१० सरकारी शाळांना ऑलिम्पिक हॉकी खेळाडूंची नावे; पंजाब सरकारचा मोठा निर्णय

चंदीगड : भारतीय पुरुष हॉकी संघाने टोकियो ऑलिम्पिकमध्ये कांस्यपदक जिंकलं आणि इतिहास घडवला. कांस्य पदकाच्या लढतीत भारतीय पुरुष हॉकी संघाने जर्मनीला ५-४ ने पराभूत करत कांस्य पदक जिंकले आणि ऑलिम्पिकमध्ये ४१ वर्षांनंतर हॉकीतील देशाचे पहिले पदक ठरले.

वाचा- तिसरी कसोटी: शून्य अनुभव असलेला संघ उतरणार मैदानात; सर्व ११ खेळाडू करणार पदार्पण

पंजाब सरकारने सर्वात अनोखी भेट
राज्य सरकारने १० सरकारी शाळांना ऑलिम्पिक पदक विजेत्या हॉकी संघातील खेळाडूंची नावे दिली आहेत. शालेय शिक्षण मंत्री विजय इंदर सिंगला म्हणाले की, मुख्यमंत्री अमरिंदर सिंग यांनी शाळांचे नाव बदलण्यास मान्यता दिली आहे. जालंधरमधील मीठापूर येथील शासकीय वरिष्ठ माध्यमिक शाळेचे (जीएसएसएस) नाव हॉकी संघाचा कर्णधार मनप्रीत सिंग याच्या नावावरून ठेवण्यात आलं आहे. यापुढे शाळेचं नाव ऑलिम्पियन मनप्रीत सिंग शासकीय वरिष्ठ माध्यमिक विद्यालय, मिठापूर असं असेल.

वाचा- अफगाणिस्तान क्रिकेट बोर्डात सत्ताबदल; तालिबानी बनला अध्यक्ष

शाळांना या खेळाडूंची नावे
सिंगला पुढे म्हणाले की, अमृतसरमधील टिमोवालच्या जीएसएसएसचे नाव उपकर्णधार हरमनप्रीत सिंग याच्या नावावरून करण्यात आलं आहे. हरमनप्रीतने भारतासाठी ऑलिम्पिकमध्ये सर्वाधिक सहा गोल केले आहेत. ऑलिम्पियन हरमनप्रीत सिंग जीएसएसएस, टिमोवाल या नावाने शाळा ओळखली जाईल. अधिकृत निवेदनानुसार, अमृतसरच्या अटारी येथील जीएसएसएस आता ऑलिम्पियन शमशेर सिंग शासकीय वरिष्ठ माध्यमिक शाळा म्हणून ओळखली जाईल.

वाचा- १९ वर्ष झाली इंग्लंड संघ पराभव विसरू शकला नाही; फलंदाज आणि गोलंदाजांनी दाणादाण उडवली होती

शाळांना हार्दिक-रुपिंदर यांचीही नावे
फरीदकोटमधील मुलींच्या शासकीय माध्यमिक शाळा आता ऑलिम्पियन रुपिंदर पाल सिंह शासकीय माध्यमिक शाळा म्हणून ओळखली जाईल. जालंधरमधील खुसरोपूर येथील शासकीय माध्यमिक शाळेचं नाव ऑलिम्पियन हार्दिक सिंहच्या नावावरून ठेवण्यात आलं आहे. अमृतसरमधील खलाईहारा येथील शासकीय प्राथमिक शाळेचं नाव ऑलिम्पियन गुरजंत सिंह याच्या नावावरून करण्यात आलं आहे, गुरदासमधील चहल कलान शासकीय हायस्कूलचे नाव ऑलिम्पियन सिमरनजीत सिंग याच्या नावावरून ठेवण्यात आलं आहे.