म. टा. प्रतिनिधी, औरंगाबाद
औरंगाबाद जिल्हा कबड्डी संघटनेतर्फे २० व २१ ऑक्टोबर रोजी पुरुष व महिला गट कबड्डी स्पर्धेचे आयोजन करण्यात आले आहे.
या स्पर्धेतून महाराष्ट्र राज्य निवड चाचणी कबड्डी स्पर्धेसाठी औरंगाबादचा संघ निवडण्यात येणार आहे. पुरुष खेळाडूंचे वजन ८५ किलो तर महिला खेळाडूंचे वजन ७५ किलोच्या आत असणे आवश्यक आहे. खेळाडूंना मंडळाची व वैयक्तिक नोंदणी करणे बंधनकारक आहे. मराठवाडा सांस्कृतिक मंडळाच्या मैदानावर ही स्पर्धा होणार आहे. अधिक माहितीसाठी डॉ. माणिक राठोड यांच्याशी संपर्क साधावा, असे आवाहन राज्य कबड्डी संघटनेचे कार्याध्यक्ष डॉ. दत्ता पाथ्रीकर, डॉ. विजय पाथ्रीकर, बाबुराव अतकरे, सचिव एन. आर. घुले यांनी केले आहे.