टोकियो सोडताना ऑस्ट्रेलियाच्या खेळाडूंचा राडा; पलंग तोडले

टोकियो : कोरोना महामारीच्या पार्श्वभूमीवरही जपान सरकारने राजधानी टोकियोमध्ये ऑलिम्पिक स्पर्धांचे आयोजन केले. खेळाडू, त्यांच्यासोबत आलेले प्रशिक्षक आणि सहाय्यकांच्या आरोग्य सुरक्षेची सर्व काळजी केली. पण काही खेळाडूंनी टोकियो सोडताना त्यांच्या या आदरातिथ्यावर पाणी फेरले आहे. राहण्याची सोय असलेल्या खोलीची खेळाडूंनी तोडफोड केली आहे.

वाचा- तारीख सेव्ह करून ठेवा; टी-२० वर्ल्डकपमध्ये या दिवशी होणार भारत आणि पाकिस्तान मॅच

ऑस्ट्रेलियाच्या क्रीडापटूंनी ऑलिम्पिक व्हिलेजमधील त्यांच्या खोल्यांमध्ये असलेले बेड तर फोडलेच, पण दरवाजांना छिद्रेही पाडली. घरी परतताना काही खेळाडूंनी अपमानजनक वर्तन केले आहे. जे खेळाडूंकडून अपेक्षित नाही.

वाचा- रवी कुमारने इतिहास घडवला, भारताचे आणखी एक पदक निश्चित

ऑस्ट्रेलियन संघाचे बॉस इयान चेस्टरमन म्हणाले की, संबंधित खेळाडूंवर शिस्तभंगाची कारवाई केली जाणार नाही, कारण त्यांनी आधीच माफी मागितली आहे. नुकसान खूपच कमी झाले आहे आणि कार्डबोर्ड पलंग तोडणे काही कठीण काम नाही. काही खेळाडूंनी त्यांच्या खोल्या अशा परिस्थितीत सोडल्या जे त्यांनी करायला नको होते, असेही ते म्हणाले. चेस्टरमन यांनी हे कृत्य करणाऱ्या खेळाडूंची नावे सांगितली नाहीत.

वाचा- भारत-पाकिस्तान आता ऑलिम्पिकमध्येही भिडणार; ७ ऑगस्टला होणार 'महामुकाबला'

ऑस्ट्रेलियन ऑलिम्पिक समितीने सांगितले आहे की, नॅशनल गव्हर्निंग बॉडी ऑफ फुटबॉल अॅण्ड रग्बी युनियन शुक्रवारी सिडनीला विमानाने परतलेल्या खेळाडूंची चौकशी करत आहे. या खेळाडूंनी विमानात भरपूर मद्यपान आणि गैरवर्तनही केले. त्याचा चेस्टरमन यांनी तीव्र निषेध केला आहे. परतीच्या विमानात खेळाडूंनी भरपूर दारू प्यायल्यानंतर उलट्याही केल्या. विमानातील कर्मचाऱ्यांच्या सूचनांकडे दुर्लक्ष केले.

वाचा- लव्हलिनला बॉक्सिंगमध्ये कास्य पदक; टोकियो ऑलिम्पिकमध्ये भारताला मिळाले तिसरे पदक

जपान एअरलाइन्सच्या फ्लाइटमध्ये ऑस्ट्रेलियाचे 49 खेळाडू होते. त्यापैकी कोणत्या खेळाडूंनी उपद्रव केला, त्याबाबतची माहिती नाहीय. पण ऑस्ट्रेलियन रग्बी आणि फुटबॉल फेडरेशन संबंधितांवर कारवाई करेल, असा विश्वासही चेस्टरमन यांनी व्यक्त केला.