बेंगळुरू : यूपी योद्धाने तीनवेळा प्रो कबड्डीचे विजेतेपद पटकाविणाऱ्या पाटणा पायरेट्सला ४१-२९ असे सहज पराभूत केले. श्री कांतिरवा स्टेडियममध्ये सुरू असलेल्या या लीगच्या सातव्या हंगामातील लढतीत श्रीकांत जाधव (१० गुण), सुरेंदर गिल (७ गुण) आणि नितेश कुमार (५ पकडीचे गुण) यांच्या जोरावर यूपी योद्धाने हा विजय साकारला. पाटण्याकडून प्रदीप नरवालनेही १० गुणांची कमाई केली, पण त्यांना विजय मिळविण्यात अपयश आले. खरे तर सुरुवातीलाच पाटण्याने यूपीवर लोण चढविला होता पण नंतर त्यांची पकड सुटली. दरम्यान, कोलकाता येथील प्रो कबड्डीचा टप्पा काही अपरिहार्य कारणामुळे ७ ते १२ सप्टेंबर म्हणजे गुरुवारपर्यंत खेळविला जाणार आहे. त्यामुळे शुक्रवारी होणाऱ्या लढती मंगळवार आणि गुरुवारी खेळविल्या जातील.
यूपीची पाटण्यावर मात
यूपी योद्धाने तीनवेळा प्रो कबड्डीचे विजेतेपद पटकाविणाऱ्या पाटणा पायरेट्सला ४१-२९ असे सहज पराभूत केले...
महाराष्ट्र टाइम्स.कॉम 7 Sep 2019, 4:00 am