म.टा. क्रीडा प्रतिनिधी, मुंबई
विवो प्रो कबड्डी लीगच्या सातव्या हंगामासाठी खेळाडूंच्या लिलावाची प्रक्रिया ८ आणि ९ एप्रिल या दोन दिवसांत पार पडणार असून ४४२ खेळाडूंचा यासाठी विचार केला जाईल. त्यातील बहुतांश खेळाडू हे भारतातील किंवा स्थानिक असतील. ५३ खेळाडू हे परदेशी आणि त्यातही क श्रेणीतील ५० खेळाडू असतील. बाकी प्रमुख परदेशी खेळाडू याआधीच विविध संघांनी आपल्या ताफ्यात कायम केले आहेत. तीन खेळाडू अ आणि ब श्रेणीतून लिलावासाठी उपलब्ध असतील. गेल्या हंगामात पाच खेळाडूंना एक कोटीपेक्षा अधिक रक्कम मिळाली होती. त्यामुळे यावेळी अशा खेळाडूंची संख्या वाढण्याची शक्यता आहे.
खेळाडूंच्या मूलभूत रकमेतही सहाव्या हंगामाच्या तुलनेत वाढ करण्यात आली असून अ श्रेणीतील खेळाडूंसाठी मूलभूत रक्कम २० लाखांवरून ३० लाख करण्यात आली आहे तर ब श्रेणीसाठी १२ लाखांवरून २० लाख करण्यात आली आहे. क आणि ड श्रेणीतील खेळाडूंसाठी अनुक्रमे २ व १ लाख इतकी वाढ करण्यात आली असून ती रक्कम आता १० व ६ लाख अशी असेल. नव्या खेळाडूंनाही चांगली वाढ मिळाली असून दोन वर्षांच्या त्यांच्या करारात यंदा ७.२६ लाख रु. मूलभूत रक्कम म्हणून मिळणार आहेत.
प्रो कबड्डीच्या या हंगामात एकूण १९ राज्यांचे खेळाडू खेळतील, पण त्यात गोव्याचा समावेश प्रथमच होतो आहे. महाराष्ट्र, बिहार, हरयाणा, राजस्थान, हिमाचल प्रदेश, आंध्र प्रदेश, तामिळनाडू, गुजरात, ओडिशा, उत्तर प्रदेश, कर्नाटक, पश्चिम बंगाल, नवी दिल्ली, गोवा, उत्तराखंड, मध्य प्रदेश, तेलंगणा, केरळ या राज्यांचे खेळाडू लिलावात असतील. जे खेळाडू लिलावासाठी उपलब्ध आहेत त्यापैकी ३८९ खेळाडू हे स्थानिक आहेत. त्यातही १९ खेळाडू अ श्रेणीत तर ४६ ब श्रेणीत असतील. २५२ खेळाडू हे क श्रेणीत आहेत. सहाव्या हंगामात २१ खेळाडूंना त्या त्या संघात कायम करण्यात आले होते तर सातव्या हंगामासाठी २७ खेळाडूंना तशी संधी मिळाली आहे. रिशांक देवाडिगा, गिरीश इरनाक, विशाल माने अशा महाराष्ट्राच्या प्रमुख खेळाडूंना मात्र लिलावात उतरावे लागेल. पुणेरी पलटण हा एकमेव संघ आहे ज्यांनी एकही खेळाडू गेल्या हंगामातून यावेळी कायम केलेला नाही. ते पूर्ण संघ नव्यानेच तयार करणार आहेत.
गेल्या हंगामात एखाद्या संघात असलेला एखादा खेळाडू पुन्हा आपल्याच संघात घ्यायचा असेल तर तशी संधी त्या संघांना असेल. मात्र जर एखाद्या संघाने ६ खेळाडू आधीच कायम केलेले असतील तर त्यांना तशी सोय नाही. मात्र ५ खेळाडू घेतलेले असतील तर एक खेळाडू त्यांना गेल्या हंगामात जो आपल्या संघातून खेळला त्याला कायम करता येईल. ४ किंवा त्यापेक्षा कमी खेळाडू कायम केले असतील तर २ खेळाडू लिलावातून आपल्या संघात राखण्याची संधी मिळेल.
