मुंबई : महाराष्ट्र राज्य कबड्डी असोसिएशनच्या विद्यमाने दरवर्षी कबड्डीमहर्षी स्व. शंकरराव (बुवा) साळवी यांचा जन्मदिन १५ जुलै हा 'कबड्डी दिन' म्हणून साजरा करण्यात येतो. यानिमित्ताने शारदाश्रम विद्यामंदिर तांत्रिक विद्यालय (दादर) आणि ओम् कबड्डी प्रबोधिनी यांच्यातर्फे सोमवार, दिनांक १५ जुलै रोजी सकाळी ८.०० वाजता कबड्डी प्रशिक्षण शिबिराचा समारोप होणार असून, यावेळी शिबिरार्थींना प्रमाणपत्रे देऊन यावेळी गौरवण्यात येणार आहे. यावेळी 'कबड्डीतील गुरू-शिष्य' हा कार्यक्रम आयोजित करण्यात येणार आहे. यात महाराष्ट्राचे माजी प्रशिक्षक आणि महात्मा गांधी स्पोर्ट्स क्लबचे प्रशिक्षक सुहास जोशी तसेच यू मुम्बाचा कबड्डीपटू अजिंक्य कापरे यावेळी उपस्थित राहणार आहे, अशी माहिती शारदाश्रम विद्यामंदिर तांत्रिक विद्यालयाचे प्राचार्य मंगेश कोचरेकर यांनी दिली. या कार्यक्रमाला खेळाडू, संघटक, कबड्डीप्रेमी यांनी मोठ्या संख्येने उपस्थित राहून शारदाश्रम तांत्रिक विद्यालयात सुरू करण्यात आलेल्या या उपक्रमास प्रोत्साहित करावे असे आव्हान देखील मुख्याध्यापकांनी केले आहे.
कबड्डी दिनानिमित्त विशेष कार्यक्रम
महाराष्ट्र राज्य कबड्डी असोसिएशनच्या विद्यमाने दरवर्षी कबड्डीमहर्षी स्व...
महाराष्ट्र टाइम्स.कॉम 15 Jul 2019, 4:00 am