लॉसन : भारताची १९ वर्षीय हॉकीपटू लालरेमसियामी हिला आंतरराष्ट्रीय हॉकी महासंघातर्फे (एफआयएच) देण्यात येणारा २०१९ ची 'सर्वोत्तम उदयोन्मुख महिला हॉकीपटू' हा पुरस्कार मिळाला आहे. या पुरस्कारासाठी मिझोरामच्या लालरेमसियामीला सर्वाधिक ४० टक्के मते मिळाली. तिने अर्जेंटिनाची ज्युलिएटा जँकुनास आणि नेदरलँड्सची फ्रेडरिका माल्टा या हॉकीपटूंना मागे टाकले. २०१८ च्या महिला हॉकी वर्ल्ड कपमध्ये लालरेमसियामीने प्रभावी कामगिरी केली होती. २०१७मध्ये तिने भारतीय वरिष्ठ संघात बेलारुसविरुद्ध पदार्पण केले. कोरियाविरुद्ध २०१७मध्ये आणि २०१९मध्ये स्पेनविरुद्धच्या कसोटी मालिकेत ती सर्वाधिक गोल करणारी हॉकीपटू ठरली होती. लालरेमसियामी ही मिझोराममधील आहे. हॉकीसाठी तिने आपल्या घरापासून दीडशे किलोमीटर लांब असलेली तेनझावी अॅकॅडमी गाठली. त्यानंतर तिने मागे वळून पाहिलेच नाही.
लालरेमसियामी सर्वोत्तम
भारताची १९ वर्षीय हॉकीपटू लालरेमसियामी हिला आंतरराष्ट्रीय हॉकी महासंघातर्फे (एफआयएच) देण्यात येणारा २०१९ ची 'सर्वोत्तम उदयोन्मुख महिला हॉकीपटू' हा ...
महाराष्ट्र टाइम्स.कॉम 12 Feb 2020, 4:00 am