गेल्या सहा हंगामात जयपूर पिंक पँथर्स, यू मुम्बा, पटना पायरेट्स, बेंगळुरू बुल्स हे चार संघ विजेते ठरले आहेत तर यू मुम्बा, बेंगळुरू बुल्स, गुजरात फॉर्च्युनजायन्ट्स या संघांनी उपविजेतेपद पटकाविले आहे. यावर्षीचे वैशिष्ट्य म्हणजे प्रो कबड्डीच्या गेल्या सहा हंगामात यशस्वी ठरलेला तसेच आंतरराष्ट्रीय स्तरावर भारताचे कर्णधारपद भूषवणारा खेळाडू अनुप कुमार प्रशिक्षकाच्या भूमिकेत दिसणार आहे.
गेल्या हंगामात उत्कृष्ट बचावपटू म्हणून यूपी योद्धाचा नितेश कुमार सर्वोत्तम ठरला होता तर दबंग दिल्लीचा नवीनकुमार यशस्वी ठरलेला सर्वात तरुण खेळाडू ठरला होता. त्यांचा या लिलावात कसा विचार होतो हे पाहायचे.
दृष्टिक्षेप
- विवो प्रो कबड्डी लीगच्या सातव्या हंगामासाठी लिलाव
- एकूण ४४२ खेळाडू रिंगणात, ३८९ खेळाडू स्थानिक
- अ श्रेणीसाठी ३० लाख व ब श्रेणीसाठी २० लाख मूलभूत रक्कम
- १९ राज्यांपैकी गोवा राज्याचा प्रथमच समावेश
- नवोदित खेळाडूंसाठी ७.२६ लाखांची रक्कम
विवो प्रो कबड्डी लीगच्या सातव्या हंगामासाठी खेळाडूंच्या लिलावाची प्रक्रिया ८ आणि ९ एप्रिल या दोन दिवसांत पार पडणार असून ४४२ खेळाडूंचा यासाठी विचार केला जाईल. त्यातील बहुतांश खेळाडू हे भारतातील किंवा स्थानिक असतील. ५३ खेळाडू हे परदेशी आणि त्यातही क श्रेणीतील ५० खेळाडू असतील. बाकी प्रमुख परदेशी खेळाडू याआधीच विविध संघांनी आपल्या ताफ्यात कायम केले आहेत. तीन खेळाडू अ आणि ब श्रेणीतून लिलावासाठी उपलब्ध असतील. गेल्या हंगामात पाच खेळाडूंना एक कोटीपेक्षा अधिक रक्कम मिळाली होती. त्यामुळे यावेळी अशा खेळाडूंची संख्या वाढण्याची शक्यता आहे.
खेळाडूंच्या मूलभूत रकमेतही सहाव्या हंगामाच्या तुलनेत वाढ करण्यात आली असून अ श्रेणीतील खेळाडूंसाठी मूलभूत रक्कम २० लाखांवरून ३० लाख करण्यात आली आहे तर ब श्रेणीसाठी १२ लाखांवरून २० लाख करण्यात आली आहे. क आणि ड श्रेणीतील खेळाडूंसाठी अनुक्रमे २ व १ लाख इतकी वाढ करण्यात आली असून ती रक्कम आता १० व ६ लाख अशी असेल. नव्या खेळाडूंनाही चांगली वाढ मिळाली असून दोन वर्षांच्या त्यांच्या करारात यंदा ७.२६ लाख रु. मूलभूत रक्कम म्हणून मिळणार आहेत.
