निखिल, गणेशची अर्धशतके
क्रिकेट स्पर्धा
म. टा. प्रतिनिधी, पुणे
निखिल पराडकर आणि गणेश गायकवाड यांच्या अर्धशतकांच्या जोरावर केडन्स संघाने 'पीवायसी-गोल्डफिल्ड' मांडके करंडक क्रिकेट स्पर्धेत वेंगसकर क्रिकेट अॅकॅडमीविरुद्ध पहिल्या डावात २२४ धावांपर्यंत मजल मारली. मात्र, स्पर्धेच्या नियमानुसार प्रत्येक विकेटमागे पाच अशा एकूण ५० धावा केडन्सच्या धावसंख्येतून वजा करण्यात आल्या.
केडन्स संघाने नाणेफेक जिंकून प्रथम फलंदाजी स्वीकारली. केडन्सचा डाव ४०व्या षटकात २२४ धावांवर आटोपला. त्यात निखिल पराडकर आणि गणेश गायकवाड यांनी मोलाचा वाटा उचलला. निखिलने ८८ चेंडूंत ८ चौकार आणि एका षटकारासह ८६ धावांची, तर गणेशने ७४ चेंडूंत ४ चौकार आणि एका षटकारासह ५४ धावांची खेळी केली. प्रत्युत्तर देताना वेंगसरकर अॅकॅडमीने दिवसअखेर १३ षटकांत १ बाद ८५ धावा केल्या होत्या. त्यात सुधांशू गुंदेतीने ४५ चेंडूंत ८ चौकारांसह ४८ धावांची खेळी केली, तर विनय पाटील ३० धावांवर आणि मिझान सय्यद ६ धावांवर खेळत होता.
संक्षिप्त धावफलक : केडन्स संघ : पहिला डाव - ३९.३ षटकांत सर्वबाद २२४-५० = १७४ (निखिल पराडकर ८६, गणेश गायकवाड ५४, इझान सय्यद २१, शुभम तैस्वाल ५-४१, कार्तिक पिल्ले २-२३स उत्कर्ष अगरवाल १-१७) वि. वेंगसरकर अॅकॅडमी : पहिला डाव - १३ षटकांत १ बाद ८५ (सुधांशू गुंदेती ४८, विनय पाटील खेळत आहे ३०, मिझान सय्यद नाबाद ६, गणेश गायकवाड १-८).