दिल्लीची बंगालवर मात

दबंग दिल्ली संघाने रविवारी पार पडलेल्या प्रो कबड्डी लीगच्या लढतीत बंगाल वॉरियर्सवर ३९-३० असा विजय मिळवला. पुण्याच्या श्री शिवछत्रपती क्रीडा संकुलात पार पडलेल्या या लढतीत बंगालला फटका बसला तो सुमार बचावाचा. संपुर्ण सामन्यात बंगालच्या फळीला अवघे दोन गुण पटकावता आले. दिल्लीकडून नवीनकुमारने चढाईत सर्वाधिक ११ गुणांची कमाई केली. बंगालला संपूर्ण सामन्यात त्याची पकडच करता आली नाही.