वृत्तसंस्था, कराची
नोव्हेंबर महिन्याच्या शेवटी भारतात होणाऱ्या विश्वकरंडक हॉकी स्पर्धेतील पाकिस्तान संघाच्य समावेशाबाबत संभ्रम निर्माण झाला आहे. पाकिस्तान हॉकी संघटनेची आर्थिक स्थिती चांगली नसल्याने पाकिस्तान क्रिकेट मंडळाकडे कर्जाची मागणी करण्यात आली होती. परंतु, पाक क्रिकेट मंडळाने कर्ज देण्यास स्पष्ट नककार दिला. परिणामी, हॉकीपटूंपुढे नवी समस्या निर्माण झाली आहे.
ओडिशातील भुवनेश्वर येथे २८ नोव्हेंबर ते १६ डिसेंबर या कालावधीत विश्वकरंडक स्पर्धा रंगणार आहे.
पाकिस्तानचे मुख्य प्रशिक्षक तारीक दर आणि व्यवस्थापक हसन सरदार यांनी पाकिस्तान क्रिकेट मंडळाचे अध्यक्ष एहसान मणी यांच्याशी संपर्क साधून कर्जाची मागणी केली होती. मात्र, मणी यांनी ती मागणी फेटाळून लावली. 'मणी यांनी आम्हाला गुरुवारी भेटण्याचे आश्वासन दिले होते. परंतु, काही तातडीच्या कामामुळे आमची भेट न घेता त्यांनी दूरध्वनीवरुनच चर्चा केली. पाकिस्तान हॉकी संघटनेने काही वर्षापूर्वीसुद्धा क्रिकेट मंडळाकडून कर्ज घेतले होते. ते कर्ज त्यांनी अद्यापही परत केलेले नाही. त्यामुळे आम्ही हॉकी संघटनेला आणखी कर्ज देऊ शकत नसल्याचे स्प्ष्टीकरण मणी यांनी दिले,' असे दर यांनी पत्रकारांशी बोलताना सांगितले. पाकिस्तान हॉकी संघटनेच्या आर्थिक स्थितीबाबत सरकार आणि काही प्रायोजकांशी चर्चा करण्याचे आश्वासनही मणी यांनी दर यांना दिले.
'आम्ही पंतप्रधान कार्यालयाकडे एक आठवड्यात विश्वकरंडकासाठी निधीची तरतूद करावी अशी मागणी केली आहे. हे पैसे मिळण्यास एक आठवड्यापेक्षा अधिक उशीर झाला तर पाकिस्तानचा संघ विश्वकरंडक स्पर्धेत सहभागी होऊ शकणार नाही,' असे पाकिस्तान हॉकी संघटनेचे सचिव शाहबाज अहमद यांनी सांगितले.
संघटनेच्या दयनीय आर्थिक परिस्थितीमुळे पाकिस्तानच्या हॉकीपटूंना गेल्या महिन्यात पार पडलेल्या आशियाई चॅम्पियन्स ट्रॉफीचे मानधनही देण्यात आलेले नाही.
नोव्हेंबर महिन्याच्या शेवटी भारतात होणाऱ्या विश्वकरंडक हॉकी स्पर्धेतील पाकिस्तान संघाच्य समावेशाबाबत संभ्रम निर्माण झाला आहे. पाकिस्तान हॉकी संघटनेची आर्थिक स्थिती चांगली नसल्याने पाकिस्तान क्रिकेट मंडळाकडे कर्जाची मागणी करण्यात आली होती. परंतु, पाक क्रिकेट मंडळाने कर्ज देण्यास स्पष्ट नककार दिला. परिणामी, हॉकीपटूंपुढे नवी समस्या निर्माण झाली आहे.
ओडिशातील भुवनेश्वर येथे २८ नोव्हेंबर ते १६ डिसेंबर या कालावधीत विश्वकरंडक स्पर्धा रंगणार आहे.
पाकिस्तानचे मुख्य प्रशिक्षक तारीक दर आणि व्यवस्थापक हसन सरदार यांनी पाकिस्तान क्रिकेट मंडळाचे अध्यक्ष एहसान मणी यांच्याशी संपर्क साधून कर्जाची मागणी केली होती. मात्र, मणी यांनी ती मागणी फेटाळून लावली. 'मणी यांनी आम्हाला गुरुवारी भेटण्याचे आश्वासन दिले होते. परंतु, काही तातडीच्या कामामुळे आमची भेट न घेता त्यांनी दूरध्वनीवरुनच चर्चा केली. पाकिस्तान हॉकी संघटनेने काही वर्षापूर्वीसुद्धा क्रिकेट मंडळाकडून कर्ज घेतले होते. ते कर्ज त्यांनी अद्यापही परत केलेले नाही. त्यामुळे आम्ही हॉकी संघटनेला आणखी कर्ज देऊ शकत नसल्याचे स्प्ष्टीकरण मणी यांनी दिले,' असे दर यांनी पत्रकारांशी बोलताना सांगितले. पाकिस्तान हॉकी संघटनेच्या आर्थिक स्थितीबाबत सरकार आणि काही प्रायोजकांशी चर्चा करण्याचे आश्वासनही मणी यांनी दर यांना दिले.
'आम्ही पंतप्रधान कार्यालयाकडे एक आठवड्यात विश्वकरंडकासाठी निधीची तरतूद करावी अशी मागणी केली आहे. हे पैसे मिळण्यास एक आठवड्यापेक्षा अधिक उशीर झाला तर पाकिस्तानचा संघ विश्वकरंडक स्पर्धेत सहभागी होऊ शकणार नाही,' असे पाकिस्तान हॉकी संघटनेचे सचिव शाहबाज अहमद यांनी सांगितले.
संघटनेच्या दयनीय आर्थिक परिस्थितीमुळे पाकिस्तानच्या हॉकीपटूंना गेल्या महिन्यात पार पडलेल्या आशियाई चॅम्पियन्स ट्रॉफीचे मानधनही देण्यात आलेले नाही.