प्रो कबड्डीच्या या हंगामात एकूण १९ राज्यांचे खेळाडू खेळतील, पण त्यात गोव्याचा समावेश प्रथमच होतो आहे. महाराष्ट्र, बिहार, हरयाणा, राजस्थान, हिमाचल प्रदेश, आंध्र प्रदेश, तामिळनाडू, गुजरात, ओडिशा, उत्तर प्रदेश, कर्नाटक, पश्चिम बंगाल, नवी दिल्ली, गोवा, उत्तराखंड, मध्य प्रदेश, तेलंगणा, केरळ या राज्यांचे खेळाडू लिलावात असतील. जे खेळाडू लिलावासाठी उपलब्ध आहेत त्यापैकी ३८९ खेळाडू हे स्थानिक आहेत. त्यातही १९ खेळाडू अ श्रेणीत तर ४६ ब श्रेणीत असतील. २५२ खेळाडू हे क श्रेणीत आहेत. सहाव्या हंगामात २१ खेळाडूंना त्या त्या संघात कायम करण्यात आले होते तर सातव्या हंगामासाठी २७ खेळाडूंना तशी संधी मिळाली आहे. रिशांक देवाडिगा, गिरीश इरनाक, विशाल माने अशा महाराष्ट्राच्या प्रमुख खेळाडूंना मात्र लिलावात उतरावे लागेल. पुणेरी पलटण हा एकमेव संघ आहे ज्यांनी एकही खेळाडू गेल्या हंगामातून यावेळी कायम केलेला नाही. ते पूर्ण संघ नव्यानेच तयार करणार आहेत.
गेल्या हंगामात एखाद्या संघात असलेला एखादा खेळाडू पुन्हा आपल्याच संघात घ्यायचा असेल तर तशी संधी त्या संघांना असेल. मात्र जर एखाद्या संघाने ६ खेळाडू आधीच कायम केलेले असतील तर त्यांना तशी सोय नाही. मात्र ५ खेळाडू घेतलेले असतील तर एक खेळाडू त्यांना गेल्या हंगामात जो आपल्या संघातून खेळला त्याला कायम करता येईल. ४ किंवा त्यापेक्षा कमी खेळाडू कायम केले असतील तर २ खेळाडू लिलावातून आपल्या संघात राखण्याची संधी मिळेल.
गेल्या सहा हंगामात जयपूर पिंक पँथर्स, यू मुम्बा, पटना पायरेट्स, बेंगळुरू बुल्स हे चार संघ विजेते ठरले आहेत तर यू मुम्बा, बेंगळुरू बुल्स, गुजरात फॉर्च्युनजायन्ट्स या संघांनी उपविजेतेपद पटकाविले आहे. यावर्षीचे वैशिष्ट्य म्हणजे प्रो कबड्डीच्या गेल्या सहा हंगामात यशस्वी ठरलेला तसेच आंतरराष्ट्रीय स्तरावर भारताचे कर्णधारपद भूषवणारा खेळाडू अनुप कुमार प्रशिक्षकाच्या भूमिकेत दिसणार आहे.
गेल्या हंगामात उत्कृष्ट बचावपटू म्हणून यूपी योद्धाचा नितेश कुमार सर्वोत्तम ठरला होता तर दबंग दिल्लीचा नवीनकुमार यशस्वी ठरलेला सर्वात तरुण खेळाडू ठरला होता. त्यांचा या लिलावात कसा विचार होतो हे पाहायचे.
दृष्टिक्षेप
- विवो प्रो कबड्डी लीगच्या सातव्या हंगामासाठी लिलाव
- एकूण ४४२ खेळाडू रिंगणात, ३८९ खेळाडू स्थानिक
- अ श्रेणीसाठी ३० लाख व ब श्रेणीसाठी २० लाख मूलभूत रक्कम
- १९ राज्यांपैकी गोवा राज्याचा प्रथमच समावेश
- नवोदित खेळाडूंसाठी ७.२६ लाखांची रक्कम