इचलकरंजीत रविवारी अर्धमॅरेथॉन
म. टा. वृत्तसेवा, इचलकरंजी
स्वयं व्यायामाबाबत जागृतीसाठी कार्यरत आय अॅम फिट संस्था आणि कोल्हापूर पोलिस यांच्या संयुक्त विद्यमाने रविवारी इचलकरंजीत अर्धमॅरेथॉन स्पर्धेचे आयोजन करण्यात आले आहे. या निमित्ताने शनिवार (२५ नोव्हेंबर) व रविवारी (२६ नोव्हेंबर) विविध कार्यक्रमांचे आयोजन करण्यात आले आहे. २६ ला होणाऱ्या अर्ध मॅरेथॉन स्पर्धेत संगणक नोंदणी चीप प्रणालीचा वापर करण्यात येणार असल्याची माहिती संस्थेचे अध्यक्ष महेश शेळके यांनी दिली. आरोग्याचा संदेश देण्यासाठी या अर्धमॅरेथॉनमध्ये विविध वयोगटांतील तीन हजार स्पर्धक धावणार आहेत. यामध्ये कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील, पोलिस अधीक्षक संजय मोहिते, आमदार सुरेश हाळवणकर, नगराध्यक्षा अलका स्वामी, पोलीस सह अधीक्षक सुहेल शर्मा यांच्यासह शहरातील नगरसेवक, विविध क्षेत्रांतील मान्यवर, पोलिस अधिकारी, कर्मचारी, परिसरातील सर्व खेळाडू, महिला, युवक-युवती व गृहिणी सहभागी होणार आहेत. मॅरेथॉनच्या निमित्ताने २५ नोव्हेंबरला विविध कार्यक्रम व एक्स्पोचे आयोजन करण्यात आले आहे. सकाळी फॉर्च्युन प्लाझा येथे त्याचा आरंभ होणार असून, एक्स्पोचे उदघाटन माजी वस्त्रोद्योगमंत्री प्रकाश आवाडे व यंत्रमाग महामंडळाचे अध्यक्ष हिंदुराव शेळके यांच्या हस्ते होईल. सायंकाळी हुतात्म्यांना अभिवादन करण्यात येणार आहे. या वेळी खासदार धनंजय महाडिक, विश्वास नांगरे पाटील व उच्च न्यायालयाचे निवृत्त सरन्यायाधीश के. यू. चांदीवाल यांची उपस्थिती असणार आहे. २६ तारखेला अर्धमॅरेथॉनची सुरुवात पहाटे सहा वाजता फॉर्च्युन प्लाझा येथून होणार आहे. मुख्य रस्त्याने साजणी व परत फॉर्च्युन असा २१ किलोमीटरचा मार्ग असून पाच,१० व २१ किलोमीटर अशा तीन टप्प्यांत स्पर्धक सहभागी होतील. या वेळी संतोष शेळके, संदीप मोघे, गोरखनाथ सावंत उपस्थित होते.
म. टा. वृत्तसेवा, इचलकरंजी
स्वयं व्यायामाबाबत जागृतीसाठी कार्यरत आय अॅम फिट संस्था आणि कोल्हापूर पोलिस यांच्या संयुक्त विद्यमाने रविवारी इचलकरंजीत अर्धमॅरेथॉन स्पर्धेचे आयोजन करण्यात आले आहे. या निमित्ताने शनिवार (२५ नोव्हेंबर) व रविवारी (२६ नोव्हेंबर) विविध कार्यक्रमांचे आयोजन करण्यात आले आहे. २६ ला होणाऱ्या अर्ध मॅरेथॉन स्पर्धेत संगणक नोंदणी चीप प्रणालीचा वापर करण्यात येणार असल्याची माहिती संस्थेचे अध्यक्ष महेश शेळके यांनी दिली. आरोग्याचा संदेश देण्यासाठी या अर्धमॅरेथॉनमध्ये विविध वयोगटांतील तीन हजार स्पर्धक धावणार आहेत. यामध्ये कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील, पोलिस अधीक्षक संजय मोहिते, आमदार सुरेश हाळवणकर, नगराध्यक्षा अलका स्वामी, पोलीस सह अधीक्षक सुहेल शर्मा यांच्यासह शहरातील नगरसेवक, विविध क्षेत्रांतील मान्यवर, पोलिस अधिकारी, कर्मचारी, परिसरातील सर्व खेळाडू, महिला, युवक-युवती व गृहिणी सहभागी होणार आहेत. मॅरेथॉनच्या निमित्ताने २५ नोव्हेंबरला विविध कार्यक्रम व एक्स्पोचे आयोजन करण्यात आले आहे. सकाळी फॉर्च्युन प्लाझा येथे त्याचा आरंभ होणार असून, एक्स्पोचे उदघाटन माजी वस्त्रोद्योगमंत्री प्रकाश आवाडे व यंत्रमाग महामंडळाचे अध्यक्ष हिंदुराव शेळके यांच्या हस्ते होईल. सायंकाळी हुतात्म्यांना अभिवादन करण्यात येणार आहे. या वेळी खासदार धनंजय महाडिक, विश्वास नांगरे पाटील व उच्च न्यायालयाचे निवृत्त सरन्यायाधीश के. यू. चांदीवाल यांची उपस्थिती असणार आहे. २६ तारखेला अर्धमॅरेथॉनची सुरुवात पहाटे सहा वाजता फॉर्च्युन प्लाझा येथून होणार आहे. मुख्य रस्त्याने साजणी व परत फॉर्च्युन असा २१ किलोमीटरचा मार्ग असून पाच,१० व २१ किलोमीटर अशा तीन टप्प्यांत स्पर्धक सहभागी होतील. या वेळी संतोष शेळके, संदीप मोघे, गोरखनाथ सावंत उपस्थित होते.