हैदराबाद:
हैदराबाद येथे सुरू असलेल्या प्रो-कबड्डी स्पर्धेत बंगाल वॉरियर्सने यूपी योद्धावर ४८-१७ने दणदणीत विजय मिळवत नवा विक्रम नोंदवला. प्रो-कबड्डीच्या इतिहासातील सर्वात मोठ्या फरकाने झालेला हा विजय आहे. तर दुसरीकडे तेलुगू टायटन्सला सलग तिसऱ्यांदा पराभवाचा सामना करावा लागला आहे. दबंग दिल्लीने तेलुगू टायटन्सवर ३४-३३ अशा थोड्याशा अंतराने मात दिली.
पीकेएलमध्ये या मोसमातील पहिलाच सामना खेळणाऱ्या बंगाल वॉरियर्सच्या वाघांची आज मैदानात डरकाळी घुमली. बंगालच्या टीमने पहिल्या हाफमध्येच यूपीला मागे टाकत १७-९ने आघाडी घेतली आणि दुसऱ्या हाफमध्ये ४८-१७ने सामना खिशात घातला. या सामन्यात बंगालने रेडद्वारे २४, टॅकलद्वारे १४, ऑलआऊटद्वारे ८ आणि दोन अतिरिक्त गुण मिळविले. त्याशिवाय नबीबक्शच्या १० गुणांव्यतिरिक्त मनिंदर सिंहने नऊ आणि बलदेव सिंहने सात गुण मिळविले.
तेलुगू टायटन्सचा तिसऱ्यांदा पराभव
दबंग दिल्ली आणि तेलुगू टायटन्स दरम्यान आज कडवी झुंज पाह्यला मिळाली. सामन्याच्या पहिल्याच रेडमध्ये सिद्धार्थ देसाईने दिल्लीच्या दोन खेळाडूंना बाहेरचा रस्ता दाखवला. पण दिल्लीनेही कडवी झुंज देत सामन्यात पुनरागमन केलं. पहिल्या हाफ पर्यंत दोन्ही संघादरम्यानचा सामना बरोबरीत होता. सिद्धार्थ देसाईशिवाय या लिगमध्ये पहिल्यांदाच खेळणाऱ्या सूरज देसाईनेही चांगली कामगिरी केली. पहिल्या हाफनंतर दिल्लीने १३-१२ने आघाडी घेतली होती. दुसऱ्या हाफमध्ये दोन्ही संघातील सामना २१-२१ने बरोबरीत सुटला. मात्र सामन्याच्या अंतिम रेडमध्ये टाय करण्यासाठी तेलुगू टायटन्सला २ अंकाची आवश्यकता होती. परंतु, दिल्लीच्या चिवट खेळामुळे टायटन्सचा स्वप्नभंग झाला.
हैदराबाद येथे सुरू असलेल्या प्रो-कबड्डी स्पर्धेत बंगाल वॉरियर्सने यूपी योद्धावर ४८-१७ने दणदणीत विजय मिळवत नवा विक्रम नोंदवला. प्रो-कबड्डीच्या इतिहासातील सर्वात मोठ्या फरकाने झालेला हा विजय आहे. तर दुसरीकडे तेलुगू टायटन्सला सलग तिसऱ्यांदा पराभवाचा सामना करावा लागला आहे. दबंग दिल्लीने तेलुगू टायटन्सवर ३४-३३ अशा थोड्याशा अंतराने मात दिली.
पीकेएलमध्ये या मोसमातील पहिलाच सामना खेळणाऱ्या बंगाल वॉरियर्सच्या वाघांची आज मैदानात डरकाळी घुमली. बंगालच्या टीमने पहिल्या हाफमध्येच यूपीला मागे टाकत १७-९ने आघाडी घेतली आणि दुसऱ्या हाफमध्ये ४८-१७ने सामना खिशात घातला. या सामन्यात बंगालने रेडद्वारे २४, टॅकलद्वारे १४, ऑलआऊटद्वारे ८ आणि दोन अतिरिक्त गुण मिळविले. त्याशिवाय नबीबक्शच्या १० गुणांव्यतिरिक्त मनिंदर सिंहने नऊ आणि बलदेव सिंहने सात गुण मिळविले.
तेलुगू टायटन्सचा तिसऱ्यांदा पराभव
दबंग दिल्ली आणि तेलुगू टायटन्स दरम्यान आज कडवी झुंज पाह्यला मिळाली. सामन्याच्या पहिल्याच रेडमध्ये सिद्धार्थ देसाईने दिल्लीच्या दोन खेळाडूंना बाहेरचा रस्ता दाखवला. पण दिल्लीनेही कडवी झुंज देत सामन्यात पुनरागमन केलं. पहिल्या हाफ पर्यंत दोन्ही संघादरम्यानचा सामना बरोबरीत होता. सिद्धार्थ देसाईशिवाय या लिगमध्ये पहिल्यांदाच खेळणाऱ्या सूरज देसाईनेही चांगली कामगिरी केली. पहिल्या हाफनंतर दिल्लीने १३-१२ने आघाडी घेतली होती. दुसऱ्या हाफमध्ये दोन्ही संघातील सामना २१-२१ने बरोबरीत सुटला. मात्र सामन्याच्या अंतिम रेडमध्ये टाय करण्यासाठी तेलुगू टायटन्सला २ अंकाची आवश्यकता होती. परंतु, दिल्लीच्या चिवट खेळामुळे टायटन्सचा स्वप्नभंग झाला.