मुंबई : कुमार गट राज्य अजिंक्यपद निवड चाचणी कबड्डीत पुण्याने कुमार गटात गतविजेत्या कोल्हापूरला ४३-२४असे पराभूत केले. तर कुमारी गटात मुंबई शहराने गतउपविजेत्या साताऱ्याला ३३-३२ असे चकवित विजेतेपद पटकाविले.. परभणी जिल्हा कबड्डी असो. व ज्ञानसंगोपन सेवाभावी संस्था यांच्या संयुक्त विद्यमाने झालेल्या स्पर्धेत अंतिम सामन्यात पुण्याने कोल्हापूरचा अगदी सहज पाडाव केला. पुण्याकडून अभिषेक भोसले, पवन करांडे, अभिजित चौधरी चमकले. मुलींमध्ये मुंबई शहरला साताऱ्याशी संघर्ष करून विजय मिळवावा लागला. मुंबईने केलेला एकमात्र बोनस गुण त्यांना विजयासाठी महत्वाचा ठरला. प्रतीक्षा तांडेल, ऋणाली भुवड यांच्या धारदार चढाया त्याला जागृती घोसाळकर, ज्योती डफळे यांची मिळालेली पकडीची साथ यामुळे शेवटी मुंबईने विजय साकारला.
मुंबई, पुण्याला जेतेपद
कुमार गट राज्य अजिंक्यपद निवड चाचणी कबड्डीत पुण्याने कुमार गटात गतविजेत्या कोल्हापूरला ४३-२४असे पराभूत केले...
Maharashtra Times 13 Dec 2018, 4:00 am