नवी दिल्ली: प्रो-कबड्डी स्पर्धेत दबदबा निर्माण करणाऱ्या बंगाल वॉरियर्सने यू मुंबाचा ३२-३० ने पराभव केला. या विजयाबरोबरच बंगालने गुणतालिकेत चौथं स्थान पटकावलं आहे. तर दुसऱ्या सामन्यात पाटणा पायरेट्सनेही धमाकेदार कामगिरी करत यूपी योद्धाला ४१-२० ने मात दिली आहे.
बंगाल आणि मुंबई दरम्यान झालेल्या सामन्यात पहिल्या हाफमध्ये मुंबईने बंगालवर १६-११ची आघाडी घेतली होती. पहिल्या हाफमधील दहाव्या मिनिटाला बंगालची टीम ऑलआऊटही झाली होती. मात्र दुसऱ्या हाफमध्ये बंगालने सामन्यात धमाकेदार पुनरागमन केलं. बंगालने दुसऱ्या हाफच्या २२ व्या मिनिटाला मुंबईला ऑलआऊट करून स्कोअर १९-१९ असा बरोबरीत आणला. त्यानंतर पुन्हा एकदा मुंबईने बंगालला मागे टाकलं. मात्र नंतर ३७ व्या मिनिटाला बंगालने मुंबईला ऑलआऊट करत सामन्यात ३१-२८ची आघाडी घेतली. शेवटच्या रेडच्या आधी बंगालने एका गुणाने आघाडी घेतली आणि अखेर सामन्यावर विजयी मोहोर उमटवली. त्याच बरोबर गुणतालिकेतील चौथं स्थानही पक्क केलं.
दुसरीकडे पाटणाविरोधात लढताना यूपी योद्धा टीम पहिल्या हाफच्या ९व्या मिनिटाला सर्वबाद झाली होती. यूपीने सामन्यात पुनरागमन करण्याचा बराच प्रयत्न केला. मात्र १९व्या मिनिटाला पाटणाने पुन्हा एकदा यूपीला सर्वबाद केलं. त्यामुळे यूपीचा संघ आणखीनच पिछाडीवर गेला. पहिल्या हाफमध्ये पाटणाने यूपीवर २४-२९ने आघाडी घेतली होती. १५ गुणांची पिछाडी घेऊन यूपीने दुसऱ्या हाफला सुरुवात केली. दुसऱ्या हाफमध्ये तिसऱ्यांदा यूपी सर्वबाद झाल्याने त्यांच्या सामन्यात पुनरागमन करण्याच्या आशाही मावळल्या. त्यामुळे पाटणाला यूपीवर ४१-२०ने विजय मिळविता आला. घरच्या मैदानावर झालेला यूपीचा हा या मोसमातील सर्वात लाजीरवाणा पराभव होता.
बंगाल आणि मुंबई दरम्यान झालेल्या सामन्यात पहिल्या हाफमध्ये मुंबईने बंगालवर १६-११ची आघाडी घेतली होती. पहिल्या हाफमधील दहाव्या मिनिटाला बंगालची टीम ऑलआऊटही झाली होती. मात्र दुसऱ्या हाफमध्ये बंगालने सामन्यात धमाकेदार पुनरागमन केलं. बंगालने दुसऱ्या हाफच्या २२ व्या मिनिटाला मुंबईला ऑलआऊट करून स्कोअर १९-१९ असा बरोबरीत आणला. त्यानंतर पुन्हा एकदा मुंबईने बंगालला मागे टाकलं. मात्र नंतर ३७ व्या मिनिटाला बंगालने मुंबईला ऑलआऊट करत सामन्यात ३१-२८ची आघाडी घेतली. शेवटच्या रेडच्या आधी बंगालने एका गुणाने आघाडी घेतली आणि अखेर सामन्यावर विजयी मोहोर उमटवली. त्याच बरोबर गुणतालिकेतील चौथं स्थानही पक्क केलं.
दुसरीकडे पाटणाविरोधात लढताना यूपी योद्धा टीम पहिल्या हाफच्या ९व्या मिनिटाला सर्वबाद झाली होती. यूपीने सामन्यात पुनरागमन करण्याचा बराच प्रयत्न केला. मात्र १९व्या मिनिटाला पाटणाने पुन्हा एकदा यूपीला सर्वबाद केलं. त्यामुळे यूपीचा संघ आणखीनच पिछाडीवर गेला. पहिल्या हाफमध्ये पाटणाने यूपीवर २४-२९ने आघाडी घेतली होती. १५ गुणांची पिछाडी घेऊन यूपीने दुसऱ्या हाफला सुरुवात केली. दुसऱ्या हाफमध्ये तिसऱ्यांदा यूपी सर्वबाद झाल्याने त्यांच्या सामन्यात पुनरागमन करण्याच्या आशाही मावळल्या. त्यामुळे पाटणाला यूपीवर ४१-२०ने विजय मिळविता आला. घरच्या मैदानावर झालेला यूपीचा हा या मोसमातील सर्वात लाजीरवाणा पराभव होता.