॉर्नरवर गोल करून भारताला बरोबरी साधून दिली.
दृष्टिक्षेप...
- स्पर्धेत एकूण १६ संघ सहभागी झाले आहेत. चार गटातील अव्वल संघ थेट उपांत्यपूर्व फेरीत दाखल होईल.
- तर, गटात दुसऱ्या आणि तिसऱ्या स्थानावर राहणारा संघ प्ले-ऑफमध्ये खेळेल.
- नेदरलँड्स, ऑस्ट्रेलिया, जर्मनी, आयर्लंड यांनी उपांत्यपूर्व फेरीतील प्रवेश निश्चित केला आहे.
- अर्जेंटिना-न्यूझीलंड, कोरिया-इंग्लंड, इटली-भारत, बेल्जियम-स्पेन यांच्यात प्ले-ऑफच्या लढती होतील.
- प्ले-ऑफमधील विजेता संघ उपांत्यपूर्व फेरीत पोहोचेन.
ब गट गुणतक्ता
संघ सामने विजय पराभव ड्रॉ गुण
आयर्लंड ३ २ १ ० ६
इंग्लंड ३ १ ० २ ५
भारत ३ ० १ २ २
अमेरिका ३ ० १ २ २
चलाख प्रतिस्पर्धी अमेरिकेला बरोबरीत रोखून भारताने महिला वर्ल्ड कप हॉकी स्पर्धेतील आव्हान जीवंत ठेवले आहे. आता प्ले-ऑफमध्ये भारताचा सामना होईल तो इटलीशी. आज (मंगळवार) रंगणाऱ्या या लढतीचे पारडे भारतीय संघाकडे झुकले आहे. कारण जागतिक क्रमवारीत भारतीय महिला संघ १०व्या, तर इटली संघ १७व्या क्रमांकावर आहे. भारताने ही लढत जिंकली, तर उपांत्यपूर्व फेरीत भारताला आयर्लंडविरुद्ध लढावे लागेल.
भारताला गटात आयर्लंडकडून पराभव पत्करावा लागला आहे. या पराभवाची परतफेड करण्यासाठी भारतीय महिला उत्सुक आहेत. गटातील इतर दोन सामन्यांत म्हणजेच इंग्लंड आणि अमेरिकेविरुद्ध भारताला बरोबरीत समाधान मानावे लागले. भारताचा मंगळवारचा प्रतिस्पर्धी इटलीने गटात चीनवर ३-०, तर कोरियाविरुद्ध १-० अशी मात केली; पण आव्हानात्मक नेदरलँडने इटलीचा १२-१ असा धुव्वा उडवला. या पराभवामुळे इटली संघ खचला आहे. अशा खांदे पाडलेल्या संघावर मात करणे राणी रामपालच्या भारतीय संघाला फार जड जाणार नाही. राणीच्या गोलमुळे भारताला अमेरिकेविरुद्ध बरोबरी साधता आली. ती म्हणाली, 'संघाचे सरस गुण हेरून त्यानुसार खेळ करायला हवा. इटलीविरुद्ध आम्हाला सकारात्मक दृष्टिकोनातून खेळायचे आहे. उपांत्यपूर्व फेरीतील प्रवेश निश्चित करायचा असेल, तर आम्हाला हा सामना जिंकावाच लागेल.'
जागतिक क्रमवारीत भारतीय महिला दहाव्या, तर अमेरिका सातव्या स्थानावर आहे. अमेरिकेविरुद्धची लढत भारतासाठी 'करा अथवा मरा' स्वरुपाची होती. या स्पर्धेत अमेरिकेला पहिल्याच लढतीत आयर्लंडकडून पराभवाचा धक्का बसला होता, तर अमेरिकेने इंग्लंडला बरोबरीत रोखले होते. त्यामुळे आव्हान राखण्यासाठी अमेरिकेलाही भारतावर विजय आवश्यक होता. लढतीच्या सातव्याच मिनिटाला भारताला पेनल्टी कॉर्नर मिळाला. पण, त्यावर भारताला संधी साधता आली नाही. यानंतर अकराव्या मिनिटाला मार्गक्स पाओलिनो हिने गोल करून अमेरिकेला आघाडी मिळवून दिली. पहिल्या सत्रातील अखेरच्या मिनिटाला भारताला दोन पेनल्टी कॉर्नर मिळाले. मात्र, हे पेनल्टी कॉर्नरही गुरजित कौरने वाया घालविले. दुसऱ्या सत्राच्या तिसऱ्याच मिनिटाला अमेरिकेला पेनल्टी कॉर्नर मिळाला. त्यावर भारताने उत्कृष्ट बचाव केला. याच्या पुढच्याच मिनिटाला भारताला पुन्हा पेनल्टी कॉर्नर मिळाला. यावर पुन्हा एकदा भारतीय महिलांकडून चूक झाली. यानंतर अमेरिकेने आक्रमक खेळ केला. त्याचा परिणाम म्हणजे त्यांना एकापाठोपाठ दोन पेनल्टी कॉर्नर मिळाले. यावर भारताची गोलकीपर सविताने उत्कृष्ट बचाव करून अमेरिकेचे आक्रमण परतवून लावले. तिसऱ्या सत्राच्या सुरुवातीलाच कॅप्टन राणी रामपालने (३१ मि.) पेनल्टी कॉर्नरवर गोल करून भारताला बरोबरी साधून दिली.
दृष्टिक्षेप...
- स्पर्धेत एकूण १६ संघ सहभागी झाले आहेत. चार गटातील अव्वल संघ थेट उपांत्यपूर्व फेरीत दाखल होईल.
- तर, गटात दुसऱ्या आणि तिसऱ्या स्थानावर राहणारा संघ प्ले-ऑफमध्ये खेळेल.
- नेदरलँड्स, ऑस्ट्रेलिया, जर्मनी, आयर्लंड यांनी उपांत्यपूर्व फेरीतील प्रवेश निश्चित केला आहे.
- अर्जेंटिना-न्यूझीलंड, कोरिया-इंग्लंड, इटली-भारत, बेल्जियम-स्पेन यांच्यात प्ले-ऑफच्या लढती होतील.
- प्ले-ऑफमधील विजेता संघ उपांत्यपूर्व फेरीत पोहोचेन.
ब गट गुणतक्ता
संघ सामने विजय पराभव ड्रॉ गुण
आयर्लंड ३ २ १ ० ६
इंग्लंड ३ १ ० २ ५
भारत ३ ० १ २ २
अमेरिका ३ ० १ २ २